டைகர் ஷெராப் படம் வெற்றியடைய ரஜினிகாந்த் வாழ்த்து!

ஷாருக்கானின் ஜவானுக்குப் பிறகு பாலிவுட்டில் மிகவும் எதிர்பார்க்கப்பட்ட படம் கண்பத். டைகர் ஷெராப், கீர்த்தி சனோன், அமிதாப்பச்சன் நடித்துள்ள இப்படத்தினை விகாஸ் பாஹ்ல் இயக்கியிருக்கிறார். பூஜா எண்டர்டெயிண்ட் மற்றும் குட் கோ இணைந்து இப்படத்தை தயாரித்துள்ளது. இந்தியில் தயாரிக்கப்பட்ட படம் தமிழ், தெலுங்கு, கன்னடம். மலையாளம் ஆகிய மொழிகளிலும் வெளியாகிறது. சூப்பர் ஹீரோ பின்னணியில் படம் உருவாகியிருக்கிறது.

இப்படம் இன்று திரையரங்கில் வெளியாகியிருக்கிறது. இதற்கு நடிகர் ரஜினிகாந்த் தனது எக்ஸ் பக்கத்தில் வாழ்த்து தெரிவித்துள்ளார். அதில் “என் மனமார்ந்த வாழ்த்துக்கள் டைகர் ஷெராப் மற்றும் கண்பத்தின் அனைத்து நடிகர்கள் மற்றும் படக்குழுவினருக்கும் வாழ்த்துக்கள்; படம் மாபெரும் வெற்றியடையட்டும்” என்று பதிவிட்டுள்ளார்.