புஷ்பா 2; விஜய் சேதுபதிக்கு ஜோடியாகும் பிரியாமணி

அல்லு அர்ஜுன் நடிப்பில் சுகுமார் இயக்கத்தில் கடந்த ஆண்டு இறுதியில் வெளியாகி சூப்பர் ஹிட் அடித்த படம் 'புஷ்பா – தி ரைஸ்'. இப்படத்தில் ராஷ்மிகா மந்தானா, ஃபகத் ஃபாசில் உள்ளிட்ட பலர் நடித்திருந்தனர். பான் இந்தியா படமாக வெளியான இப்படத்திற்கு தேவி ஸ்ரீ பிரசாத் இசையமைத்திருந்தார். இவர் இசையில் வெளியான அனைத்துப் பாடல்களும் நல்ல வரவேற்பு பெற்றது. குறிப்பாக சமந்தா சிறப்புத் தோற்றத்தில் நடனமாடிய 'ஊ...சொல்றியா மாமா' பாடலை இளைஞர்கள் கொண்டாடித் தீர்த்தனர். இப்படத்தின் வெற்றியைத் தொடர்ந்து 'புஷ்பா 2' படத்திற்கான ஆரம்பக் கட்ட பணிகள் தற்போது தொடங்கியுள்ளன.

alt="ad" data-align="center" data-entity-type="file" data-entity-uuid="695b13ef-71c0-4b1f-8925-d2f26a291c6f" src="https://www.nakkheeran.in/sites/default/files/inline-images/Poikaal-Kuthirai-500-X-300-Article-Ad_14.jpg" />

'புஷ்பா 2' படத்தில் விஜய் சேதுபதி போலீஸ் உயர் அதிகாரியாக நடிக்கவுள்ளதாகவும் தகவல் வெளியாகியுள்ள நிலையில் தற்போது அவருக்கு ஜோடியாக பிரியாமணி நடிக்கவுள்ளதாக கூறப்படுகிறது. மேலும் இப்படத்தில் பிரியாமணி விஜய் சேதுபதிக்கு மனைவியாக நடிக்கவுள்ளதாக கூறப்படுகிறது. விரைவில் இது குறித்த முக்கிய அறிவிப்புகள் வெளியாகலாம் என்று டோலிவுட் வட்டாரங்கள் தெரிவிக்கின்றன.