Skip to main content

லண்டன் நடிகருடன் ப்ரேக்கப் செய்துவிட்டாரா ஸ்ருதிஹாசன்?

Published on 27/04/2019 | Edited on 27/04/2019

கடந்த இரண்டு வருடங்களாக தமிழ் சினிமாவில் நடிக்காமல் இருந்த ஸ்ருதி ஹாசன், தற்போது விஜய் சேதுபதியுடன்‘லாபம்’ படத்தில் நடிக்க ஒப்பந்தம் செய்யப்பட்டுள்ளார். இந்நிலையில் ஸ்ருதிஹாசன் காதலித்து வந்தவருடன் ப்ரேக்கப் செய்துவிட்டார் என்று பலரும் சந்தேகித்து வருகின்றனர்.
 

shruthi hassan

 

 

லண்டன் தியேட்டர் ஆர்டிஸ்ட் மைக்கேல் கார்சலேவும் ஸ்ருதி ஹாசனும் காதலித்து வந்தார்கள் என்று சொல்லப்படுகிறது. இவர்கள் இருவரும் பல்வேறு பொதுநிகழ்ச்சிகளில் கலந்துகொண்டபோதிலும் தங்கள் காதலை பற்றி வெளிப்படையாக சொன்னதில்லை. 
 

கடந்த ஏப்ரல் 10ஆம் தேதி ஸ்ருதி ஹாசன் தனது இன்ஸ்டாகிராமில், “வாழ்க்கையின் இன்னொரு புதிய கட்டத்தைத் தொடங்குகிறேன். அனைத்து காதல் பாடங்களுக்காகவும் நன்றி... இருண்ட இடங்களின் அடியாழத்தில் தான் ஒளிபிரகாசிக்கும். மேலும் இசை, மேலும் படங்கள் என எதிர்நோக்கியுள்ளேன். என்னுடனே நான் இருப்பது எப்போதுமே என்னுடைய பெரிய காதல் கதையாக இருந்துள்ளது” என்று பதிவுசெய்துள்ளார்.
 

மைக்கேல் கார்சலே தனது ட்விட்டர் பதிவில், “வாழ்க்கை நம் இருவரையும் உலகின் எதிர் துருவங்களில் வைத்துள்ளது. ஆகையால், நாம் இருவருமே துரதிருஷ்டவசமாக தனித்தனி பாதையில் செல்ல வேண்டியுள்ளது. ஆனாலும், அவர் என்னுடைய சிறந்த தோழி தான். அவரை என் தோழியாக அடைந்ததிற்கு மிக்க நன்றி. லவ் யூ!” என்று தெரிவித்திருந்தார். இதன் மூலம் இவ்விருவரும் தங்களின் காதல் வாழ்க்கையில் இருந்து பிரிந்துவிட்டார்கள் என்று சொல்லப்படுகிறது. 

 

 

சார்ந்த செய்திகள்

Next Story

"இது உங்களுக்கு தேவையில்லாத விஷயம்" - ரசிகரிடம் கடுப்பான ஸ்ருதிஹாசன்

Published on 06/04/2022 | Edited on 06/04/2022

 

actress shruti haasan replies her fan about plastic surgery

 

தமிழ், தெலுங்கு, கன்னடம் இந்தி உள்ளிட்ட மொழிகளில் முன்னணி நடிகையாக இருக்கும் சுருதிஹாசன் தற்போது பிரபாஸ் நடிக்கும் 'சலார்'  படத்தில் கதாநாயகியாக நடித்து வருகிறார். இப்படத்தை கே.ஜி.எஃப் பட இயக்குநர் பிரசாந்த் நீல் இயக்குகிறார். இதனிடையே பல படங்களில் பிஸியாக நடித்து வரும் ஸ்ருதிஹாசன் அவ்வப்போது சமூக வலைதளங்களில் தனது புகைப்படங்களை பதிவிட்டு ரசிகர்களுடன் உரையாடுவது வழக்கம். 

 

அந்த வகையில் நடிகை ஸ்ருதிஹாசன் அண்மையில் தனது சமூக வலைதள பக்கத்தில் ரசிகர்களுடன் உரையாடி வந்தார். அப்போது ரசிகர் ஒருவர், "நீங்கள் இதுவரை எத்தனை முறை பிளாஸ்டிக் சர்ஜரி செய்திருக்கிறீகள் என்று கேள்வி எழுப்பிருந்தார். இதை கேட்டு கடுப்பான ஸ்ருதிஹாசன்,"நான் எத்தனை முறை பிளாஸ்டிக் சர்ஜரி செய்திருந்தால் உங்களுக்கு என்ன? அது உங்களுக்கு தேவையில்லாத விஷயம். அதை பற்றி கேட்க வேண்டிய அவசியமும் உங்களுக்கு இல்லை. இருந்தாலும் சொல்கிறேன் எனது  மூக்கு பகுதியில் மட்டும் தான் பிளாஸ்டிக் சர்ஜரி செய்துள்ளேன்" எனத் தெரிவித்துள்ளார்.

 

 

Next Story

ஹாலிவுட் படத்திற்காக தன் குரலையே அர்ப்பணித்த ஸ்ருதிஹாசன்..! 

Published on 08/11/2019 | Edited on 08/11/2019

2013ஆம் ஆண்டு வெளியான 'ஃப்ரோசன்' திரைப்படம் உலக அளவில் அனிமேஷன் படங்களிலேயே மிக அதிக வசூல் சாதனை புரிந்து சாதனை படைத்தது. இதையடுத்து இப்படத்தின் இரண்டாம் பாகமான டிஸ்னினியின் 'ஃப்ரோசன் 2' திரைப்படம் ஆங்கிலம், இந்தி, தமிழ் மற்றும் தெலுங்கு மொழிகளில் வரும் நவம்பர் 22ஆம் தேதி திரைக்கு வருகிறது. மேலும் '.ஃப்ரோசன் 2' படத்தின் இந்திப் பதிப்புக்காக பிரியங்கா சோப்ரா மற்றும் ப்ரனிதி சோப்ரா குரல் கொடுக்க, தெலுங்கு பதிப்புக்காக நித்யா மேனன் குரல் கொடுத்திருக்கிறார்.

 

shruti

 

இதைத்தொடர்ந்து இப்படத்தின் தமிழ் பதிப்பில் வரும் எல்சாவிற்கு ஸ்ருதிஹாசன் குரல் கொடுத்துள்ளார். அது மட்டுமின்றி இப்படத்தில் ஸ்ருதி ஹாசன் மூன்று பாடல்களையும் பாடியிருக்கிறார். அதில் 'இன் டு தி அன்னோன்' என்ற ஒரு பாடல் சமீபத்தில் வெளியிடப்பட்டு பெரும் வரவேற்பைப் பெற்ற நிலையில் இப்படம் குறித்து ஸ்ருதிஹாசன் பேசியபோது...

 

aX

 

''ஃப்ரோசன்' திரைப்படத்தில் எல்சா மற்றும் அன்னா சகோதரிகளுக்கிடையிலான பந்தம் உள்ளத்தை உருக்கும் வகையிலானது. எல்சா தன் இளைய சகோதரி அன்னா மீது கொண்ட பேரன்பை என்னால் புரிந்து கொள்ள முடிகிறது. காரணம் நானும் என் இளைய சகோதரி மீது அந்த அளவுக்கு பாசம் கொணடிருக்கிறேன். ஒவ்வொரு பெண்னின் ரோல் மாடல் எல்சா என்பதும், நான் அந்தப் பாத்திரத்துக்கு குரல் கொடுத்து பாடியிருப்பதும் என்னால் மறக்க முடியாத அனுபவம். பரபரப்பான இந்த அனிமேஷன் திரைப்படத்தில் பாடல்கள், படத்துக்கு மேலும் வலு சேர்ப்பதாக அமைவதுடன் எனது தமிழ்ப்பட ரசிகர்களையும் வெகுவாகக் கவரும்" என்றார்.