Skip to main content

தயாரிப்பாளர்களுக்குள் இல்லாத ஒற்றுமை... டி.ஆர் தலைமையில் மற்றொரு சங்கம்...

Published on 04/12/2020 | Edited on 04/12/2020

 

tr

 

தமிழ்த் திரைப்படத் தயாரிப்பாளர் சங்கத்திலுள்ள தயாரிப்பாளர்களுக்குள் ஒற்றுமை இல்லாத காரணத்தால், ஏற்கனவே ஒரு குறிப்பிட்ட தயாரிப்பாளர்கள் தனியாக வந்து, 'தமிழ்த் திரைப்பட நடப்பு தயாரிப்பாளர்கள் சங்கம்' என்ற ஒன்றைத் தொடங்கியுள்ளனர்.

 

இதனைத் தொடர்ந்து தயாரிப்பாளர் சங்கத் தேர்தல் நடைபெற்றது. அதில் டி.ஆர் மற்றும் தேனாண்டாள் ஃபிலிம்ஸ் முரளி ஆகியோர் தலைவர் பதவிக்குப் போட்டியிட்டனர். அந்தத் தேர்தலில் முரளி வெற்றிபெற்றார்.

 

இந்நிலையில், டி.ராஜேந்தர் தலைமையிலான அணியினர் புதிதாகச் சங்கம் ஒன்றை உருவாக்கும் முயற்சியில் ஈடுபட்டுள்ளதாக தகவல் வெளியானது. இதற்காக, 'தமிழ்நாடு திரைப்படத் தயாரிப்பாளர்கள் சங்கம்' என்ற பெயரைப் பதிவு செய்துள்ளனர். இந்தச் சங்கம் தொடர்பான அதிகாரப்பூர்வ அறிவிப்பு டிசம்பர் 5 -ஆம் தேதி வெளியாகும் எனத் தகவல் வெளியான நிலையில், நாளை இந்தச் சங்கத்தின் அறிமுக விழா நடைபெற இருப்பதாக அதிகாரப்பூர்வ அறிவிப்பு வெளியாகியுள்ளது. 

 

 

 

சார்ந்த செய்திகள்

Next Story

டி. ராஜேந்தருக்கு ரூ. 8 கோடி இழப்பீடு வழங்கிய தமிழக அரசு

Published on 14/06/2023 | Edited on 14/06/2023

 

Tamil Nadu government has given compensation of Rs.8 crore to t Rajender

 

சினிமாவில் இயக்குநர் நடிகர் எனப் பல்வேறு துறைகளில் பணியாற்றிய டி. ராஜேந்தர் வேலூரில் திரையரங்கம் ஒன்றை நடத்தி வருகிறார். அப்பகுதியில் கடுமையான போக்குவரத்து நெரிசல் ஏற்படுவதாகக் கூறி அங்கு மேம்பாலம் அமைக்க பொதுமக்கள் கோரிக்கை வைத்தனர்.

 

இதற்கான பணி மேற்கொள்ளப்பட்ட நிலையில் மேம்பாலம் கட்ட டி. ராஜேந்தரின் திரையரங்கம் இருக்கும் இடத்தில் இடம் தேவைப்பட்டது. இது தொடர்பாக அவருக்கு நோட்டீஸும் அனுப்பப்பட்டது. இதையடுத்து டி. ராஜேந்தர் வேலூர் பத்திரப் பதிவு அலுவலகத்துக்கு நேரில் சென்று 527 சதுர மீட்டர் நிலத்தை மேம்பாலம் கட்ட கிரயம் செய்து கொடுத்தார். இதற்காக அரசு சார்பில் அவருக்கு 8 கோடியே 15 லட்சம் ரூபாய் இழப்பீடாக வழங்கப்படவுள்ளது. 

 


 

Next Story

“அந்தக் குலமகளை... திருமகளை..." - சிம்பு திருமணம் குறித்து டி.ராஜேந்தர்

Published on 07/12/2022 | Edited on 07/12/2022

 

t rajendran talk about simbu marriage

 

'வெந்து தணிந்தது காடு' படத்தைத் தொடர்ந்து 'பத்து தல' படத்தில் நடித்து முடித்துள்ளார் சிம்பு. இப்படத்தின் போஸ்ட் புரொடக்சஷன் பணிகள் மும்முரமாக நடைபெற்று வருகிறது. இதனிடையே விஜய்யின் 'வாரிசு' படத்தில் சிம்பு பாடியுள்ள 'தீ தளபதி' பாடல் அண்மையில் வெளியாகி நல்ல வரவேற்பைப் பெற்று வருகிறது. இதனிடையே தெலுங்கில் நிகில் மற்றும் அனுபமா நடிப்பில் உருவாகியுள்ள '18 பேஜஸ்' படத்தில் 'டைம் இவ்வு பில்லா' பாடலைப் பாடியுள்ளார். இப்பாடல் கடந்த 5 ஆம் தேதி வெளியானது. 

 

ad

 

இப்படி சினிமாவில் தொடர்ந்து முழு கவனத்தை செலுத்தி வரும் சிம்புவுக்கு எப்போது திருமணம்? என்ற கேள்வி ரசிகர்கள் மனதில் அவ்வப்போது எழுந்து வருகிறது. இது தொடர்பாக அவரது தந்தையான டி.ராஜேந்தரை எங்குப் பார்த்தாலும், சிம்பு திருமணம் குறித்த கேள்வியை நிருபர்கள் எழுப்பி வருகிறார்கள். 

 

இந்நிலையில், டி.ராஜேந்தர் காஞ்சிபுரத்தில் உள்ள வழக்கறுத்தீஸ்வரர் கோயிலில் தரிசனம் மேற்கொண்ட பிறகு செய்தியாளர்களைச் சந்தித்தார். சிம்பு திருமணம் தொடர்பான கேள்விக்கு அவர் கூறியது, "என் மகனுக்குப் பிடித்த பெண்ணை நான் தேர்ந்தெடுப்பதை விட; என் மனைவி தேர்ந்தெடுப்பதை விட; சிம்புவுக்குப் பிடித்த மணமகளை; அந்தக் குலமகளை; திருமகளை இறைவன்தான் தேர்வு செய்ய வேண்டும். யாரைப் பார்த்தாலும் இந்தக் கேள்வியைக் கேட்கிறார்கள். அவர்களுக்கு நான் சொல்லும் பதில்: இந்தக் கேள்வியை வழக்கறுத்தீஸ்வரரிடம் சொல்லிவிட்டேன். அதனால் அவரது அருளால் ரசிகர்களின் ஆதரவிலும் தமிழ்நாடு மக்களின் அன்பிலும் விரைவில் திருமணம் நடக்கும்" என்றார்.