Skip to main content

மீண்டும் இணையும் விஜய் தேவரகொண்டா- ராஷ்மிகா ஜோடி?

Published on 01/03/2021 | Edited on 01/03/2021

 

Vijay Deverakonda

 

பரசுராம் இயக்கத்தில் விஜய் தேவரகொண்டா நடிப்பில் கடந்த 2018-ஆம் ஆண்டு வெளியான படம் 'கீதா கோவிந்தம்'. இப்படத்தில், விஜய் தேவரகொண்டாவிற்கு ஜோடியாக ராஷ்மிகா மந்தனா நடித்திருந்தார். காதலை மையமாக வைத்து எடுக்கப்பட்ட இப்படத்தில், விஜய் தேவரகொண்டா மற்றும் ராஷ்மிகாவிற்கு இடையேயான காதல் காட்சிகளுக்கு ரசிகர்களிடையே நல்ல வரவேற்பு கிடைத்தது.

 

அதனைத் தொடர்ந்து, ‘டியர் காம்ரேட்’ படத்தில் இருவரும் ஜோடி சேர்ந்து நடித்தனர். படத்திற்குக் கலவையான விமர்சனங்கள் கிடைத்த போதும், இப்படத்திலும் இருவரது நடிப்பு ரசிகர்களால் பெரிதும் கொண்டாடப்பட்டது. இந்த நிலையில், இந்த ஜோடி தற்போது மூன்றாவது முறையாக இணைய இருப்பதாகத் தகவல் வெளியாகியுள்ளது.

 

அதன்படி, பிரபல தெலுங்கு இயக்குநர் சுகுமார் இப்படத்தை இயக்க இருப்பதாகக் கூறப்படுகிறது. இவர், தற்போது அல்லு அர்ஜுன் நடிப்பில் உருவாகி வரும் 'புஷ்பா' படத்தை இயக்கி வருகிறார். இப்படத்திற்குப் பிறகு, விஜய் தேவரகொண்டா மற்றும் ராஷ்மிகா இணையும் படத்தை சுகுமார் இயக்கவுள்ளார்.

 

 

சார்ந்த செய்திகள்

Next Story

"ரூ.1 கோடி பரிசு ஓகே; எங்களுக்கு ரூ. 8 கோடி நஷ்டமே..." - அதிர்ச்சியில் விஜய் தேவரகொண்டா

Published on 07/09/2023 | Edited on 07/09/2023

 

vijay devarakonda shocked about his movie  Distributors company post

 

விஜய் தேவரகொண்டா, சமந்தா நடிப்பில் சிவ நிர்வாணா இயக்கத்தில் கடந்த 1 ஆம் தேதி வெளியான படம் 'குஷி'. மைத்ரி மூவி மேக்கர்ஸ் தயாரித்திருந்த இப்படத்திற்கு ஹெஷாம் அப்துல் வஹாப் இசையமைத்திருந்தார். பான் இந்தியா படமாகத் திரைக்கு வந்த இப்படம் ரசிகர்கள் மத்தியில் நல்ல வரவேற்பைப் பெற்று வருகிறது. முதல் மூன்று நாட்களில் உலகம் முழுவதும் ரூ. 70 கோடிக்கு மேல் வசூலித்துள்ளதாகப் படக்குழு தெரிவித்திருந்தது. மேலும் தமிழ்நாட்டில் மட்டும் இதுவரை ரூ. 7 கோடிக்கு மேலாக வசூலித்துள்ளதாக அறிவிக்கப்பட்டுள்ளது. 

 

இந்த வெற்றியைக் கொண்டாடும் விதமாக நிகழ்ச்சி ஒன்றை படக்குழுவினர் அண்மையில் நடத்தினர். அதில் பேசிய விஜய் தேவரகொண்டா, "ரூ.1 லட்சம் வீதம் 100 குடும்பங்களைத் தேர்ந்தெடுத்து அவர்களுக்கு காசோலையாக வழங்கவுள்ளேன். நான் கொடுக்கும் பணம் மூலம் உங்களது வாடகை, கட்டணம் ஆகியவற்றிற்கு செலுத்தினால் நான் மகிழ்ச்சியடைவேன்" என்றார். அவரது சம்பளத்தில் ஏழை எளிய மக்களுக்கு 1 கோடி ரூபாயை 100 குடும்பங்களுக்கு வழங்கவுள்ளதாக அறிவித்திருந்தது பலரது கவனத்தை ஈர்த்தது. 

 

இதையடுத்து விஜய் தேவரகொண்டா நடிப்பில் வெளியான 'வேர்ல்ட் ஃபேமஸ் லவ்வர்' படத்தின் விநியோக நிறுவனமான அபிஷேக் பிக்சர்ஸ், அவருக்கு ஒரு கோரிக்கை வைத்துள்ளது. இது தொடர்பாக அந்நிறுவனம் வெளியிட்டுள்ள எக்ஸ் பதிவில், "டியர் விஜய் தேவரகொண்டா. வேர்ல்ட் ஃபேமஸ் லவ்வர் படம் விநியோகம் செய்ததில் நாங்கள் ரூ. 8 கோடிகளை இழந்துள்ளோம். ஆனால் அதற்கு யாரும் பதிலளிக்கவில்லை.

 

இப்போது நீங்கள் குடும்பங்களுக்கு 1 கோடி ரூபாயை நன்கொடையாக வழங்குவதாக அறிவித்துள்ளீர்கள். தயவுசெய்து எங்களையும் எங்கள் விநியோகஸ்தர்கள் குடும்பங்களையும் காப்பாற்றுங்கள் என்ற நம்பிக்கையுடன் கேட்டுக்கொள்கிறோம்" எனப் பதிவிட்டிருந்தனர். இந்த பதிவு சமூக வலைத்தளங்களில் தற்போது வைரலாகி வருகிறது. இதைக் கேட்டு விஜய் தேவரகொண்டா அதிர்ச்சியில் உள்ளதாக கூறப்படுகிறது. 

 

 

Next Story

100 குடும்பங்களுக்கு ரூ.1 கோடி - விஜய் தேவரகொண்டா பரிசு

Published on 05/09/2023 | Edited on 05/09/2023

 

Vijay Deverakonda to Donate Part of Kushi Remuneration

 

விஜய் தேவரகொண்டா, சமந்தா நடிப்பில் சிவ நிர்வாணா இயக்கத்தில் கடந்த 1ஆம் தேதி வெளியான படம் 'குஷி'. மைத்ரி மூவி மேக்கர்ஸ் தயாரித்திருந்த இப்படத்திற்கு ஹெஷாம் அப்துல் வஹாப் இசையமைத்திருந்தார். பான் இந்தியா படமாகத் திரைக்கு வந்த இப்படம் ரசிகர்கள் மத்தியில் நல்ல வரவேற்பை பெற்று வருகிறது. முதல் மூன்று நாட்களில் உலகம் முழுவதும் ரூ.70 கோடிக்கு மேல் வசூலித்துள்ளதாக படக்குழு தெரிவித்திருந்தது. 

 

இந்த வெற்றியை கொண்டாட நிகழ்ச்சி ஒன்றை படக்குழுவினர் நடத்தினர். அதில் படக்குழுவினர் கலந்து கொண்டு வெற்றியை பகிர்ந்தார். அப்போது பேசிய விஜய் தேவரகொண்டா பல்வேறு நிகழ்வுகள் குறித்து பேசிய நிலையில், அவரது சம்பளத்தில் ஏழை எளிய மக்களுக்கு 1 கோடி ரூபாயை 100 குடும்பங்களுக்கு வழங்கவுள்ளதாக தெரிவித்துள்ளார். அவர் கூறுகையில், "ரூ.1 லட்சம் வீதம் 100 குடும்பங்களை தேர்ந்தெடுத்து அவர்களுக்கு காசோலையாக வழங்கவுள்ளேன். நான் கொடுக்கும் பணம் மூலம் உங்களது வாடகை, கட்டணம் ஆகியவற்றிற்கு செலுத்தினால் நான் மகிழ்ச்சியடைவேன்" என்றார்.