வேலைக்காரன் படத்தை தொடர்ந்து நடிகர் சிவகார்த்திகேயன் தற்போது பொன்ராம் இயக்கத்தில் 'சீமராஜா' படத்தில் நடித்து வருகிறார். இதையடுத்து அவர் 'இன்று நேற்று நாளை' பட இயக்குனர் ரவிக்குமார் இயக்கும் புதிய படத்தில் நடிக்க இருக்கிறார். இந்நிலையில் தற்போது ஸ்டுடியோ கிரீன் சார்பாக கே ஈ ஞானவேல்ராஜா தயாரிப்பில், எஸ்.எம்.எஸ் பட புகழ் ராஜேஷ் இயக்கும் புதிய படத்திலும் சிவகார்த்திகேயன் நடிக்கிறார். இப்படம் பூஜையுடன் நேற்று தொடங்கியது. அப்போது படத்தை பற்றி கே.ஈ.ஞானவேல்ராஜா பேசுகையில்..."ராஜேஷ், சிவகார்த்திகேயன் போன்ற ஆளுமைகள் ஒரு படத்தில் இணையும்போது, அந்த படம் என்ன மாதிரி படமாக இருக்கும் என ஆராய வேண்டியதில்லை. மேலும் ராஜேஷ் படங்களின் கதாநாயகர்களின் கதாபாத்திர சித்தரிப்பு, ரசிகர்கள் மற்றும் குடும்பத்தினர் எதிர்பார்ப்புக்கு ஏற்ற வகையில் எப்போதும் அமையும். எனவே சிவகார்த்திகேயன் படத்தில் ரசிகர்கள் என்ன ரசிப்பார்களோ அதை நிச்சயம் ராஜேஷ் இந்த படத்தில் கொடுப்பார் என நம்புகிறேன். மேலும் சிவகார்த்திகேயன் பொழுதுபோக்கு படங்களை கொடுக்கும் ஒரு நாயகனாக மட்டுமல்லாமல் தயாரிப்பாளர், விநியோகஸ்தர்கள், திரையரங்க உரிமையாளர்கள் ஆகியோரும் பயனடைய வேண்டும் என்று நினைப்பவர். எனவே இந்த மாதிரி நேர்மறையான எண்ணங்களை உடைய மனிதர்களோடு இணைவதில் மகிழ்ச்சி அடைகிறேன், ரசிகர்கள் ஒரு நல்ல பொழுதுபோக்கு படத்தை எதிர்பார்க்கலாம். மற்ற நடிகர், நடிகையர், தொழில்நுட்ப கலைஞர்கள் பற்றி கூடிய விரைவில் அறிவிப்பு வெளியாகும்" என்றார்.
பூஜையுடன் ஆரம்பித்த சிவகார்த்திகேயனின் புதிய படம்
சார்ந்த செய்திகள்
Next Story
நயன்தாரா ஒரு அதிசயம் ! - இயக்குனர் ராஜேஷ் புகழாரம்
சிவகார்த்திகேயன் - நயன்தாரா கூட்டணியில் உருவாகும் படத்தை இயக்குனர் எம்.ராஜேஷ் இயக்கி வருகிறார். இப்படத்தின் இறுதிக்கட்ட படப்பிடிப்புகள் விறுவிறுப்பாக நடைபெற்று வரும் நிலையில் இப்படத்திற்கு 'மிஸ்டர் லோக்கல்' என தலைப்பு வைக்கப்பட்ட பர்ஸ்ட் லுக் போஸ்டர் சமீபத்தில் வெளியாகி வைரலானது. இந்நிலையில் இப்பட தலைப்பு குறித்து இயக்குனர் எம்.ராஜேஷ் பேசுகையில்...
"இந்த படத்துக்காக பல்வேறு தலைப்புகள் பரிசீலிக்கப்பட்டு வந்தது. ஆனால் இந்த படத்தின் கதைக்கு 'மிஸ்டர் லோக்கல்' என்கிற தலைப்பு தான் பொருத்தும் என்பது எங்கள் அனைவரின் ஏகோபித்தக் கருத்தாகும். எங்கள் கதாநாயகன் சிவகார்த்திகேயன் திரையில் தரும் சக்தி மிகவும் பாஸிட்டிவானது. அவரது இந்த பாஸிட்டிவிடியை பார்க்கும் போது, ஒரு இயக்குனராக அவருடன் போட்டி போட வேண்டும் என்கிற ஆசை தூண்டப்படுகிறது. கதாநாயகி நயன்தாரா ஒரு அதிசயம். திரையில் அவர் அற்புதங்கள் செய்கிறார். தயாரிப்பாளர் ஞானவேல் ராஜா எங்களுக்கு ஒரு மிக பெரிய தூண். அவரது செயல் திறனும், ஒரு கடை நிலை தொழில்நுட்ப கலைஞரிடம் கூட அவர் வைத்து இருக்கும் தொழில் ரீதியான உறவு அவரது வெற்றிக்கு விதை என்றால் மிகை ஆகாது. 'மிஸ்டர் லோக்கல்' படத்தின் இறுதிக்கட்ட படப்பிடிப்பு பணிகள் நடைபெற்றுக் கொண்டிருக்கிறது. போஸ்ட் ப்ரொடக்ஷன் பணிகளும் நடைப்பெற்றுக் கொண்டிருக்கிறது. கோடை விடுமுறைக்கு 'மிஸ்டர் லோக்கல்' திரைக்கு வர ஏற்பாடுகள் துரித வேகத்தில் நடைப்பெற்றுக் கொண்டிருக்கிறது" என்றார்.
Next Story
சிவகார்த்திகேயன் படத்திற்கு விஜய் பட பாடல் டைட்டில் இல்லையாம்....?
சிவகார்த்திகேயன் நயன்தாராவுடன் நடிக்கும் படத்தை எம்.ராஜேஷ் இயக்கி வருகிறார். இப்படத்தின் படப்பிடிப்புகள் இறுதிக்கட்டத்தை எட்டியுள்ள நிலையில் இப்படத்திற்கு ‘ஜித்து ஜில்லாடி’ என்று தலைப்பு வைக்கப்பட்டுள்ளதாக சமீபத்தில் தகவல் கசிந்தது. இந்நிலையில் தற்போது இப்படத்திற்கு 'மிஸ்டர் லோக்கல்' என தலைப்பு வைக்கப்பட்டுள்ளதாக புதிய தகவல் கசிந்துள்ளது. இதற்கிடையே இது ரசிகர்களிடம் கலவையான வரவேற்பை பெற்று வரும் நிலையில் இப்படத்தின் பர்ஸ்ட் லுக் போஸ்டர் பிப்ரவரி 2ஆம் தேதி நாளை அதிகாரபூர்வமாக வெளியாகவுள்ளதாக படக்குழு அறிவித்துள்ளனர். ஸ்டூடியோ கிரீன் சார்பில் கே.ஈ.ஞானவேல் ராஜா தயாரிக்கும் இந்த படம் காமெடி என்டெர்டெயினராக உருவாகிறது.