Skip to main content

‘அவருக்கு நான் காதல் கடிதம் கொடுக்கவில்லை’- ஷகிலா ஓபன் டாக்

Published on 01/08/2019 | Edited on 01/08/2019

பிரபல மலையாள நடிகையான ஷகிலா, ஒரு காலத்தில் மலையாள சினிமாவில் கொடி கட்டி பறந்தவர். அவருடைய படங்கள் வெளியாகிறது என்றால் அப்போது வெளியாகும் மலையாள சூப்பர் ஸ்டார் படங்களுக்கே பாதிப்பு ஏற்படுமாம். அந்தளவிற்கு இவர் நடிக்கும் படங்கள் அப்போதைய கால கட்டத்தில் வசூலை வாரிக்குவித்தது. இதனையடுத்து இவருடைய படங்களால் சமூகத்தில் இளைஞர்களின் வாழ்க்கை கெடுகின்றது என்று எதிர்ப்பு கிளம்பியது. இதனையடுத்து கேரளாவை விட்டு ஷகிலா வெளியேற வேண்டும் என்றெல்லாம் குரல் எழுந்தது.
 

shakila

 

 

இந்நிலையில் மலையாள நடிகரும் தயாரிப்பாளருமான மணியம்பிள்ளை ராஜுவுக்கு  நடிகை ஷகிலா காதல் கடிதம் அனுப்பினார் என்றும், கடைசிவரை அந்த கடிதத்துக்கு அவர் பதில் சொல்லவில்லை  என்றும் தகவல் வெளியானது.
 

தற்போது இந்த தகவல் குறித்து ஷகிலா ஒரு பேட்டியில் பதிலளித்துள்ளார். “சோட்டா மும்பை மலையாள படத்தில் நடித்தபோது மணியம்பிள்ளைக்கு நான் காதல் கடிதம் கொடுத்ததாக வெளியான தகவலில் உண்மை இல்லை. அப்போது எனது தாயார் உடல் நலம் குன்றி இருந்தார். அதற்கு மணியம்பிள்ளை பண உதவி செய்தார். அவருக்கு நான் காதல் கடிதம் கொடுக்கவில்லை. அப்போது போஸ் என்ற இளைஞரை நான் காதலித்தேன்”. இவ்வாறு அவர் கூறியுள்ளார். 

 

 

சார்ந்த செய்திகள்

Next Story

நடிகை ஷகிலா மீது தாக்குதல்!

Published on 20/01/2024 | Edited on 20/01/2024
actress Shakila issue

நடிகை ஷகிலா மீது அவரது வளர்ப்பு மகள் தாக்குதல் நடத்தியுள்ளதாக தகவல் வெளியாகியுள்ளது.

சென்னையில் உள்ள கோடம்பாக்கம் யுனைடெட் இந்தியா காலனியில் நடிகை ஷகிலா வசித்து வருகிறார். இந்த சூழலில் நடிகை ஷகிலாவுக்கும், அவரது வளர்ப்பு மகளுக்கும் இடையே தகராறு ஏற்பட்டுள்ளது. அப்போது ஷகிலாவின் வளர்ப்பு மகள் சீத்தல், ஷகிலாவை அடித்து கீழே தள்ளிவிட்டு வீட்டை விட்டு வெளியேறியுள்ளதாக கூறப்படுகிறது. இந்த தாக்குதல் சம்பவம் குறித்து நடிகை ஷகிலா தனது தோழி நர்மதாவுக்கு தகவல் அளித்துள்ளார். இதையடுத்து வழக்கறிஞர் சவுந்தர்யாவுடன் நர்மதா சென்றுள்ளார்.

நடிகை ஷகிலாவின் வளர்ப்பு மகள் சீத்தலை செல்போனில் அழைத்து சமாதானப்படுத்தி வைப்பதாக வழக்கறிஞர் சவுந்தர்யா அழைத்துள்ளார். இந்த பேச்சுவார்த்தையின் போது நடிகை ஷகிலா, வழக்கறிஞர் சவுந்தர்யா மீது அவரது வளர்ப்பு மகள் சீத்தல், சீத்தலின் தாய் சசி (வயது 45), சகோதரி ஜமீலா (வயது 22) ஆகியோர் தாக்குதல் நடத்தியுள்ளனர். இந்த தாக்குதலில் காயமடைந்த வழக்கறிஞர் சவுந்தர்யா தனியார் மருத்துவமனையில் அனுமதிக்கப்பட்டுள்ளார். மேலும் சமாதானப்படுத்த சென்ற ஷகிலாவின் வழக்கறிஞர் சௌந்தர்யா மீது தாக்குதல் என காவல்நிலையத்தில் புகார் அளிக்கப்பட்டுள்ளது. 

Next Story

வெளியானது சகிலாவின் புது படம்! 

Published on 22/07/2020 | Edited on 22/07/2020

 

shakila


மலையாளம் மற்றும் தமிழ்ப் படங்களில் காமெடி கதாபாத்திரங்கள் மற்றும் பி கிரேட் படங்களில் நடித்து பிரபலமானவர், நடிகை சகிலா. தற்போது இவர் தயாரிப்பில் அடல்ட் காமெடி படம் ஒன்று தனி இணையத்தில் வெளியிடப்பட்டுள்ளது.

 

'லேடிஸ் நாட் அலவுட்' என்று பெயரிடப்பட்டுள்ள இந்தப் படத்தை ஒருவர் பார்க்க ரூ.50 செலுத்த வேண்டும் என்று படக்குழு அறிவித்துள்ளது. சாய் ராம் தசரி என்பவர் இயக்கியுள்ள இப்படம் கடந்த வருடமே வெளியாக வேண்டியது. ஆனால், இப்படத்தைப் பார்த்த தணிக்கை குழு இப்படத்திற்கு எந்த மதிப்பும் தரவில்லை. இதனால் டெல்லியிலுள்ள தணிக்கை தீர்ப்பாயம் வரை இயக்குனர் சென்று இதற்குச் சான்றிதழ் வாங்க போராடிக் கொண்டிருந்தார். கரோனா அச்சுறுத்தலால் 100 நாட்களுக்கும் மேலாக திரையரங்குகள் திறக்கப்படவில்லை என்பதால், இந்தப் படத்திற்காக தனி இணையத்தளத்தை உருவாக்கி வெளியிட்டுள்ளனர்.

 

தெலுங்கில் இதுபோல வெளியிடப்படும் முதல் படம் இதுவாகும். மேலும், இந்தப் படத்தைக் கண்டிப்பாக பெண்கள் பார்க்க வேண்டாம் என்று சகிலா வேண்டுகோள் வைத்துள்ளார். கடந்த ஜூலை 20ஆம் தேதி இப்படம் ரிலீஸாகியுள்ளது.