ரியோ, ரம்யா நம்பீசன் நடித்துள்ள படத்தின் ரிலீஸ் தேதி அறிவிப்பு!

‘பானா காத்தாடி’ புகழ் பத்ரி வெங்கடேஷ் இயக்கத்தில் சின்னத்திரை பிரபலம் ரியோ நடிப்பில் உருவாகியுள்ள படம் ‘பிளான் பண்ணி பண்ணனும்’. இப்படத்தில் ரியோவுக்கு ஜோடியாக ரம்யா நம்பீசன் நடித்துள்ளார். பால சரவணன், ரோபோ ஷங்கர் உள்ளிட்ட பலரும் முக்கிய கதாபாத்திரங்களில் நடித்துள்ள இப்படத்தை, பாசிடிவ் பிரிண்ட் ஸ்டூடியோஸ் சார்பில் ராஜேஷ் குமார் மற்றும் எல்.சிந்தன் இணைந்து தயாரிக்க, யுவன் ஷங்கர் ராஜா இசையமைத்துள்ளார்.

இப்படத்தின் அனைத்துப் பணிகளும் நிறைவடைந்து ரிலீசிற்குத் தயாராக இருந்த நிலையில், கரோனா இரண்டாம் அலை காரணமாக திரையரங்குகள் மூடப்பட்டதால் படத்தின் ரிலீஸில் சிக்கல் எழுந்தது. தற்போது ஊரடங்கில் தளர்வுகள் அளிக்கப்பட்டு திரையரங்குகள் திறக்கப்பட்டுள்ளதையடுத்து, படத்தின் ரிலீஸ் தேதியை படக்குழு அறிவித்துள்ளது. அதன்படி, வரும் செப்டம்பர் 24ஆம் தேதி ‘பிளான் பண்ணி பண்ணனும்’ படம் திரையரங்குகளில் வெளியாகவுள்ளது.