Skip to main content

'உள்ளம் போதும் ஊரை வெல்ல...' - கண் கலங்கிய ரசிகரை கட்டியணைத்த சிம்பு

Published on 20/04/2023 | Edited on 20/04/2023

 

simbu fans get emotional

 

1984 ஆம் ஆண்டு வெளியான டி.ராஜேந்தர் இயக்கிய 'உறவைக் காத்த கிளி' படம் மூலம் குழந்தை நட்சத்திரமாக அறிமுகமான சிம்பு, தொடர்ந்து பல படங்களில் நடித்தார். பின்பு 'காதல் அழிவதில்லை' படம் மூலம் ஹீரோவாக மாறி தொடர்ந்து பல்வேறு படங்களில் நடித்து வருகிறார். நடிப்பை தாண்டி பாடுவது; பாடலுக்கு வரிகள் எழுதுவது; இசையமைப்பது என பன்முகத் திறமை கொண்டவராக இருந்து வருகிறார். 

 

தொடர்ந்து படங்களில் கவனம் செலுத்தி வந்த சிம்பு 2012 ஆம் ஆண்டு வெளிவந்த 'போடா போடி' படத்திற்கு பிறகு இரண்டாண்டுகளுக்கு ஹீரோவாக எந்த படமும் நடிக்கவில்லை. இதனால் அவரது ரசிகர்கள் பெரும் சோகத்தில் இருந்தார்கள். அவர்களை ஆறுதல்படுத்தும் விதமாக 'கண்ணா லட்டு திங்க ஆசையா', 'காக்கா முட்டை' உள்ளிட்ட சில படங்களில் கேமியோவாக தலை காண்பித்து சென்றார். 

 

பின்பு 2016 ஆம் ஆண்டில் பழையபடி மீண்டும் படங்களில் நடிக்கத் தொடங்கிவிட்டார். அச்சம் என்பது மடமையடா, செக்கச் சிவந்த வானம், மாநாடு உள்ளிட்ட வெற்றி படங்களை கொடுத்து கம்பேக் தந்தார். இதையடுத்து 'பத்து தல' படத்தின் இசை வெளியீட்டு விழாவில் தமிழ்நாடு முழுவதும் இருந்து சிம்புவை பார்க்க ரசிகர்கள் வந்திருந்தனர். அவர்களை குஷிப்படுத்தும் விதமாக பேசிய சிம்பு, "இனி தொடர்ந்து படங்களில் நடிப்பேன். ரசிகர்கள் கவலைப்பட வேண்டாம்" எனப் பேசியிருந்தார். 

 

இதனால் அவரது ரசிகர்கள் மிகவும் மகிழ்ச்சியில் இருந்த நிலையில், அவர்களுக்கு மேலும் மகிழ்ச்சி அளிக்கும் விதமாக கடந்த 18 ஆம் தேதி சென்னையில் அவர்களை சந்தித்துப் பேசினார். மேலும் அவர்களுக்கு பிரியாணி பரிமாறினார். அப்போது சிம்புவுடன் அவரது ரசிகர்கள் புகைப்படம் எடுத்துக் கொண்டனர். அதில் ஒரு ரசிகர் சிம்புவை அருகில் பார்த்ததும் கண் கலங்கத் தொடங்கிவிட்டார். உடனே சிம்பு அவரை "அழக்கூடாது... இனிமே சிரிக்கணும்னு சொல்லிருக்கேன். ஏன் அழுவுற... அழக்கூடாது" என ஆறுதல்படுத்தி கட்டியணைத்து புகைப்படம் எடுத்துக் கொண்டார். இந்த வீடியோ தற்போது சமூக வலைத்தளங்களில் வைரலாகி வருகிறது.

 

'பத்து தல' படம் கடந்த மாதம் 30 ஆம் தேதி வெளியானது. இப்படத்தை தொடர்ந்து தேசிங் பெரியசாமி இயக்கத்தில் கமல் தயாரிப்பில் நடிக்க கமிட்டாகியுள்ளார்.  

 

 

சார்ந்த செய்திகள்

Next Story

பிரபல மலையாள இயக்குநருடன் கைகோர்க்கும் சிம்பு!

Published on 10/07/2024 | Edited on 10/07/2024
Simbu joins hands with 2018 movie director!

சிம்பு தற்போது கமல் - மணிரத்னம் கூட்டணியில் உருவாகும் தக் லைஃப் படத்தில் நடித்து வருகிறார். ஏ.ஆர் ரஹ்மான் இசையமைக்கும் இப்படத்தின் படப்பிடிப்பு, சென்னை, ஐதராபாத் என அடுத்தடுத்த இடங்களில் முழு வீச்சில் நடைபெற்று வருகிறது. இந்தப் படத்திற்கு முன்பாக கமல் தயாரிப்பில் தேசிங் பெரியசாமி இயக்கத்தில் நடிக்க கமிட்டானார். அப்படம் சிம்புவின் 48வது படமாக உருவாகவுள்ளதாக அறிவிக்கப்பட்டது. ஆனால் படப்பிடிப்பு இன்னும் தொடங்கப்படவில்லை. 

தக் லைஃப் படத்திற்கு பிறகு, தேசிங் பெரியசாமி இயக்கத்தில் சிம்பு நடிக்கும் புதிய படத்தின் படப்பிடிப்பு விரைவில் தொடங்கப்படும் என்று எதிர்பார்க்கப்பட்ட நிலையில், சிம்பு தனது அடுத்த படத்தை மலையாள இயக்குநருடன் கைகோர்க்கவுள்ளார் என்று தகவல் வெளியாகியுள்ளது. கடந்த ஆண்டு, டோவினோ தாமஸ் நடிப்பில் ‘2018’ படத்தை இயக்கிய ஜூட் ஆண்டனி ஜோசப்புடன் சிம்பு இணையவுள்ளார் தகவல் வெளியாகியிருக்கிறது.

கடந்த ஆண்டு மலையாள சினிமாவிலேயே அதிகமாக வசூல் சாதனை செய்த படமான  2018 படம் மக்களிடையே பெரிய வெற்றியை பெற்றது. இந்த நிலையில், இப்படத்தின் இயக்குநர் ஜூன் ஆண்டனி ஜோசப், சிம்புவை வைத்து ஒரு படத்தை இயக்கவுள்ளார் என்று கூறப்படுகிறது. 180 கோடி பொருட் செலவில் எடுக்கப்படும் இப்படத்தை ஏஜிஎஸ் புரொடக்‌ஷன் நிறுவனம் அல்லது தில் ராஜு தயாரிப்பார்கள் என்று எதிர்பார்க்கப்படுகிறது. மேலும், இப்படத்தை ஐசரி கணேஷ் தயாரிப்பார் என்றும் கூறப்படுகிறது. 

இப்படத்தில் சிம்புவுடன் இணைந்து மலையாள சூப்பர் ஸ்டாரான மோகன் லால் முன்னணி கதாபாத்திரத்தில் நடிக்கப்போவதாகக் கூறப்படுகிறது. இவர்களுடன், மேலும் ஒரு பெரிய நடிகர் நடிக்கப் போவதாகவும் தகவல் வெளியாகியுள்ளது. இந்த படம் குறித்த அதிகாரப்பூர்வ தகவல் விரைவில் வெளியாகும் என எதிர்பார்க்கப்படுகிறது. 

Next Story

சிம்பு படத்தில் இணையும் பாலிவுட் நடிகைகள் 

Published on 23/05/2024 | Edited on 23/05/2024
janhvi kapoor and kiara advani to act in str 48

சிம்பு தற்போது கமல் - மணிரத்னம் கூட்டணியில் உருவாகும் தக் லைஃப் படத்தில் நடித்து வருகிறார். ஏ.ஆர் ரஹ்மான் இசையமைக்கும் இப்படத்தின் படப்பிடிப்பு முழு வீச்சில் நடைபெற்று வருகிறது. இந்தப் படத்திற்கு முன்பாக கமல் தயாரிப்பில் தேசிங் பெரியசாமி இயக்கத்தில் நடிக்க கமிட்டானார். அப்படம் சிம்புவின் 48வது படமாக உருவாகவுள்ளதாக அறிவிக்கப்பட்டது. ஆனால் படப்பிடிப்பு இன்னும் தொடங்கப்படவில்லை. 

இப்படத்திற்காக சிம்பு வெளிநாட்டில் சிறப்பு பயிற்சி மேற்கொண்டுள்ளதாக கூறப்பட்டது. வரலாற்று பின்னணியில் ஆக்ஷன் நிறைந்த மாஸ் படமாக இப்படம் உருவாவதாக திரை வட்டாரங்கள் தெரிவித்தன. இதனிடையே கடந்த சிம்பு பிறந்தநாளை முன்னிட்டு படக்குழு வாழ்த்து போஸ்டரை வெளியிட்டது. அதில் சிம்பு இரண்டு கெட்டப்பில் தோன்றியிருந்தார். இது ரசிகர்கள் மத்தியில் படத்தின் மீதான் எதிர்பார்ப்பை அதிகரித்தது. 

janhvi kapoor and kiara advani to act in str 48

இப்படத்தின் ஹீரோயினாக பாலிவுட் நடிகை தீபிகா படுகோனே, பின்பு கீர்த்தி சுரேஷ் நடிப்பதாக தகவல்கள் வெளியாகியின. இந்த நிலையில் தற்போது லேட்டஸ்ட் தகவலாக பாலிவுட் நடிகைகள் ஜான்வி கபூர் மற்றும் கியாரா அத்வானி இருவரும் இப்படத்தில் நடிக்கவுள்ளதாக கூறப்படுகிறது. இந்தத் தகவல் உண்மையாகும் பட்சத்தில் இரு நடிகைகளுக்குமே இந்தப் படம் கோலிவுட்டின் அறிமுகம படமாக இருக்கும் எனத் தெரிகிறது.