Skip to main content

நடிகர் சதீஷுக்கு திடீர் திருமணமா...?

Published on 11/12/2018 | Edited on 11/12/2018
sathish

 

 

 

மெரினா, எதிர்நீச்சல், ரெமோ, கத்தி உள்ளிட்ட படங்களில் காமெடியனாக நடித்த நடிகர் சதிஷ் ஒரு பெண்ணை திருமணம் செய்யும் போட்டோவை இயக்குனர் பி.ஜி.முத்தையா தன் ட்விட்டர் பக்கத்தில் வெளியிட்டு திருமண வாழ்த்துக்களை பதிவு செய்துள்ளார். இது ரசிகர்களிடையே பெரும் இன்ப அதிர்ச்சியை ஏற்படுத்தியுள்ளது. மேலும் பலர் வாழ்த்துக்கள் கூறிவரும் நிலையில், உண்மையில் இது ஒரு படத்திற்காக எடுக்கப்பட்ட சீன் என்று நடிகர் சதீஷ் தற்போது கூறி குழப்பத்திற்கு முற்றுப்புள்ளி வைத்துள்ளார். 

 

 

சார்ந்த செய்திகள்

Next Story

“நான் சினிமாவுக்குள் வந்ததற்கான பலன் அடைந்ததாக சந்தோஷப்பட்டேன்” - சதீஷ்

Published on 12/02/2024 | Edited on 12/02/2024
sathish about vijay

வெங்கி இயக்கத்தில் சதீஷ் ஹீரோவாக நடித்துள்ள படம் ‘வித்தைக்காரன்’. இதில் சிம்ரன் குப்தா, தாரிணி, ஆனந்தராஜ், மதுசூதனன், சுப்ரமணியம் சிவா உட்பட பலர் நடித்துள்ளனர். ஒயிட் கார்பெட் பிலிம்ஸ் தயாரித்துள்ள இப்படத்திற்கு விபிஆர் இசையமைத்துள்ளார். இப்படம் வருகிற 16 ஆம் தேதி திரையரங்குகளில் வெளியாகிறது. இதையொட்டி இப்படத்தின் செய்தியாளர்கள் சந்திப்பு நடைபெற்றது. 

அப்போது பேசிய சதீஷ் நிறைய பேருக்கு நன்றி தெரிவித்தார். தொடர்ந்து பேசிய அவர், “விஜய் சாருக்கு மிகப் பெரிய நன்றி. அவர் கையிலிருந்துதான் இயக்குநர் இப்படத்திற்கான செக் வாங்கினார். அவர் தீவிர விஜய் ரசிகர். விஜய் சார் கட்சி பெயர் அறிவிப்பதற்கு முன்னாடி நாள் என்னை அழைத்திருந்தார். பார்த்தவுடனே அவர் சொன்ன முதல் வார்த்தை, ‘கான்ஜூரிங் கண்ணப்பன் சூப்பர் ஹிட்டுப்பா...’. இந்த வார்த்தை அவர் சொல்லி கேட்கும்போது, உண்மையிலே அவ்ளோ சந்தோஷமா இருந்தது. அவர் காஞ்ஜூரிங் கண்ணப்பன் பார்த்திருக்கார், அதை பற்றி என்னிடம் பேச வேண்டும் என நினைத்திருக்கிறார் என்பதே மிகப்பெரிய ஒரு வெற்றியாக இருந்தது. நான் சினிமா வந்ததற்கான பலன் அடைந்ததாக சந்தோஷப்பட்டேன். அவர் இப்போது அரசியல் கட்சி ஆரம்பித்திருக்கிறார். ஒரு ரசிகனாக அவர் அரசியலிலும் வெற்றி பெற வேண்டிக்கிறேன்” என்றார்.

கான்ஜூரிங் கண்ணப்பன் கடந்த ஆண்டு டிசம்பர் 8 ஆம் தேதி வெளியானது. சதிஷ் ஹீரோவாக நடித்திருந்த இப்படத்தை அறிமுக இயக்குநர் செல்வின் ராஜ் சேவியர் இயக்கியிருந்தார். ஏஜிஎஸ் தயாரித்திருந்த இப்படத்திற்கு யுவன் ஷங்கர் ராஜா இசையமைத்திருந்தார். பேய் ஜானரில் வெளியான இப்படம் நல்ல வரவேற்பைப் பெற்றது என்பது குறிப்பிடத்தக்கது. 

Next Story

அமுதன் சினிமேட்டிக் யூனிவர்ஸ் - கவனம் ஈர்த்த விஜய் ஆண்டனி பட ப்ரோமோ

Published on 04/10/2023 | Edited on 04/10/2023

 

vijay antony raththam movie new promo

 

சி.எஸ். அமுதன் இயக்கத்தில் விஜய் ஆண்டனி நடிப்பில் உருவாகியுள்ள படம் 'ரத்தம்' . இப்படத்தில் மஹிமா நம்பியார், நந்திதா ஸ்வேதா மற்றும் ரம்யா நம்பீசன் உள்ளிட்ட பலரும் நடித்துள்ளனர். இன்பினிடிவ் ஃபிலிம் வெஞ்சர்ஸ் நிறுவனம் தயாரிக்கும் இப்படத்திற்கு கண்ணன் இசையமைக்கிறார். இப்படம் கடந்த மாதம் 28 ஆம் தேதி வெளியாக இருந்தது. ஆனால் சில காரணங்களால் தள்ளி வருகிற 6 ஆம் தேதி வெளியாகிறது. இதனால் ப்ரோமோஷன் பணிகளில் ஈடுபட்டு வருகிறது படக்குழு. 

 

அந்த வகையில் தற்போது ஒரு ப்ரோமோ வீடியோவை இயக்குநர் அமுதன் வெளியிட்டுள்ளார். அதில் விஜய் ஆண்டனி ரத்தம் பட கெட்டப்புடன் மழையில் நடந்து செல்கிறார். அப்போது சதீஷ், தமிழ் படம் 2 பட கெட்டப்பில் விஜய் ஆண்டனியை இடித்து விடுகிறார். பின்பு அமுதன் சினிமேட்டிக் யூனிவர்ஸ் இருப்பதாகவும் அதற்காக வந்ததாகவும் கூறுகிறார். இந்த ப்ரோமோஷன் வீடியோ தற்போது பலரது கவனத்தைப் பெற்றுள்ளது. 

 

அமுதன், கடந்த 2018 ஆம் ஆண்டு சிவா, சதீஷ் உள்ளிட்ட பலர் நடிப்பில் தமிழ் படம் 2 எடுத்தார் என்பது நினைவுகூரத்தக்கது.