‘தேவா பத்தி தெரிஞ்சிருந்தும்...’ - நண்பணுக்காக களமிறங்கும் ‘கூலி’ ரஜினி

லோகேஷ் கனகராஜ் இயக்கத்தில் ரஜினி நடிப்பில் உருவாகி வரும் படம் ‘கூலி’. இப்படத்தில் தெலுங்கு முன்னணி நடிகர் நாகர்ஜுனா, கன்னட நடிகர் உபேந்திரா கலீஷா, மலையாள நடிகர் சௌபின் சாஹிர், சத்யராஜ், ஸ்ருதிஹாசன் உள்ளிட்ட ஏகப்பட்ட பிரபலங்கள் நடித்துள்ளனர். பாலிவுட் நடிகர் ஆமீர்கான் கேமியோ ரோலில் நடித்துள்ளார். மேலும் பூஜா ஹெக்டே ஒரு பாடலுக்கு நடனமாடியுள்ளார். சன் பிக்சர்ஸ் தயாரிப்பில் அனிருத் இசையில் உருவாகி வரும் இப்படம் ஏ சான்றிதழுடன் ஆகஸ்ட் 14ஆம் தேதி வெளியாகவுள்ளது.

இப்படத்தின் படப்பிப்பிடிப்பு கடந்த ஆண்டு ஜூலை மாதம் தொடங்கி பல்வேறு கட்டங்களாக பல இடங்களில் நடந்து கடந்த மார்ச் மாதம் முடிந்திருந்தது. இதனிடையே படத்தின் டைட்டில் டீசர் வெளியாகி ரசிகர்கள் மத்தியில் நல்ல வரவேற்பை பெற்றிருந்தது. பின்பு ‘சிக்குடு வைப்’ என்ற பாடலில் கிளிம்ஸ் வெளியாகியிருந்தது. அடுத்தாக படம் வெளியாகுவதற்கு 100 நாட்கள் தான் இருக்கிறது என்பதை நினைவுபடுத்து ஒரு முன்னோட்ட காட்சி வெளியானது. இதில் பின்னணியில் இடம் பெற்ற ‘பவர்ஹவுஸ்’ பாடம் சமூக வலைதளத்தில் வைரலானது. இதனைத் தொடர்ந்து ‘சிக்குடு வைப்’ பாடலின் மியூசிக் வீடியோ, பூஜா ஹெக்டே நடனமாடிய ‘மோனிகா’ பாடலின் லிரிக் வீடியோ மற்றும் வைரலான ‘பவர்ஹவுஸ்’ லிரிக் வீடியோ வைரலானது. படத்தின் முழு பாடல்களும் ஆடியோ தளங்களான ஸ்பாட்டிஃபை, யூட்யூப் மியூசில் உள்ளிட்டவைகளில் இன்று மாலை வெளியானது. 

இந்த நிலையில் படத்தின் ட்ரெய்லர் தற்போது வெளியாகியுள்ளது. ஹார்பரில் ஒரு பெரிய நெட் ஒர்க்கை வைத்திருக்கும் வில்லன் கேங், சத்யராஜ் குடும்பத்தை பாதிப்புக்கு உள்ளாக்குவது போலவும் இதற்கு பழிவாங்க முடிவெடுக்கும் சத்யராஜுக்கு ரஜினி உதவுவது போலவும் ட்ரெய்லர் அமைந்துள்ளது. இறுதியில் வில்லன்களை சத்யராஜ் விருப்பப்படி ரஜினி பழிவாங்கினாரா இல்லையா என்பதை ஆக்‌ஷன் கலந்து படத்தில் சொல்லியிருப்பது போல் தெரிகிறது. ட்ரெய்லரின் இறுதியில் ரஜினி, ஏற்கனவே கூலியாக நடித்த தீ பட இமேஜ் நெகட்டிவில் வந்து செல்கிறது. அதற்கு முன்பு ‘தேவா பத்தி தெரிஞ்சிருந்தும், எங்கிட்டையே விளையாடிருக்க’ என வில்லன்களை ரஜினி மிரட்டுகிறார். இந்த ட்ரெய்லர் தற்போது சமூக வலைதளங்களில் வைரலாகி வருகிறது. இந்த படத்தில் ரஜினி தேவா என்ற கதாபாத்திரத்தில் நடித்துள்ளார் என்பது குறிப்பிடத்தக்கது.