விமானத்தை வாங்கி கட்டிடத்தில் மோதி படமாக்கிய நோலன்!

உலகப்புகழ் பெற்ற கிறிஸ்டோபர் நோலன் இயக்கத்தில் உருவாகியுள்ள படம் 'டெனட்'. இந்தப் படம் கிறிஸ்டோபர் நோலன் எடுத்ததிலேயே அதிக பொருட்செலவில் எடுக்கப்பட்ட பிரம்மாண்ட சயின்ஸ் பிக்‌ஷன் படம்.

டன்கிரிக் படத்தைத் தொடர்ந்து கிறிஸ்டோபர் நோலன் சயின்ஸ் பிக்‌ஷன் அடிப்படையில் படம் எடுக்க இருக்கிறார் என்றவுடனேயே ரசிகர்களின் எதிர்பார்ப்பு எகிறத் தொடங்கியது. இதன்பின் இந்தப் படம் குறித்து வெளியாகும் தகவல்கள், ட்ரைலர் அனைத்தும் ரசிகர்களின்ஆர்வத்தைத் தூண்டியுள்ளது. இப்படத்தில் ஜான் வாஷிங்டன், ராபர்ட் பேட்டின்சன், இந்திய நடிகை டிம்பிள் கபாடியா உள்ளிட்ட பல பிரபலங்கள் நடித்துள்ளனர்.

அண்மையில் இப்படத்தின் ட்ரைலர் வெளியாகி உலகம் முழுவதும் இருக்கும் நோலன் ரசிகர்களின் எதிர்பார்ப்பை இன்னும் தூண்டியுள்ளது. இந்த ட்ரைலரின் கடைசியாக விமானம் ஏர்போர்டில் மோதுவது போன்ற காட்சி இடம் பெற்றிருக்கும். இந்தக் காட்சி எந்த கிராபிக்ஸும் இன்றி, பழைய விமானத்தை வாங்கி, நிஜ கட்டடத்தில் மோதி படமாக்கப்பட்டிருப்பதாகத் தெரிவிக்கப்பட்டுள்ளது.