Skip to main content

ஸ்கார்லெட் ஜொஹன்ஸன் திடீர் திருமணம்! 

Published on 30/10/2020 | Edited on 30/10/2020

 

scarlette


உலகம் முழுவதும் தனக்கென பல கோடி ரசிகர்களைச் சம்பாதித்து வைத்திருக்கும் நடிகர்களில் ஒருவர் ஸ்கார்லெட் ஜொஹன்ஸன். மார்வெல் படங்களில், 'பிளாக் விடோவ்' என்னும் கதாபாத்திரத்தில் நடித்துப் பிரபலமான இவர், உலகளவில் பெரும் சம்பளத்தைப் பெரும் நடிகைகளின் லிஸ்ட்டில் முதலிடம் பிடிப்பவர்.

 

ஸ்கார்லெட் ஜொஹன்ஸன், காலின் ஜோஸ்ட் என்பவரைத் திருமணம் செய்துகொண்டுள்ளார். கரோனா அச்சுறுத்தலால் பலரையும் அழைக்கமுடியாமல், தனக்கு நெருக்கமானவர்களை மட்டும் திருமணத்திற்கு அழைப்பு விடுத்து ரகசியத் திருமணம் செய்துள்ளார். 

 

காலின் ஜோஸ்ட், டிவி நிகழ்ச்சிகளில் காமெடியனாகவும், எழுத்தாளராகவும் உள்ளார். கடந்த மூன்று வருடங்களாக இவரும் ஸ்கார்லெட்டும் 'டேட்' செய்து வந்த நிலையில் கடந்த வருட மே மாதம் நிச்சயம் செய்துகொண்டனர். 

 

38 வயதாகும் காலின் ஜோஸ்ட்க்கு இதுதான் முதல் திருமணம், ஸ்கார்லெட்டுக்கு இது மூன்றாவது திருமணமாகும். ஏற்கனவே ஸ்கார்லெட் நடிகர் ரியான் ரெனால்ட்ஸ் மற்றும் அவரைத் தொடர்ந்து தொழிலதிபர் ரோமனுடன் திருமணம் செய்துகொண்டு, பின்னர் விவாகரத்து செய்துகொண்டார் என்பது குறிப்பிடத்தக்கது. தொழிலதிபர் ரோமன் மற்றும் ஸ்கார்லெட் இருவருக்கும் மகள் உண்டு. 

 

 


 

சார்ந்த செய்திகள்

Next Story

மார்வெல் புதிய படத்தின் ஃபர்ஸ்ட் லுக் வெளியீடு...

Published on 26/08/2019 | Edited on 26/08/2019

மார்வெல் தற்போது நான்காவது பேஸ் குறித்த அறிவிப்பை சமீபத்தில் வெளியிட்டுள்ளது. அவெஞ்சர்ஸ் தொடர் முடிந்த பிறகு மார்வெல் என்ன மாதிரியான படங்களை எடுக்கப்போகிறது என்று ரசிகர்கள் எதிர்பார்த்து ஆர்வமாக காத்திருந்தார்கள். அதில் பிளாக் விடோவ் படமும் அடங்கும் என்று தகவல்கள் பல வெளியாகின. ஸ்கார்லட் ஜொஹன்சன் இதுவரை அவெஞ்சர்ஸ் படத்தில் மட்டுமே சூப்பர் ஹீரோவாக பார்த்திருப்போம். அவருக்கு என்று ஒரு தனி படம் இல்லாமல் இருந்தது ரசிகர்களுக்கு பெரும் கவலையாக இருந்திருந்தது. அந்த கவலை போக்கும் வகையில் மார்வெல் பேஸ் 4ல் பிளாக் விடோவ் என்று ஒரு தனி படம் எடுப்பதாக மார்வெல் நிறுவனமே அதிகாரப்பூர்வமாக அறிவித்திருந்தது.
 

black widow

 

 

இந்நிலையில் ஸ்கார்லட் ஜோஹன்சனின் பரம ரசிகர்களுக்கு இந்த படம் குறித்து எதாவது அப்டேட் வந்துவிடாதா என்று ஏங்கி தவித்தார்கள். தற்போது இப்படத்தின் ஃபர்ஸ்ட் லுக் வெளியாகியுள்ளது. அதில் இந்த படம் அடுத்த வருடம் மே மாதம் வெளியாகும் என்றும், பிளாக் விடோவின் புதிய காஸ்ட்டியூமையும் அறிமுகப்படுத்தியுள்ளார்கள். 

 


 

Next Story

ரூ. 400 கோடி வாங்கி முதலிடத்தை பிடித்த ஸ்கார்லட் ஜொஹன்சன் ... 

Published on 26/08/2019 | Edited on 26/08/2019

கடந்த வருடத்திற்கான அதிக சம்பளம் பெற்றுள்ள நடிகர் பட்டியலை அண்மையில் போர்ப்ஸ் நிறுவனம் வெளியிட்டுள்ளது. இதில் wwe மல்யுத்த வீரராக உலகப் புகழ்பெற்ற தி ராக் என்று அழைக்கப்படும் டுவேன் ஜான்ஸன் முதலிடத்தை பெற்றுள்ளார். அவர் 600 கோடியை சம்பளமாக பெற்றுள்ளார். அவரை தொடர்ந்து கிறிஸ் ஹெர்ம்ஸ்வொர்த், ராபர்ட் டவுனி உள்ளிட்டோர் இடம்பெற்றுள்ளனர். இதில் ஒரே ஒரு இந்திய நடிகரான அக்‌ஷய் குமார் இடம் பிடித்துள்ளார். 
 

scarlette johanSon

 

 

இந்நிலையில் போர்ப்ஸ் நிறுவனம் அதிக சம்பளம் வாங்கும் நடிகைகளின் பட்டியலை வெளியிட்டுள்ளது. இதில் முதல் இடத்தை பிடித்திருக்கிறார் ஸ்கார்லட் ஜொஹன்ஸன். இவர் பிளாக் வீடோவ் படத்தில் நடிப்பதற்காக சுமார் 54 மில்லியன் டாலர் பெற்றுள்ளார். அதாவது இந்திய மதிப்பில் 400 கோடி ரூபாய். இரண்டாம் இடத்தை சோபியா வெர்ஜேரா ரூ. 315 கோடி சம்பளம் வாங்கி பிடித்துள்ளார். ரீஸ் வித்தர்ஸ்பூன் - ரூ. 250 கோடி, நிகோல் கிட்மேன் - ரூ. 243 கோடி, ஜென்னிபர் அனிஸ்டன் - ரூ. 200 கோடி. 
 

இந்தியளவில் அதிக சம்பளம் பெறும் நடிகைகளான தீபிகா மற்றும் பிரியங்கா சோப்ரா உள்ளிட்டோர் இந்த பட்டியலில் இடம்பெறவில்லை என்பது குறிப்பிடத்தக்கது.