Skip to main content

'வாழ்க்கை ஒரு வட்டம் என்று இப்படம் சொல்கிறது'- சித்தார்த் கலகல பேச்சு

Published on 09/07/2019 | Edited on 09/07/2019

வருகிற 19ஆம் தேதி உலகம் முழுவதும்  ‘தி லயன் கிங்’ படம் வெளியாகிறது. லைவ் ஆக்‌ஷன் அனிமேஷன் படமாக வெளியாகும் இந்த படம் தமிழ், தெலுங்கு, ஹிந்தி உள்ளிட்ட மொழிகளிலும் வெளியாகிறது. ஹிந்தி மொழியில் ஷாருக்கானும், அவரது மகனும் டப்பிங் பேசுகிறார்கள். அதுபோல தமிழிலும் முன்னணி நடிகர்களான சித்தார்த், அரவிந்த்சாமி, சிங்கம்புலி, ரோபோ சங்கர், ஐஸ்வர்யா ராஜேஷ் உள்ளிட்ட நடிகர்கள் டப்பிங் பேசுகிறார்கள்.
 

sidharth

 

 

இந்நிலையில், இந்த படத்தின் புரோமோஷனுக்காக வைக்கப்பட்ட செய்தியாளர்கள் சந்திப்பில் சித்தார்த், அரவிந்த்சாமி, சிங்கம் புலி, ரோபோ சங்கர் உள்ளிட்டோர் கலந்துகொண்டனர். அப்போது நடிகர் சித்தார்த்திடம்,  ‘முதலில் சிம்பா ஒரு அழகிய குட்டியாக வரும், பின்னர் பல்வேறு சவால்களை கடந்து காட்டின் ராஜாவாக மாறும் இதுபோல அனைவரின் வாழ்க்கையிலும் ஒரு டிரான்ஸிஸன் நடக்கும், உங்களுடைய வாழ்க்கையில் அப்படி எதை சொல்வீர்கள்’ என்று கேள்வி கேட்கப்பட்டது.
 

அதற்கு பதிலளித்த சித்தார்த், “என் வாழ்க்கையில் தற்போதுவரை முதல் பாதிதான் நடக்கிறது. எனக்கு எவ்வளவு வயதானாலும் என்னை ஒரு சிறு பையனை போலதான் பார்க்கிறார்கள். ஆனால், இந்த படத்தில் வரும் முக்கியமான கருத்து என்ன என்று பார்த்தால் வாழ்க்கை ஒரு வட்டம் என்பதுதான். அதை மிக அருமையாக சொல்லியிருப்பார்கள். இதை ஒரு கார்டூன் படமாக பார்த்தபோது கூட இந்த கருத்துக்கள் எல்லாம் ஆழமாக பதிந்தது. இதே கதையை நான் நியூயார்க் நகரில் நாடக மேடையில் பார்த்தேன். அதுவே உங்களை ஸ்தம்பித்து போகிற அளவிற்கு இம்பிரஸ் செய்யும்” என்று கூறினார்.

 

 

சார்ந்த செய்திகள்

Next Story

ஐஸ்வர்யா ராஜேஷ் டூ சிங்கம் புலி -  ‘தி லயன் கிங்’ தமிழ் வெர்ஸன் லிஸ்ட்

Published on 04/07/2019 | Edited on 04/07/2019

அனிமேஷன் படங்களை உயர்ந்த தொழில்நுட்பத்தின் மூலம் மிக லைவாக படங்களை ஹாலிவுட்டில் உருவாக்கி வருகின்றனர். அதில் ஒரு முயற்சிதான்  ‘ஜங்கிள் புக்’. இந்த படத்தை இயக்கிய பேவ்ரூதான் தற்போது  ‘தி லயன் கிங்’ படத்தையும் இயக்கியுள்ளார். இது அடுத்த மாதம் வெளியாக உள்ளது. லைன் கிங் அனிமேஷன் படமாக வெளிவந்த காலகட்டத்திலிருந்து அந்த படத்திற்கென தனி ரசிகர்கள் இருக்கின்றனர்.
 

simba

 

 

ஹாலிவுட் படங்களுக்கு இந்தியாவில் பெரும் வரவேற்பு உண்டு.பெரும்பாலும் ஆங்கில அனிமேஷன் திரைப்படங்களுக்கு ஹாலிவுட்டின் முன்னணி நடிகர், நடிகைகள் பின்னணி குரல் கொடுப்பதுண்டு. அந்த வகையான முயற்சிகள் இந்திய சினிமாவில் நடப்பது அரிதான விஷயம். தற்போது டிஸ்னி இந்தியாவின் அதீத முயற்சிகளால் அவெஞ்சர்ஸ் போன்ற ஆங்கில திரைப்படங்கள், ஒரு சில அனிமேஷன் திரைப்படங்களுக்கு இந்தி, தமிழ், தெலுங்கு ஆகிய மொழிகளின் முன்னணி நடிகர், நடிகைகள் முக்கிய கதாபாத்திரங்களுக்கு டப்பிங் பேச முன்வந்திருக்கிறார்கள். அவெஞ்சர்ஸ் படத்தில் அயர்ன் மேன் கதாபாத்திரத்திற்கு தமிழில் விஜய் சேதுபதி டப்பிங் பேசினார் என்பது குறிப்பிடத்தக்கது. 

 
இந்நிலையில், டிஸ்னியின் மிக பிரமாண்டமான லைவ் ஆக்ஷன் படமான  ‘தி லயன் கிங்’ படத்தின் தமிழ் டப்பிங்கிற்கு பின்னணி குரல் கொடுக்க முன்வந்திருக்கிறார் சித்தார்த். சிம்பா என்கிற முக்கியமான கதாபாத்திரத்திற்கு நடிகர் சித்தார்த் டப்பிங் பேசுகிறார். அதைபோல ஸ்கார் என்ற வில்லன் கதாபாத்திரத்திற்கு அரவிந்த் சாமி டப்பிங் பேசியுள்ளார். இதற்கு முன்பு அனிமேஷனாக வெளியான  ‘தி லயன் கிங்’ படத்தில் சிம்பா கதாபாத்திரத்திற்கு அரவிந்த் சாமிதான் டப்பிங் பேசியிருந்தார் என்பது குறிப்பிடத்தக்கது. மேலும் இந்த படத்தில் வரும் கதாபாத்திரங்களுக்கு டப்பிங் பேச இருக்கும் தமிழ் பிரபலங்களின் லிஸ்ட்டை படக்குழு தி லயன் கிங் தமிழ் ட்ரைலரில் வெளியிட்டுள்ளது. ஐஸ்வர்யா ராஜேஷ், ரோஹினி, சிங்கம் புலி, மனோ பாலா, ரோபோ ஷங்கர் உள்ளிட்டோர் பேசியுள்ளனர்.

 

 


 

Next Story

பல ஆண்டுகள் கழித்து ஹாலிவுட் படத்திற்கு டப்பிங் கொடுக்கும் அரவிந்த்சாமி...

Published on 29/06/2019 | Edited on 29/06/2019

அனிமேஷன் படங்களை உயர்ந்த தொழில்நுட்பத்தின் மூலம் மிக லைவாக படங்களை ஹாலிவுட்டில் உருவாக்கி வருகின்றனர். அதில் ஒரு முயற்சிதான்  ‘ஜங்கிள் புக்’. இந்த படத்தை இயக்கிய பேவ்ரூதான் தற்போது  ‘தி லைன் கிங்’ படத்தையும் இயக்கியுள்ளார். இது அடுத்த மாதம் வெளியாக உள்ளது. லைன் கிங் அனிமேஷன் படமாக வெளிவந்த காலகட்டத்திலிருந்து அந்த படத்திற்கென தனி ரசிகர்கள் இருக்கின்றனர்.
 

aravind swamy

 

 

ஹாலிவுட் படங்களுக்கு இந்தியாவில் பெரும் வரவேற்பு உண்டு.பெரும்பாலும் ஆங்கில அனிமேஷன் திரைப்படங்களுக்கு ஹாலிவுட்டின் முன்னணி நடிகர், நடிகைகள் பின்னணி குரல் கொடுப்பதுண்டு. அந்த வகையான முயற்சிகள் இந்திய சினிமாவில் நடப்பது அரிதான விஷயம். தற்போது டிஸ்னி இந்தியாவின் அதீத முயற்சிகளால் அவெஞ்சர்ஸ் போன்ற ஆங்கில திரைப்படங்கள், ஒரு சில அனிமேஷன் திரைப்படங்களுக்கு இந்தி, தமிழ், தெலுங்கு ஆகிய மொழிகளின் முன்னணி நடிகர், நடிகைகள் முக்கிய கதாபாத்திரங்களுக்கு டப்பிங் பேச முன்வந்திருக்கிறார்கள். அவெஞ்சர்ஸ் படத்தில் அயர்ன் மேன் கதாபாத்திரத்திற்கு தமிழில் விஜய் சேதுபதி டப்பிங் பேசினார் என்பது குறிப்பிடத்தக்கது. 

 
இந்நிலையில், டிஸ்னியின் மிக பிரமாண்டமான லைவ் ஆக்ஷன் படமான  ‘தி லைன் கிங்’ படத்தின் தமிழ் டப்பிங்கிற்கு பின்னணி குரல் கொடுக்க முன்வந்திருக்கிறார் சித்தார்த். சிம்பா என்கிற முக்கியமான கதாபாத்திரத்திற்கு நடிகர் சித்தார்த் டப்பிங் பேசுகிறார். அதைபோல ஸ்கார் என்ற வில்லன் கதாபாத்திரத்திற்கு அரவிந்த் சாமி டப்பிங் பேசியுள்ளார். இதற்கு முன்பு அனிமேஷனாக வெளியான  ‘தி லைன் கிங்’ படத்தில் சிம்பா கதாபாத்திரத்திற்கு அரவிந்த் சாமிதான் டப்பிங் பேசியிருந்தார் என்பது குறிப்பிடத்தக்கது. தி லைன் கிங் என்ற இந்த ஆங்கில படத்திற்கான தமிழ் வசனங்களை மதன் கார்க்கிதான் எழுதுகிறார்.
 

ஹிந்தி மொழிக்கு ஷாரூக் கான் மற்றும் அவரது மகன் ஆர்யன் கான் டப்பிங் கொடுக்கின்றனர்.