சாதனை பயணத்தில் சீக்ரட் சூப்பர் ஸ்டார்

எஸ் .எஸ். ராஜமவுலியின் பாகுபலி 2ஆம் பாகம் முதல் முறையாக 1000 கோடிக்கு மேல் வசூல் செய்து சாதனை படைத்தது. இந்த சாதனை ஓய்வதற்குள் ஆமீர்கான் நடிப்பில் வெளிவந்த டங்கள் படம் 2000 கோடிக்கு மேல் வசூல் செய்து மாபெரும் சாதனை நிகழ்த்தியது. அதற்கு முக்கிய காரணமாக இப்படம் சீனாவில் மட்டும் சுமார் 1215 கோடி ரூபாய் செய்தது. இந்திய திரைப்படங்களுக்கு சமீபகாலமாக கிழக்காசிய நாடுகளில் நல்ல வரவேற்பு கிடைத்து வருகிறது. குறிப்பாக, ரஜினிகாந்த் நடிப்பில் வெளியான ‘முத்து’, ‘கபாலி’ ஆகிய படங்கள் ஜப்பான், சிங்கப்பூர், மலேசியா ஆகிய நாடுகளில் வசூலை வாரிக் குவித்தன. இந்நிலையில், இருவாரங்களுக்கு முன்னர் வெளியான ‘சீக்ரட் சூப்பர் ஸ்டார்’ திரைப்படம் சீனாவில் 509 கோடி ரூபாய் வசூலித்து சாதனை படைத்துள்ளது. இன்னும் சில நாட்களில் ‘டங்கல்’ படத்தின் வசூல் சாதனையை ‘சீக்ரட் சூப்பர் ஸ்டார்’ முறியடித்துவிடும் என எதிர்பார்க்கப்படுகிறது. இதனால் 'சீக்ரட் சூப்பர் ஸ்டார்' படக்குழு மிகுந்த மகிழ்ச்சியில் உள்ளனர்.