Skip to main content

ஆர்யன் கைதால் ஷாருக்கான் தோற்றத்தில் இருக்கும் நபருக்கு ஏற்பட்ட சோகம்!

Published on 12/10/2021 | Edited on 12/10/2021

 

shahrukh khan look alike

 

பாலிவுட் திரையுலகின் உச்ச நட்சத்திரமான ஷாருக்கானின் மகன் ஆர்யன் கான், போதைப்பொருள் விவகாரத்தில் கைது செய்யப்பட்டுள்ளார். மும்பையிலிருந்து கோவா சென்ற ஒரு சொகுசு கப்பலில் போதை விருந்து நடைபெறுவதாக போதைப்பொருள் கட்டுப்பாட்டு பிரிவு அதிகாரிகளுக்கு கிடைத்த ரகசிய தகவலையடுத்து, கப்பலில் அதிரடி சோதனை நடத்தினர். அந்தக் கப்பலில் இருந்த நடிகர் ஷாருக்கானின் மகனை விசாரணைக்காக அழைத்துச் சென்ற போதைப்பொருள் கட்டுப்பாட்டு பிரிவு அதிகாரிகள், அவரிடம் தீவிர விசாரணை நடத்தினர். அதனைத் தொடர்ந்து, அவர் கைதும் செய்யப்பட்டார். தற்போது மும்பையில் உள்ள மத்திய சிறைச்சாலையில் 14 நாட்கள் நீதிமன்றக் காவலில் வைக்கப்பட்டுள்ளார்.

 

அவரை பிணையில் வெளியே கொண்டுவர ஷாருக்கான் தரப்பு பல்வேறு முயற்சிகள் எடுத்துவரும் நிலையில் ஆர்யனின் இந்தக் கைது, ஷாருக்கானை ஒத்த தோற்றத்தில் இருக்கும் ராஜு ரஹிக்வார் வாழ்க்கையிலும் பெரும் தாக்கத்தை ஏற்படுத்தியுள்ளது. ஷாருக்கானை ஒத்த தோற்றத்தில் இருப்பதால் ராஜு ரஹிக்வார். பல கொண்டாட்ட நிகழ்ச்சிகளுக்கு சிறப்பு விருந்தினராக அழைக்கப்படுவார். அதன் மூலம், கணிசமான வருவாயும் அவர் ஈட்டிவந்துள்ளார். தற்போது ஆர்யன் கைது விவகாரத்தினால் ஷாருக்கானின் புகழுக்கு களங்கம் ஏற்பட்டுள்ளதையடுத்து, ராஜு ரஹிக்வார் பங்கேற்க இருந்த பல நிகழ்ச்சிகளை ஏற்பாட்டாளர்கள் ரத்து செய்துவிட்டனர். 

 

இது தொடர்பாக வட இந்திய ஊடகங்களில் பேசிய ராஜு ரஹிக்வார், கடந்த பல மாதங்களாக கரோனா பாதிப்பால் எந்த நிகழ்ச்சி வாய்ப்பும் இல்லாமல் இருந்ததாகவும் தற்போது இயல்புநிலை திரும்பிவரும் நேரத்தில், ஆர்யன் கானின் கைது விவகாரத்தால் தான் பங்கேற்க இருந்த இரு நிகழ்ச்சிகள் ரத்து செய்யப்பட்டுவிட்டதாகவும் தெரிவித்தார். மேலும், இதனால் தனக்கு ஷாருக்கான் மீது எந்தக் கோபமும் இல்லையென்றும், தனக்கு கிடைத்த இந்த அடையாளம் ஷாருக்கானால்தான் கிடைத்தது என்பதால் அவர்தான் தனக்கு கடவுள் என்றும் தெரிவித்தார்.

 

 

சார்ந்த செய்திகள்

Next Story

ரிஹானா கலை நிகழ்ச்சியும் ஷாருக்கானின் டான்ஸும் - வைரலாகும் வீடியோ

Published on 02/03/2024 | Edited on 02/03/2024
rihanna sharukhan anandh ambani wedding dance video

இந்தியாவின் மிகப்பெரிய பணக்காரர்களில் ஒருவரான முகேஷ் அம்பானியின் இளைய மகன் ஆனந்த் அம்பானி. இவர் என்கோர் ஹெல்த்கேர் நிறுவனத்தின் தலைமைச் செயல் அதிகாரி விரென் மெர்ச்சண்ட்டின் மகளான ராதிகா மெர்ச்சண்டை திருமணம் செய்யவுள்ளார். இருவருக்கும் கடந்த ஜனவரி 19 ஆம் தேதி நிச்சயம் நடைபெற்ற நிலையில் ஜூலையில் திருமணம் நடக்கவுள்ளதாகக் கூறப்படுகிறது. 

இந்த நிலையில், திருமணத்திற்கு முந்தைய விழா மிகப் பிரம்மாண்டமாக மார்ச் 1 முதல் 3 வரை நடக்கிறது. குஜராத் ஜாம் நகரில் நடக்கும் இந்த நிகழ்ச்சியில் திரைப் பிரபலங்கள், அரசியல் பிரபலங்கள், விளையாட்டுத் துறையைச் சேர்ந்தவர்கள் எனப் பலரும் கலந்து கொண்டுள்ளனர். 

நிகழ்ச்சியின் முதல் நாளான நேற்று இந்திய பிரபலங்களில் சச்சின் டெண்டுல்கர், எம்.எஸ். தோனி, சானியா நேவால் உள்ளிட்ட பல்வேறு தரப்பினர் பங்கேற்றுள்ளனர். பாலிவுட் பிரபலங்களில் ஷாருக்கான், தீபிகா படுகோன், ரன்வீர் சிங், ஷாருக்கான், சித்தார்த் மல்ஹோத்ரா, கியாரா அத்வானி, அனன்யா பாண்டே உள்ளிட்ட பலர் கலந்து கொண்டனர். மேலும் இயக்குநர் அட்லீயும் தனது குடும்பத்தோடு கலந்து கொண்டுள்ளார். 

இவர்களோடு பிரபல பாப் பாடகி ரிஹானா கலந்துகொண்டுள்ளார். அவரது கலை நிகழ்ச்சியும் நடத்தப்பட்டது. மேலும் இரவு நிகழ்ச்சியிலும் கலந்து கொண்டு பாலிவுட் நட்சத்திரங்களோடு நடனமாடினார். ஜான்வி கபூருடன் அவர் நடனமாடிய வீடியோ தற்போது சமூக வலைத்தளங்களில் வைரலாகி வருகிறது. அதேபோல் நிகழ்ச்சியில் ஷாருக்கான் ஆடிய வீடியோவும் வைராகி வருகிறது.  

பாப் பாடகி ரிஹானா கடந்த 2021 ஆம் ஆண்டு புதிய வேளாண் சட்டங்களை ரத்து செய்யக் கோரி டெல்லியில் விவசாயிகள் நடத்திய போராட்டத்தில் அவர்களுக்கு ஆதரவாக குரல் கொடுத்திருந்தார் என்பது குறிப்பிடத்தக்கது. 

Next Story

அனுபவத்தை சொல்லும் ராஜ்குமார் ஹிரானி - ஷாருக்கானின் 'டங்கி'

Published on 06/12/2023 | Edited on 06/12/2023

 

Shah Rukh Khan, Rajkumar Hirani in Dunki second trailer released

 

பிரபல இந்தி இயக்குநர் ராஜ்குமார் ஹிரானி இயக்கத்தில் ஷாருக்கான் நடிப்பில் உருவாகும் படம் 'டங்கி'. இதில் டாப்ஸி, போமன் இரானி மற்றும் விக்கி கௌஷல் உள்ளிட்டோர் முக்கிய கதாபாத்திரங்களில் நடித்துள்ளனர். ராஜ்குமார் ஹிரானி மற்றும் கௌரி கான் இணைந்து தயாரிக்கும் இப்படம் கிறிஸ்துமஸை முன்னிட்டு வருகிற 21 ஆம் தேதி வெளியாகிறது. 

 

இப்படத்தின் இரண்டாவது ட்ரைலர் வெளியாகியுள்ளது. இந்த வீடியோ தற்போது வரை 64 மில்லியன் பார்வையாளர்களைக் கடந்து யூட்யூபில் ட்ரெண்டிங்கில் இரண்டாவது இடத்தில் உள்ளது. முன்னோட்டத்தில், பஞ்சாபில் உள்ள ஒரு கிராமத்துக்குச் சென்று நண்பர்கள் மனோ, சுகி, புக்கு, மற்றும் பாலி ஆகியோர் அடங்கிய லண்டனுக்குப் பயணம் செய்ய வேண்டும் என்ற பொதுவான கனவைக் கொண்ட குழுவை ஷாருக்கான் கதாபாத்திரம் சந்திக்கிறது. பின்பு வெளிநாடுகளுக்கு பயணம் மேற்கொள்ளும் நான்கு நண்பர்களைப் பின்தொடர்ந்து இந்தக் கதை செல்கிறது. ஏற்கனவே இப்படத்தின்  ஒரு ட்ரைலரும் இரண்டு பாடல்களும் வெளியாகி வரவேற்பைப் பெற்றது.