Skip to main content

இந்தியில் ரீமேக் செய்யப்படும் சூப்பர் டீலக்ஸ்...

Published on 26/04/2019 | Edited on 26/04/2019

விஜய் சேதுபதி, சமந்தா, பஹத் பாசில், மிஸ்கின், பகவதி பெருமாள் ஆகியோர் நடித்து தியாகராஜான் குமாரஜா இயக்கத்தில் சமீபத்தில் திரைக்கு வந்த படம் சூப்பர் டீலக்ஸ். கடந்த 2011ஆம் ஆண்டில் ஆரன்ய காண்டம் என்றொரு படத்தை இயக்கி அதற்காக தேசிய விருதை பெற்றிருந்தார். இந்த படம் திரையரங்குகளில் சரியாக ஓடவில்லை என்றாலும் காலங்கள் ஓட ஓட மக்களிடையே நல்ல வரவேற்பை பெற்றது. எட்டு வருடங்கள் கழித்து சூப்பர் டீலக்ஸ் படம் வெளியானது.
 

vijay sethupathi

 

 

சூப்பர் டீலக்ஸ் படத்துக்கு ரசிகர்கள் மத்தியில் நல்ல வரவேற்பு கிடைத்தது. திருநங்கையாக நடிக்க விஜய் சேதுபதி எடுத்துகொண்ட சிரமத்திற்கும், அவரது நடிப்பிற்கும் பேசப்பட்டார். விமர்சகர்கள் சிலர் இந்த படத்தை கடுமையாகவும் விமர்சனம் செய்தனர். இந்த படத்தை பிரபல இந்தி இயக்குனர்கள் அனுராக் காஷ்யப், விக்ரமாதித்யா மோட்வானி, வசன் பாலா, உள்பட பலர் பார்த்து பாராட்டி இருக்கிறார்கள்.
 

தற்போது சூப்பர் டீலக்ஸ் படத்தை பிரபல நடிகர், நடிகைகளை வைத்து இந்தியில் ரீமேக் செய்ய ஏற்பாடுகள் நடக்கின்றன. பிரபல இந்தி பட நிறுவனம் டைரக்டர் தியாகராஜன் குமாரராஜனை அணுகி படத்தை இந்தியில் ரீமேக் செய்வது குறித்து பேச்சுவார்த்தை நடத்தி வருகிறது என்ற தகவல் சினிமா வட்டாரத்தில் கசிந்து வருகிறது.

 

 

சார்ந்த செய்திகள்

Next Story

‘காதலே காதலே...’ - ‘96’ பட ரசிகர்களுக்கு குட் நியூஸ்

Published on 10/02/2024 | Edited on 10/02/2024
vijay sethupathi trisha 96 movie re released

விஜய் சேதுபதி, த்ரிஷா நடிப்பில் பிரேம் குமார் இயக்கத்தில் கடந்த 2018 ஆம் ஆண்டு வெளியான படம் 96. மெட்ராஸ் எண்டர்பிரைசஸ் தயாரித்திருந்த இப்படத்திற்கு கோவிந்த் வசந்தா இசையமைத்திருந்தார். படத்தின் பாடல்கள் அனைத்தும் நல்ல வரவேற்பைப் பெற்றது. படமும் காதலர்கள் மற்றும் இளைஞர்கள் மத்தியில் பெரிதும் கொண்டாடப்பட்டது. மேலும் விமர்சன ரீதியாகவும் பாராட்டைப் பெற்றது. 

இதையடுத்து இப்படத்தின் இரண்டாம் பாகம் உருவாகவுள்ளதாகவும் ஒரு தகவல் வெளியானது. அதன் பிறகு தற்போது வரை எந்த அப்டேட்டும் வரவில்லை. இந்த நிலையில் இப்படம் தற்போது ரீ ரிலீஸாகவுள்ளது. காதலர் தினமான பிப்ரவரி 14 ஆம் தேதி தமிழக அளவில் இப்படம் ரீ ரிலீஸாகவுள்ளதாக படக்குழு தெரிவித்துள்ளது. இதனால் இப்பட ரசிகர்கள் மகிழ்ச்சியில் உள்ளனர்.  

Next Story

5 நிமிடம் நிற்காத கைதட்டு - சர்வதேச அரங்கில் ‘விடுதலை’க்கு பாராட்டு

Published on 01/02/2024 | Edited on 01/02/2024
viduthalai get standing ovation in Rotterdam Film Festival

53வது ரோட்டர்டாம் சர்வதேசத் திரைப்பட விழா, கடந்த ஜனவரி 25 தேதி தொடங்கி வருகிற பிப்ரவரி 4 வரை நடைபெறுகிறது. இதில் பல்வேறு பிரிவுகளில், பல்வேறு நாடுகளிலிருந்து திரைப்படங்கள் தேர்வாகியுள்ளன. அந்த வகையில், பிக் ஸ்க்ரீன் போட்டிப் பிரிவில் ராம் இயக்கியுள்ள 'ஏழு கடல் ஏழு மலை' தேர்வாகியது. இப்படம் இன்னும் வெளிவராத நிலையில் முதல் முறையாக அங்கு கடந்த 30ஆம் தேதி திரையிடப்பட்டது.

இதனைத் தொடர்ந்து இந்த விழாவின் லைம்லைட் பிரிவில், கார்த்திக் சுப்புராஜ் இயக்கிய ‘ஜிகர்தண்டா டபுள் எக்ஸ்’ மற்றும் வெற்றிமாறன் இயக்கிய ‘விடுதலை பாகம் 1’ படமும் தேர்வாகியது. மேலும் விடுதலை இரண்டாம் பாகமும் இதில் ப்ரீமியர் செய்யப்பட தேர்வாகியது. அதன்படி ‘விடுதலை பாகம் 1’ நேற்று (31.02.2024) திரையிடப்பட்டது. படம் முடிந்தவுடன் திரையரங்கில் அமர்ந்திருந்த அனைவரும், எழுந்து நின்று 5 நிமிடம் கைதட்டி பாராட்டு தெரிவித்துள்ளனர். இதை தமிழகத்தில் இப்படத்தை வெளியிட்ட ரெட் ஜெயண்ட் நிறுவனம் எக்ஸ் தளத்தில் தெரிவித்து, அது தொடர்பான வீடியோவையும் பகிர்ந்துள்ளது. விடுதலை இரண்டாம் பாகம் வருகிற 3ஆம் தேதி திரையிடப்படவுள்ளது.

விடுதலை படத்தில் சூரி, விஜய் சேதுபதி, பவானி ஸ்ரீ உள்ளிட்ட பலர் நடித்திருந்தனர். எல்ரெட் குமார் தயாரித்திருந்த இப்படத்திற்கு இளையராஜா இசையமைத்திருந்தார். பாகம் 1 கடந்த வருடம் வெளியாகி நல்ல வரவேற்பை பெற்ற நிலையில் இரண்டாம் பாகம் இந்தாண்டு வெளியாகும் என எதிர்பார்க்கப்படுகிறது.