மணிரத்னம் இயக்கத்தில் கார்த்தி, ஜெயம் ரவி, விக்ரம் உள்ளிட்ட பல்வேறு முன்னணி பிரபலங்கள் நடித்துள்ள பொன்னியின் செல்வன் படம் வருகிற 30 ஆம் தேதி திரையரங்குகளில் பிரமாண்டமாக வெளியாகவுள்ளது. பான் இந்தியா படமாக வெளியாகவுள்ள இப்படத்தின் பாடல்கள் மற்றும் ட்ரைலர் சமீபத்தில் வெளியாகி படத்தின் மீதான எதிர்பார்ப்பை அதிகரித்தது. படம் திரைக்கு வருவதற்கு இன்னும் சில நாட்களே உள்ள நிலையில் ப்ரொமோஷன் பணிகளில் தீவிரமாக கவனம் செலுத்தி வருகின்றனர் படக்குழு.
இதனிடையே விக்ரம் நடித்த ஆதித்ய கரிகாலன் கதாபாத்திரம் குறித்து ஒரு சிறிய ப்ரோமோவை படக்குழு பகிர்ந்திருந்தனர். அந்த வீடியோவை நடிகர் பிரசன்னா தனது ட்விட்டர் பக்கத்தில் பகிர்ந்து, "நான் ஒரு நடிகனாக வேண்டும் என்று கனவு காணத் தொடங்கிய நாளிலிருந்து, குதிரையில் சவாரி செய்யும் ஒரு போர்வீரன் கதாபாத்திரத்தில் நடிக்க ஒரு இலக்கு இருக்கும். நான் கனவில் கண்ட கதாபாத்திரத்தை தற்போது படத்தில் பார்க்கவுள்ளேன். விக்ரம் சார் சிறப்பாக அந்த கதாபாத்திரத்தில் பொருந்துகிறார். கனவு என்றாவது ஒரு நாள் நனவாக வாழ்த்துகிறேன்" என குறிப்பிட்டிருந்தார்.
Since the day I started dreaming of becoming an actor I had a vision of me on a worrior role riding a horse and this is exactly I saw myself. Wish someday the dream will come true. And #ChiyaanVikram is just slaying it🤩 https://t.co/KXvoxJZlyY— Prasanna (@Prasanna_actor) September 21, 2022
