சிபிராஜ் படத்தை தொடங்கிவைத்த நடிகர் சிவகுமார்

சிபிராஜ்-நந்திதா - பூஜா குமார் நடிக்கும் 'கபடதாரி' படப்பிடிப்பு இன்று காலை பூஜையுடன் தொடங்கியது. இந்நிகழ்ச்சியில் சிபிராஜ் மற்றும் தொழில்நுட்ப குழுவினருடன் படத்தின் நட்சத்திர நடிகர்கள் கலந்து கொண்டனர். பூஜை முடிந்ததும் படப்பிடிப்பும் ஆரம்பமானது.

இதில் மூத்த நடிகர் சிவகுமார் முதல் காட்சிக்கு கிளாப் அடித்து படப்பிடிப்பைத் துவக்கி வைத்தார். மேலும் விழாவில் திரையுலகினர் பலர் ஆகியோர் கலந்து கொண்டனர். சத்யா, சைத்தான் பட இயக்குனர் பிரதீப் கிருஷ்ணமூர்த்தி இயக்கும் இப்படத்தை கிரியேட்டிவ் என்டர்டெய்னர்ஸ் மற்றும் விநியோகஸ்தர்கள் லலிதா தனஞ்சயன் தயாரிக்கிறார். மேலும் நாயகியாக நந்திதா நடிக்க, விஸ்வரூபம் புகழ் பூஜா குமார், நாசர், ஜெயபிரகாஷ், ஜே.சதீஷ்குமார் உட்பட பலர் முக்கிய கதாபாத்திரத்தில் நடிக்கவுள்ளனர். இன்று முதல் தொடங்கிய படப்பிடிப்பு தொடர்ந்து முழு வீச்சில் நடைபெறவுள்ளது. மேலும் படத்தை 2020 ஆம் ஆண்டு மார்ச் மாதம் வெளியிட படக்குழு திட்டமிட்டுள்ளனர்.