Skip to main content
Nakkheeran Magazine Nakkheeran Magazine

அடுத்தடுத்து சர்பிரைஸ் கொடுத்த சிவகார்த்திகேயன் 

sivakarthikeyan

 

 

 

சிவகார்த்திகேயன் தயரிப்பில் தன் நண்பரும், நடிகரும், பாடலாசிரியருமான அருண்ராஜா காமராஜ் இயக்கும் 'கனா' படத்தின் இறுதிக்கட்ட படப்பிடிப்பு சமீபத்தில் துவங்கிய நிலையில், தற்போது இப்படத்தின் படப்பிடிப்பு முழுவதுமாக முடிந்துவிட்டதாக படக்குழுவினர் நேற்று அறிவித்துள்ளனர். பெண்கள் கிரிக்கெட்டை மையப்படுத்தி முதல் படமாக உருவாகி இருக்கும் இப்படத்தில் நாயகியாக ஐஸ்வர்யா ராஜேஷ் நடித்திருக்கிறார். மேலும் அவருக்கு அப்பாவாக சத்யராஜ் முக்கிய கதாபாத்திரத்தில் நடித்திருக்கிறார். திபு நிணன் தாமஸ் இசையமைத்திருக்கும் இப்படத்தை வரும் அக்டோபர் மாதத்தில் வெளியிட படக்குழு திட்டமிட்டுள்ளதாக தகவல் வெளியாகியுள்ளது.

 

sivakarthikeyan

 

 

 

மேலும் இதை தொடர்ந்து பொன்ராம் இயக்கத்தில் சிவகார்த்திகேயன் - சமந்தா இணைந்து நடித்த 'சீமராஜா' படத்தின் டீசர் மற்றும் ஆடியோ வெளியீடு வரும் ஜூலை 20ஆம் தேதி மாலை நடக்கவுள்ளதாக தற்போது அதிகாரபூர்வமாக அறிவிக்கப்பட்டுள்ளது. சூரி, சிம்ரன், நெப்போலியன் ஆகியோர் முக்கிய கதாபாத்திரத்தில் நடிக்கும் இப்படம் வரும் செப்டம்பரில் வெளியாகவுள்ளது. மேலும் அடுத்தடுத்து சிவகார்த்திகேயன் படங்களின் அறிவிப்புகள் வெளியானதால் ரசிகர்கள் ஆச்சர்யமும், உற்சாகமும் அடைந்துள்ளனர்.

 

 

 

 

 

உங்கள் கருத்தைப் பதிவு செய்யுங்கள்