'அது ஒரு யானை கூட்டம்...' மிரட்டும் சுல்தான் ட்ரைலர்!

ட்ரீம் வாரியர்ஸ் சார்பில் எஸ்.ஆர் பிரபு தயாரிப்பில், நடிகர் கார்த்தி நடிப்பில், பாக்யராஜ் கண்ணன் இயக்கத்தில் உருவாகியுள்ள படம் 'சுல்தான்'. இப்படத்தில் கார்த்திக்கு ஜோடியாக ராஷ்மிகா மந்தனா நடித்துள்ளார். இது, நடிகர் கார்த்தியின் 19-ஆவது படமாகும். திண்டுக்கல் பகுதியில் நடைபெற்று வந்த படப்பிடிப்பு, கரோனா பரவல் காரணமாக பாதியில் தடைபட்டது. கரோனா நெருக்கடி தளர்வுக்குப் பிறகு, மொத்த காட்சிகளையும் படமாக்கி, படப்பிடிப்பை நிறைவு செய்தது படக்குழு.

‘சுல்தான்’ திரைப்படம் ஏப்ரல் 2-ஆம் தேதி வெளியாகும் என அறிவித்த படக்குழு, பட வெளியீட்டுப் பணிகளில் கவனம் செலுத்தி வருகிறது. இந்த நிலையில், படத்தின் ட்ரைலர் இன்று வெளியிடப்பட்டுள்ளது. அதிரடி சண்டைக்காட்சிகள் மற்றும் வசனங்கள் நிறைந்த இந்த ட்ரைலர் இணையத்தில் வைரலாகி வருகிறது.