இந்த வருடம் தீபாவளியன்று அஜித்தின் விஸ்வாசம், விஜய்யின் சர்கார், சூர்யாவின் என்.ஜி.கே. ஆகிய படங்கள் வெளியாகும் என்று முன்னர் அறிவிக்கப்பட்டிருந்த நிலையில் விஸ்வாசம் படம் இந்தாண்டில் வெளியாகாது எனவும், அடுத்த ஆண்டு 2019 பொங்கலுக்கு இப்படம் வெளியாக வாய்ப்புள்ளதாக கூறப்பட்டது. இதையடுத்து சூர்யாவின் என்.ஜி.கே படத்தின் இயக்குனர் செல்வராகவனுக்கு உடல்நிலை சரியில்லாத காரணத்தில் சூட்டிங் நிறுத்தி வைக்கப்பட்டுள்ளதால் படத்தை 2018 கிறிஸ்துமஸ் தினத்தில் வெளியிட வாய்ப்புள்ளதாக நேற்று தகவல்கள் வெளியானது. இதனால் இந்தாண்டு தீபாவளி ரேசில் இருந்து அஜித், சூர்யா படங்கள் விலகுவதாக கூறப்பட்டதால் ரசிகர்கள் மிகுந்த வருத்தம் அடைந்திருந்த நிலையில் தற்போது என்.ஜி.கே மற்றும் தன் உடல் நலம் குறித்து செல்வராகவன் சமூகவலைத்தளத்தில் விளக்கமளித்துள்ளார். அதில்... "நண்பர்களே, இது ஒரு எளிமையான மருத்துவ சிகிச்சை தான். நான் நலமுடன் இருக்கிறேன். இன்னும் ஒரு சில நாட்களில் என்ஜிகே படப்பிடிப்பு துவங்கும். உங்களது அன்பிற்கு நன்றி" என பதிவிட்டு என்.ஜி.கே பட வெளியீட்டு வதந்திக்கு முற்றுப்புள்ளி வைத்துள்ளார்.