‘பிரேமலு’ ஓடிடி அப்டேட் - அதிகாரப்பூர்வ அறிவிப்பு 

கிரிஷ்ஏ.டி. இயக்கத்தில் நஸ்லன் கே.கஃபூர், மமிதா பைஜு, ஷ்யாம் மோகன் உள்ளிட்ட பலர் நடிப்பில் கடந்த பிப்ரவரி 9 ஆம் தேதி வெளியான மலையாள படம் பிரேமலு. இப்படத்தை ஃபஹத் ஃபாசில், திலீஷ் போத்தன் மற்றும் ஷ்யாம் புஷ்கரன் ஆகிய நான்கு நடிகர்கள் தயாரித்திருந்தனர். விஷ்ணு விஜய் இசைப் பணிகளை மேற்கொண்டுள்ளார். இப்படம் மொத்தம் ரூ.135 கோடி வசூலித்துள்ளதாகத் தெரிவிக்கப்பட்டுள்ளது. மேலும் அதிக வசூல் செய்த மலையாளப் படங்களில் டாப் 5 இடங்களில் ஒன்றாக இப்படம் இருக்கிறது.

இப்படம் ரசிகர்கள் மத்தியில் பெரும் வரவேற்பைப் பெற்றது. அதன் காரணமாக தெலுங்கிலும் டப் செய்யப்பட்டு கடந்த மாதம் 8 ஆம் தேதி வெளியானது. அங்கும் நல்ல வரவேற்பைப் பெற்றது. இதன் தொடர்ச்சியாகத் தமிழிலும் கடந்த மாதம் 15ஆம் தேதி வெளியானது. இங்கும் நல்ல வரவேற்பை பெற்றது.

இந்த நிலையில் இப்படத்தின் ஓடிடி ரிலீஸ் குறித்த அறிவிப்பு தற்போது வெளியாகியுள்ளது. அதன்படி வருகின்ற 12 ஆம் தேதி (12.04.2024) டிஸ்னி ப்ளஸ் ஹாட் ஸ்டாரில் இப்படம் வெளியாகவுள்ளது. இது தொடர்பான போஸ்டரை தனது சமூக வலைத்தளப் பக்கத்தில் பகிர்ந்துள்ளார் நாயகி மமிதா பைஜு.