புதுப்பேட்டை 2... உறுதி செய்த செல்வராகவன்!

கடந்த 2008ஆம் ஆண்டு செல்வராகவன் இயக்கத்தில் தனுஷ் நடித்துள்ள புதுப்பேட்டை படம் வெளியானது. இந்த படம் வெளியானபோது வனிக ரீதியாக வெற்றியடையவில்லை. காலங்கள் கடந்துசெல்ல இந்த படத்திற்கான வரவேற்பு இணையவாசிகள் மத்தியில் பெரிதானது.

style="display:block"

data-ad-client="ca-pub-7711075860389618"

data-ad-slot="8252105286"

data-ad-format="auto"

data-full-width-responsive="true">

அதன்பின் புதுப்பேட்டை 2 எப்போது எப்போது என்று செல்வராகவன் கலந்துக்கொள்ளும் மேடைகளில் மக்கள் கேட்க தொடங்கினர். அண்மையில் செல்வராகவன் இயக்கத்தில் என்.ஜி.கே வெளியாக, செல்வராகவன் அடுத்து தனுஷை வைத்து இயக்கப்போகிறார் என்று தகவல் வெளியானது.

இந்நிலையில் நேற்று ஒரு கல்லூரி விழாவில் கலந்துக்கொண்ட செல்வராகவன் புதுப்பேட்டை 2 படத்தை அடுத்து இயக்கப்போவதாக கூறியுள்ளார்.

அந்த மேடையில் செல்வா பேசுகையில், “அடுத்து என்ன படம் பண்ண போறீங்கன்னு நிறைய பேர் கேட்கிறார்கள். சரி உங்களுக்காக சொல்கிறேன். என்.ஜி.கே-வை தொடர்ந்து நான் பண்ணப்போகும் படத்தில் தனுஷ்தான் ஹீரோ. சரி என்ன பண்ணலாம் என்ன பண்ணலாம் என்று யோசித்துக்கொண்டிருக்கும்போது புதுப்பேட்டை 2 பண்ணிடலாம் என்று உறுதி செய்திருக்கிறோம்” என்றார். இதை கேட்டவுடன் அங்கிருந்த மாணவர்கள் கரகோஷங்களை எழுப்பினார்கள்.

தற்போது இந்த அறிவிப்பால் புதுப்பேட்டை 2 ட்விட்டரில் இந்தியளவில் ட்ரெண்டாகி வருகிறது.