Skip to main content

அப்ப பாட்டு, இப்ப ஃபைட்டு... ஆக்ஷனில் கலக்கும் அண்ணாச்சி!

Published on 01/03/2021 | Edited on 01/03/2021

 

saravanan arul

 

சரவணா ஸ்டோர் குழுமத்தின் உரிமையாளரின் மகனான சரவணன் அருள், அவர்களது கடை விளம்பரங்களில் நடிப்பது வழக்கம். அதன் மூலம் பலரது கவனத்தையும் ஈர்த்த அவர், தற்போது திரைப்படம் ஒன்றில் நாயகனாக நடித்து வருகிறார். இப்படத்தை அஜித்தை வைத்து 'உல்லாசம்' படத்தை இயக்கிய ஜே.டி - ஜெரி இயக்குகின்றனர். சரவணன் அருளுக்கு ஜோடியாக ரித்திகா திவாரி நடிக்க, ஹாரிஸ் ஜெயராஜ் இசையமைக்கிறார்.

 

கரோனா நெருக்கடி காரணமாக பாதியில் நிறுத்தப்பட்டிருந்த இப்படத்தின் படப்பிடிப்பு, தற்போது மீண்டும் தொடங்கியுள்ள நிலையில், சரவணன் அருளுக்கும் வில்லன்களுக்கும் இடையே நடைபெறும் சண்டைக் காட்சியைப் படக்குழுவினர் படமாக்கினர். அப்போது எடுக்கப்பட்ட புகைப்படங்கள் இணையத்தில் வெளியாகியுள்ளன. இதைக் கண்ட மீம்ஸ் கிரியேட்டர்ஸ்கள் 'ஆக்ஷனில் கலக்கும் அண்ணாச்சி' என மீம்ஸ்களைப் பதிவிட்டு வருகின்றனர். 

 

கரோனா பரவலுக்கு முன், சரவணன் அருளுக்கும் நடிகை ரித்திகா திவாரிக்கும் இடையேயான காதல் பாடல் பிரம்மாண்டமாக அரங்குகள் அமைத்து படமாக்கப்பட்டது குறிப்பிடத்தக்கது.

 

 

சார்ந்த செய்திகள்

Next Story

புது கெட்டப்புடன் ரோல்ஸ் ராய்ஸில் என்ட்ரி கொடுத்த லெஜண்ட் சரவணன்

Published on 24/04/2023 | Edited on 24/04/2023

 

legend saravanan rolls royce entry

 

சரவணா ஸ்டோர் குழுமத்தின் உரிமையாளரான சரவணன் அருள் கடந்த ஆண்டு வெளியான தி லெஜண்ட் படத்தின் மூலம் வெள்ளித்திரையில் கதாநாயகனாக அறிமுகமாகியிருந்தார். இப்படத்தை ஜே.டி - ஜெரி இயக்க பெரும் எதிர்பார்ப்புக்கு மத்தியில் வெளியானது. உலகம் முழுவதும் ரூ. 45 கோடி வசூல் செய்தது.  

 

பின்பு ஹாட்ஸ்டார் ஓடிடி தளத்தில் தமிழ், தெலுங்கு, மலையாளம் மற்றும் இந்தி ஆகிய மொழிகளில் கடந்த மாதம் வெளியானது. அதில் ஸ்ட்ரீமிங்கில் நம்பர் 1 இடத்தை பிடித்ததாக படக்குழு தெரிவித்திருந்தது. இதையடுத்து லெஜண்ட் சரவணனின் அடுத்த படம் குறித்த அறிவிப்பு விரைவில் வெளியாக இருப்பதாக முணுமுணுக்கப்படுகிறது. 

 

இதனிடையே தனது சமூக வலைதள பக்கத்தில் கடந்த மாதம் வெளியிட்ட புகைப்படம் வைரலானது. அதில் புது கெட்டப்புடன் தாடி வைத்து இருந்தார். இந்த நிலையில் அதே கெட்டப்புடன் மாஸான லுக்கில் ஒரு வீடியோவை பகிர்ந்துள்ளார். அதில் ஒரு திருமண நிகழ்ச்சியில் ரோல்ஸ் ராய்ஸ் காரில் வருகை தருகிறார். பின்பு மணமேடைக்கு சென்று மணமக்களை வாழ்த்துகிறார். இந்த வீடியோ தற்போது சமூக வலைத்தளங்களில் வைரலாகி வருகிறது.  

 

 

 

Next Story

ஓடிடியில் நம்பர் 1 - தி லெஜண்ட் சரவணன் அறிவிப்பு

Published on 04/03/2023 | Edited on 04/03/2023

 

the Legend movie storms Hotstar as No.1

 

சரவணா ஸ்டோர் குழுமத்தின் உரிமையாளரான சரவணன் அருள் சமீபத்தில் வெளியான தி லெஜண்ட் படத்தின் மூலம் வெள்ளித்திரையில் கதாநாயகனாக அறிமுகமாகியிருந்தார். இப்படத்தை ஜே.டி - ஜெரி இயக்கியிருந்தனர். பெரும் எதிர்பார்ப்புக்கு மத்தியில் வெளியான இப்படம் உலக அளவில் ரூ. 45 கோடி வசூல் செய்தது.  

 

தி லெஜண்ட் படத்தின் சாட்டிலைட் மற்றும் டிஜிட்டல் உரிமையைக் கைப்பற்ற இரு முன்னணி நிறுவனங்கள் ஆர்வம் காட்டி வருவதாகக் கூறப்பட்ட நிலையில் ஹாட்ஸ்டார் நிறுவனம் இப்படத்தை கைப்பற்றியது. நேற்று ஹாட்ஸ்டார் ஓடிடி தளத்தில் வெளியான இப்படம் தமிழ், தெலுங்கு, மலையாளம் மற்றும் இந்தி ஆகிய மொழிகளில் வெளியாகி இருக்கிறது. இந்த நிலையில் ஹாட்ஸ்டார் ஸ்ட்ரீமிங்கில் தி லெஜண்ட் படம் நம்பர் 1 இடத்தை பிடித்துள்ளதாக படக்குழு தெரிவித்துள்ளது. அதற்கான போஸ்டரை லெஜெண்ட் சரவணன் அவரது ட்விட்டர் பக்கத்தில் பகிர்ந்துள்ளார்.