'பாராசூட்' வெப் சீரிஸின் ரிலீஸ் அப்டேட்

ராசு ரஞ்சித் இயக்கத்தில் கிஷோர், 'குக்கு வித் கோமாளி' புகழ் கனி ஆகியோர் நடிப்பில் உருவாகியுள்ள சீரிஸ் 'பாராசூட்' . இதில் கிருஷ்ணா குலசேகரன் போலீஸ் அதிகாரியாக நடித்திருப்பதோடு, தயாரிப்பையும் கையாண்டுள்ளார். மேலும் காளி வெங்கட், சரண்யா ரவிச்சந்திரன் மற்றும் பாவா செல்லதுரை ஆகியோரும் முக்கிய வேடங்களில் நடித்துள்ளனர்.

ஶ்ரீதர் கே எழுதியுள்ள 'பாராசூட்' சீரிஸிற்கு முன்னணி இசையமைப்பாளர்களில் ஒருவரான யுவன் ஷங்கர் ராஜா இசையமைத்துள்ளார். இந்த சீரிஸ் கதை குறித்து தெரிவிக்கப்பட்டிருப்பதாவது குழந்தைகளின் மீது பெரும் அன்பை வைத்திருக்கும் பெற்றோர்கள், அவர்கள் நன்றாக வளர வேண்டுமென அவர்கள் மீது கண்டிப்பு காட்டுகிறார்கள். இரு சிறுவர்களும் பெற்றோருக்கு தெரியாமல், பாராசூட் எனும் மொபட் பைக்கை எடுத்துக்கொண்டு பயணம் செல்கிறார்கள். அப்போது என்ன நடக்கிறது என்பதுதான் 'பாராசூட்' சீரிஸ் கதை என்கிறார்கள்.

இந்த நிலையில் இந்த சீரிஸின் ட்ரைலர் தற்போது வெளியாகியுள்ளது. அதில் நவம்பர் 29 முதல் டிஸ்னி ப்ளஸ் ஹாட்ஸ்டார் ஓ.டி.டி. தளத்தில் வெளியாகும் என குறிப்பிடப்பட்டுள்ளது.