"என் வாழ்க்கையே ஒரு போராட்டம்" - 'உயிரே' பாடலை வெளியிட்ட ஆர்.ஆர்.ஆர். படக்குழு

இயக்குநர் ராஜமௌலி இயக்கத்தில் வெளியான 'பாகுபலி' படங்கள் பிரம்மாண்ட வெற்றியைப் பெற்றன. இப்படங்களின் வெற்றியைத் தொடர்ந்து இயக்குநர் ராஜமௌலி பிரபல தெலுங்கு நடிகர் ராம்சரண் மற்றும் ஜூனியர் என்.டி.ஆர். இருவரையும் வைத்து 'ஆர்.ஆர்.ஆர்.' படத்தை இயக்கிவருகிறார். இதில் ஆலியா பட், சமுத்திரக்கனி, பிரபல இந்தி நடிகர் அஜய் தேவ்கன் ஆகியோர் முக்கிய கதாபாத்திரங்களில் நடிக்கின்றனர்.

alt="rrr movie uyire song released " data-align="center" data-entity-type="file" data-entity-uuid="2376f986-f974-481f-878c-65cce8a0a7db" src="https://www.nakkheeran.in/sites/default/files/inline-images/article-inside-ad_41.jpg" />

பெரும் பொருட்செலவில் உருவாகும் இப்படம் தமிழ், தெலுங்கு, இந்தி உள்ளிட்ட 5 மொழிகளில் வெளியாக உள்ளது. 'ஆர்.ஆர்.ஆர்.' படத்தின் படப்பிடிப்பை முடித்துள்ள படக்குழு, இறுதிக்கட்ட பணியில்தீவிரம் காட்டிவருகிறது. ஏற்கனவே ‘ஆர்.ஆர்.ஆர்.’ படத்தின் 'நட்பு...' மற்றும் 'நாட்டு கூத்து...' ஆகிய பாடல்கள் ரசிகர்களிடையே நல்ல வரவேற்பை பெற்றது.

இந்நிலையில் படத்தின் அடுத்த பாடலான 'உயிரே' பாடலைபடக்குழு தற்போது வெளியிட்டுள்ளது. மதன் கார்க்கி வரிகளில்மரகதமணி இசையமைத்துபாடியுள்ள இப்பாடல் தற்போது இணையத்தில் ட்ரெண்டாகி வருகிறது.