Skip to main content

லோகேஷ் கனகராஜ் படத்தை இயக்கும் சந்தோஷ் சிவன்! 

santhosh sivan

 

 

கடந்த 2017ஆம் ஆண்டு திரையரங்குகளில் வெளியாகி பெரும் ஹிட் அடித்த திரைப்படம் மாநகரம். தற்போது விஜய்யுடன் மாஸ்டர் திரைப்படத்தை இயக்கி, அடுத்து கமல்ஹாசனின் படத்தை இயக்குவதாக உள்ள லோகேஷ் கனகராஜின் முதல் படம் மாநகரம். 

 

பொட்டன்ஷியல் ஸ்டுடியோஸ் நிறுவனம் தயாரிப்பில் வெளியான இந்தப் படத்தில் ஸ்ரீ, சந்தீப் கிஷன், ரெஜினா, சார்லி, மதுசூதனன், முனீஸ்காந்த் உள்ளிட்ட பலர் நடித்திருந்தனர்.

 

இந்த படத்தின் பெரிய வெற்றியை தொடர்ந்து சிறிய இடைவேளைக்கு பிறகு கார்த்தியுடன் இணைந்து கைதி என்ற படத்தை இயக்கினார். இப்படமும் 100 கோடி வசூலை ஈட்டியது. தற்போது வளர்ந்து வரும் இளம் இயக்குனர்களில் முக்கிய இடத்தில் இருக்கும் லோகேஷ் கனகராஜின் முந்தைய இரண்டு படங்களும் இந்தியில் ரீமேக்காக உள்ளன.

 

அந்த வகையில் இந்தியில் உருவாகும் கைதி படத்தில் அஜய் தேவ்கன் நடிக்க ஒப்பந்தமாகியிருந்தார். தற்போது மாநகரம் படத்தையும் இந்தியில் ரீமேக் செய்ய திட்டமிட்டுள்ளனர். புதுமுக நடிகர்களை வைத்து உருவாகும் இப்படத்தை பிரபல ஒளிப்பதிவாளர் சந்தோஷ் சிவன் இயக்க இருப்பதாக தகவல் வெளியாகியுள்ளது. 

 

 

 

உங்கள் கருத்தைப் பதிவு செய்யுங்கள்

மிஸ் பண்ணிடாதீங்க