Skip to main content

"அதிக ஜாக்கிரதையாக இருந்தும் எனக்கு கரோனா தொற்று ஏற்பட்டுள்ளது" - முன்னணி நடிகை வேதனை!

Published on 10/05/2021 | Edited on 10/05/2021

 

vhfshs

 

இந்தியாவில் வேகமெடுத்துவரும் கரோனா இரண்டாம் அலை ஏற்படுத்திய தாக்கத்தால், பாதிப்புக்குள்ளாவோரின் எண்ணிக்கை நாளுக்கு நாள் அதிகரித்துவருகிறது. அதிகரிக்கும் மரணங்கள், மருத்துவமனைகளில் நிலவும் ஆக்சிஜன் மற்றும் படுக்கைகளின்மை ஆகியன மத்திய, மாநில அரசுகளுக்குப் பெரும் சவாலாக உருவெடுத்துள்ளன. அதே நேரத்தில், கரோனா தொற்றில் இருந்து மீண்டு வருவோரின் எண்ணிக்கை கணிசமான அளவில் அதிகரித்துவருவது சற்று ஆறுதல் அளிக்கக்கூடிய விஷயமாக உள்ளது.

 

இந்த நிலையில், நடிகை சுனைனாவுக்கு தற்போது கரோனா தொற்று உறுதி செய்யப்பட்டுள்ளது. இதுகுறித்து அவர் தன்னுடைய சமூக வலைதளப்பக்கத்தில் வெளியிட்டுள்ள பதிவில், "அனைவருக்கும் வணக்கம். அதிக ஜாக்கிரதையாக இருந்தும் எனக்கு கோவிட்-19 தொற்று ஏற்பட்டுள்ளது. வீட்டில் என்னைத் தனிமைப்படுத்திக் கொண்டேன். அத்தனை விதிமுறைகளையும் பின்பற்றி வருகிறேன். என் குடும்பத்தினர் தவிர யாருடனும் நான் தொடர்பில் இல்லை. அவர்கள் அனைவரும் தனிமையில் உள்ளனர்.

 

எனது சமூக வலைதளப் பக்கங்களை மொத்தமாக ஒதுக்கிவைத்துவிட்டு ஓய்வெடுக்க வேண்டும் என்கிற விருப்பம் இருந்தாலும், தேவை இருப்பவர்களுக்குச் சிறிய அளவிலோ, பெரிய அளவிலோ உதவியாக இருக்கும் விஷயங்களைப் பகிரும் வாய்ப்பை நான் இழக்க விரும்பவில்லை. தயவுசெய்து முகக் கவசம் அணியுங்கள். வீட்டிலேயே இருங்கள். உயிர்களைக் காப்பாற்றுங்கள். நான் அனைவருக்காகவும் பிரார்த்தனை செய்கிறேன்" எனக் கூறியுள்ளார்.

 

 

 

சார்ந்த செய்திகள்

Next Story

மருத்துவமனையில் சுனைனா திடீர் அனுமதி

Published on 20/10/2023 | Edited on 20/10/2023

 

Sunaina suddenly admitted in  hospital

 

காதலில் விழுந்தேன் படம் மூலம் தமிழ் சினிமாவிற்கு அறிமுகமான சுனைனா, நீர்ப்பறவை, தொண்டன், சில்லுக் கருப்பட்டி உள்ளிட்ட பல்வேறு படங்களில் கதாநாயகியாக நடித்துள்ளார். விஜய்யின் தெறி படத்தில் சிறிய கதாபாத்திரத்தில் வந்த இவர் கடைசியாக ரெஜினா படத்தில் முதன்மைக் கதாபாத்திரத்தில் நடித்திருந்தார். இப்படம் கடந்த ஜூன் 23 ஆம் தேதி வெளியானது. 

 

இந்த பட ப்ரோமோஷன் நிகழ்ச்சி ஒன்றில், "நான் இப்போது என் சிறு வயது சுனைனாவை நினைத்துப் பார்க்கிறேன். ஒரு கட்டத்தில் இதுபோன்று நடப்பது கனவாக இருந்தது. அது இப்போது நனவாகி இருக்கிறது. ரொம்ப ஆசீர்வதிக்கப்பட்டவளாக உணர்கிறேன்" என நெகிழ்ச்சியுடன் பேசி மேடையிலே கண்ணீர் விட்டிருந்தார். இது பரவலாகப் பேசப்பட்டது. 

 

இந்த நிலையில் மருத்துவமனையில் சிகிச்சை பெற்று வருவது போல் ஒரு புகைப்படத்தை தனது சமுக வலைத்தள பக்கங்களில் பகிர்ந்துள்ளார் சுனைனா. விரைவில் வலிமையுடன் மீண்டு வருவதாகக் குறிப்பிட்டுள்ளார். எதற்காக சிகிச்சை பெறுகிறார் என்ற காரணத்தை அவர் பகிரவில்லை. அதையும் விரைவில் பகிரவுள்ளதாகக் குறிப்பிட்டுள்ளார். திடீரென மருத்துவமனையில் சிகிச்சை பெற்று வரும் சுனைனாவின் புகைப்படம் ரசிகர்களுக்கு அதிர்ச்சியளித்துள்ளது. 

 

 

 

Next Story

வாழ்க்கை முறையை எளிமையாக்க வேண்டும் - சுனைனா வேண்டுகோள்

Published on 28/06/2023 | Edited on 28/06/2023

 

Sunaina Interview

 

ரெஜினா படத்தில் நடித்த நடிகை சுனைனாவை நக்கீரன் ஸ்டூடியோ சார்பாக சந்தித்தோம். நம்மோடு பல்வேறு தகவல்களைப் பகிர்ந்து கொண்டார்.

 

வெரைட்டியான கேரக்டர்களில் நடிக்க வேண்டும் என்பது என்னுடைய ஆசை. வம்சம், நீர்ப்பறவை போன்ற கிராமத்து கதாபாத்திரங்களில் நடிக்கும்போது எனக்கு நல்ல பெயர் கிடைத்துள்ளது. கிராமத்து மனிதர்களின் வாழ்க்கை எவ்வாறு இருக்கும் என்பது எனக்குத் தெரியாவிட்டாலும் என்னுடைய கேரக்டர்களுக்காக அவற்றை நான் கற்றுக்கொண்டேன். ரெஜினா கேரக்டரும் நன்றாக வருவதற்காக நான் என்னுடைய உழைப்பை வழங்கியிருக்கிறேன். ரசிகர்களுக்கு நிச்சயம் இது பிடிக்கும் என்கிற நம்பிக்கை இருக்கிறது. 

 

பாண்டிராஜ் சாரின் படத்தில் நடிக்கும்போது நிறைய கற்றுக்கொண்டேன். எப்படிப் பேச வேண்டும், எப்படி நடிக்க வேண்டும் என்று நிறைய தெரிந்துகொண்டேன். அந்த ஷூட்டிங்கில் எனக்கு எந்த கஷ்டமும் இல்லை. சந்தோஷமாக நடித்தேன். சமுதாயத்திற்கு என்னால் செய்ய முடிந்த நல்ல விஷயங்களை நான் செய்துகொண்டிருக்கிறேன். விஜய் சார் செய்து வருவது நல்ல விஷயம். அவருக்கு மிகப்பெரிய ரசிகர் பட்டாளம் இருக்கிறது. அவர் உதவி செய்வதைப் பார்த்துவிட்டு அவருடைய ரசிகர்களும் அதுபோல் உதவிகள் செய்ய வாய்ப்பிருக்கிறது. மக்களுடைய வாழ்க்கையை முடிந்தவரை எளிமையாக்க வேண்டும் என்று நான் விரும்புகிறேன். ரெஜினா ஒரு சிம்பிளான குடும்பப் பெண். அவளுடைய பயணம் உங்களுக்கு நிச்சயம் பிடிக்கும் என நான் நம்புகிறேன். இந்தப் படம் உங்களுக்கு ஒரு நல்ல அனுபவமாக இருக்கும். இந்தப் படத்தை அனைவரும் திரையரங்கில் பார்க்க வேண்டும்.

 

லிவிங் டுகெதர் என்பது அவரவர் விருப்பம் தான். என்னுடைய திருமணம், எனக்கான நபரை நான் கண்டுபிடித்த பிறகு நடக்கும். யாரையும் புண்படுத்துவது எனக்குப் பிடிக்காது. ஒரு த்ரில்லராக இருந்தாலும் ரெஜினா படம் நல்ல பொழுதுபோக்கு படமாக இருக்கும். இந்தப் படத்துக்கு கேரள ரசிகர்களிடமும் நல்ல எதிர்பார்ப்பு இருக்கிறது. ஒரு எமோஷனல் த்ரில்லராக, வித்தியாசமான ஒரு படமாக இது இருக்கும்.