Skip to main content

தெலுங்கைத் தொடர்ந்து இந்தியிலும் ரீமேக்காகும் ‘தடம்’!

 

thadam hindi remake

 

மகிழ் திருமேனி இயக்கத்தில் அருண்விஜய், தன்யா ஹோப், ஸ்மிருதி வெங்கட் உள்ளிட்ட பலர் நடிப்பில் கடந்த 2019ஆம் ஆண்டு வெளியான படம் ‘தடம்’. ரசிகர்களிடையே நல்ல வரவேற்பைப் பெற்ற இப்படம், வசூல் ரீதியாகவும் விமர்சன ரீதியாகவும் மாபெரும் வெற்றிபெற்றது. தமிழில் கிடைத்த வரவேற்பைத் தொடர்ந்து, தெலுங்கில் ராம் பொத்தினேனி, நிவேதா பெத்துராஜ் நடிப்பில் ‘ரெட்’ என்ற பெயரில் ரீமேக் செய்யப்பட்டது. இந்த ஆண்டு ஜனவரி மாதம் வெளியான இப்படத்திற்கு தெலுங்கு ரசிகர்களிடையே நல்ல வரவேற்பு கிடைத்தது.

 

இந்த நிலையில், ‘தடம்’ திரைப்படம் தற்போது இந்தியில் ரீமேக் செய்யப்படவுள்ளது. அறிமுக இயக்குநர் வர்தன் கேட்கர் இயக்க, ஆதித்யா ராய் கபூர் நாயகனாக நடிக்கவுள்ளார். இதுகுறித்த அதிகாரப்பூர்வ அறிவிப்பை வெளியிட்டுள்ள படக்குழு, செப்டம்பர் மாதத்தில் படப்பிடிப்பைத் தொடங்க திட்டமிட்டுள்ளது. 

 

 

சார்ந்த செய்திகள்