தொடர் தோல்வி எதிரொலி..! தனுஷ் படத்தில் நடிக்கும் ஷாருக்கான்..!

தனுஷ் - வெற்றிமாறன் கூட்டணியில் உருவான 'அசுரன்' படம் விமர்சன ரீதியாகவும், வசூல் ரீதியாகவும் நல்ல வரவேற்ப்பை பெற்றது. இதில் தனுஷ் மற்றும் மஞ்சு வாரியார் வயதான தோற்றத்தில் நடித்து அசத்தியிருப்பார்கள்.

மேலும் இப்படம் ரூ.100 கோடிக்கு மேல் வசூலித்துள்ளதாக தயாரிப்பாளர் தரப்பில் சமீபத்தில் அறிவிக்கப்பட்ட நிலையில் 'அசுரன்' படத்தை தெலுங்கு, இந்தி மொழிகளில் ரீமேக் செய்ய ஏற்பாடுகள் நடக்கின்றன. தெலுங்கில் தனுஷ் கதாபாத்திரத்தில் வெங்கடேஷ் நடிக்கிறார். எஸ்.தாணு, சுரேஷ் பாபு ஆகியோர் இணைந்து தயாரிக்கின்றனர். இதேபோல் ஹிந்தியிலும் இப்படத்தை ரீமேக் செய்யவுள்ளனர். சமீபத்தில் 'அசுரன்' படம் பார்த்து வியந்த நடிகர் ஷாருக்கான் இப்படத்தில் நடிக்க விருப்பம் தெரிவித்துள்ளதாக தகவல் வெளியாகியுள்ளது. ஷாருக்கான் நடித்த படங்கள் வரிசையாக தொடர் தோல்விகளை சந்தித்து வருவதால் அவர் தமிழ் படத்தை ரீமேக் செய்ய கவனம் செலுத்துவதாக கூறப்படுகிறது.