Skip to main content

ஆஸ்கர் என்றாலே சர்ச்சைதானா? 

Published on 25/02/2019 | Edited on 25/02/2019
oscar


2019 ஆண்டுக்கான ஆஸ்கர் விருது வழங்கும் விழா இன்று காலை லாஸ் ஏஞ்சல்ஸ் நகரில் கோலாகலமாக தொடங்கி, நடைபெற்று முடிந்துள்ளது. லாஸ் ஏஞ்சல்ஸ் நகரிலுள்ள டால்பி தியேட்டரில் இந்த நிகழ்ச்சி நடைபெற்றுள்ளது. ஒரு மிகப்பெரிய நிகழ்ச்சி என்றால் அதை பொழுதுபோக்காக கொண்டு செல்ல தொகுப்பாளர் மிகவும் அவசியம், அதிலும் ஆஸ்கர் போன்ற உலகப்புகழ் பெற்ற நிகழ்ச்சிக்கு தொகுப்பாளர் மிகவும் அவசியமானவர். ஆனால், இந்த வருடம் நடந்த விருது வழங்கும் நிகழ்ச்சி தொகுப்பாளர் இல்லாமல்தான் நடந்து முடிந்திருக்கிறது. இந்த வருட ஆஸ்கருக்கு தொகுப்பாளராக காமெடியன் கெவின் ஹார்ட் தேர்வு செய்யப்பட்டார். ஆனால், அவருடைய முந்தைய ட்வீட் பதிவுகள் அனைத்தும் எல்.ஜி.பி.டி சமூகத்தினரை இழிவுப்படுத்தும் வகையில் இருந்ததால், அவருக்கு கடும் எதிர்ப்பு வந்தது. அவர் ஆஸ்கர் நிகழ்ச்சியில் பங்கேற்க பலரும் தங்களின் கண்டனங்களை தெரிவித்தனர். இதனால் ஆஸ்கர் விருது வழங்கும் நிகழ்ச்சியை தொகுத்து வழங்குவதிலிருந்து தானே விலகிக் கொள்வதாக கெவின் ஹார்ட் கடந்த டிசம்பர் மாதம் அறிவித்தார். ஆஸ்கர் நிர்வாகக்குழு அவரை மீண்டும் தொகுத்து வழங்க அழைத்தது. ஆனாலும் அவர் ஒப்புக்கொள்ளவில்லை. இதனையடுத்து ஆஸ்கர் நிர்வாகம் தொகுப்பாளர் இல்லாமலே நிகழ்ச்சியை நடத்த முடிவெடுத்தது. 30 ஆண்டுகளுக்கு பின் ஆஸ்கர் நிகழ்ச்சியில் தொகுப்பாளர் இல்லாமல் நடந்துள்ளது குறிப்பிடத்தக்கது. 
 

இந்த சர்ச்சை முடிந்த பின்பு மேலும் சிறந்த ஒளிப்பதிவாளர், படத்தொகுப்பு, ஒப்பனை & சிகை அழங்காரம், லைவ் ஆக்‌ஷன் குறும்படம் ஆகிய நான்கு பிரிவுகளுக்கும் விருது வழங்கும் நிகழ்வை நேரலையில் காட்டாமல் விளம்பரம் ஒளிபரப்படும் என்று ஆஸ்கர் நிறுவனம் சர்ச்சையை கிளப்பியது. பின்னர் இதுபோன்று வருடா வருடம் நான்கு விருதுகள் இதுபோலதான் லைவில் தவிர்க்கப்படும் என்று ஆஸ்கர் பதில் தந்தது.

oscar

விருது வழங்கும் விழாவுக்கு முன்புதான் இவ்வளவு சர்ச்சைகள் என்று பார்த்தால் விருது வழங்கியதிலும் இந்த முறை சர்ச்சைதான். ரோமா என்னும் படத்திற்குதான் சிறந்த படத்திற்கான விருது கிடைக்கும் என சொல்லப்பட்ட நிலையில், கிரீன் புக் என்ற படத்திற்கு சிறந்த படத்திற்கான ஆஸ்கர் விருது வழங்கப்பட்டுள்ளது. கிரீன் புக் படத்தை ஒப்பிட்டு பார்த்தால் அதனுடன் பரிந்துரையில் உள்ள மற்ற படங்கள் அனைத்துமே சிறந்த படங்கள் என்று சமூக வலைதளத்தில் விமர்சிக்க தொடங்கிவிட்டனர்.  ஒருவேளை மூன் லைட் சிறந்த படம் என அறிவித்துவிட்டு, உடனே லாலா லேண்ட் சிறந்த படம் எதோ தவறு நடந்துவிட்டது என்று 89 ஆஸ்கார் நிகழ்ச்சியில் தெரிவித்ததை போன்று கிரீன் புக் படத்திற்கு தெரிவித்துவிட்டார்களோ என்று சமூக வலைதளத்தில் நையாண்டி செய்கிறார்கள்.
 

சிறந்த படம் பிளாக்-க்ளாஸ்மேன் படத்திற்குதான் கிடைக்கும் என்கிற எதிர்ப்பார்பில் இருந்து இயக்குனர் ஸ்பைக் லீ, அந்த விருதை கிரீன் புக் படத்திற்கு என அறிவிக்கும்போது அமர்ந்திருந்த இடத்திலிருந்து வெளியேறிவிட்டு, பின்னர் கிரீன் புக் படக்குழு விருதை வாங்கி சென்ற பின்னரே திரும்பினார் என்று மேலும் ஒரு சர்ச்சையை சமூக வலைதளத்தில் மீம்ஸுகளாக பரவி வருகிறது. முன்னதாக ஆஸ்கர் விருது வழங்கும் விழா என்றாலே எதாவது சர்ச்சைகள் இல்லாமல், இருக்காது. கடந்த 2014ஆம் ஆண்டில் ஆஸ்கார் விருது வழங்கும் விழாவை பார்த்தவர்களைவிட கடந்த ஆண்டு ஆஸ்கார் விழாவை பார்த்தவர்கள் எண்ணிக்கை மிகவும் சொற்பம் என்று தகவல் வெளியானது. ஆஸ்கர் என்றால் விருது வழங்கும் நிகழ்ச்சி என்பதை தாண்டி, சர்ச்சை நிகழ்ச்சி என்கிற கண்ணோட்டத்திலேயே பார்க்க வைக்கிறார்கள். 91 ஆண்டுகள் கடந்தும் இன்னும் ஆஸ்கார் விருது வழங்கும் நிகழ்ச்சி சர்ச்சைகளை தோளில் சுமந்தபடியே பயணித்து வருகிறது...

 

 

சார்ந்த செய்திகள்

Next Story

ஆஸ்கரை வென்ற ‘நாட்டு நாட்டு’ பாடல்!

Published on 13/03/2023 | Edited on 13/03/2023

 

Nattu Nattu song won Oscar

 

உலக திரைத்துறையின் உயரிய விருதாகக் கருதப்படும் ஆஸ்கர் விருதானது சிறந்த படம், சிறந்த நடிகர், நடிகை, தொழில்நுட்பக் கலைஞர்கள் உள்ளிட்ட பல்வேறு பிரிவுகளில் ஆண்டுதோறும் வழங்கப்படுவது வழக்கம். 

 

அந்தவகையில் 2023ம் ஆண்டுக்கான ஆஸ்கர் விருதுகள் இன்று காலை அறிவிக்கப்பட்டு வழங்கப்பட்டு வருகிறது. அமெரிக்காவின் லாஸ் ஏஞ்சல்ஸ் நகரில் நடைபெறும் ஆஸ்கர் விருதுகளில் சிறந்த அனிமேஷன் படத்துக்கான ஆஸ்கர் விருதை குஹ்லிர்மொ டில் டோரோஸ் பினோஷியோ ( Guillermo del Toro's Pinocchio) வென்றது.

 

சிறந்த ஒப்பனை மற்றும் சிகை அலங்காரத்திற்கான (Best Makeup and Hairstyling) ஆஸ்கர் விருதை தி வேல் (The Whale) படத்திற்காக அட்ரின் மொரொட், ஜூடி சின், அனிமேரி பிராட்லி வென்றனர்.

 

சிறந்த துணை நடிகைக்கான ஆஸ்கர் விருதை 'எவ்ரிதிங் எவ்ரிவேர் ஆல் அட் ஒன்ஸ்' படத்திற்காக ஜேமி லீ குருஷ்டீஸ் வென்றார்.

 

சிறந்த ஆடை வடிவமைப்பிற்கான ஆஸ்கர் விருதை ‘பிளாக் பேந்தர்ஸ்: வகாண்டா பார்எவர்’ (Black Panther: Wakanda Forever) படத்திற்காக ரூத் கார்டர் வென்றார்.

 

சிறந்த ஒளிப்பதிவுக்கான (Best Cinematography) ஆஸ்கர் விருதை ‘ஆல் குயைட் ஆன் தி வெஸ்ட்டர்ன் பாண்ட்’ (All Quiet on the Western Front) படத்திற்காக ஜேம்ஸ் பிரண்ட் வென்றார்.

 

சிறந்த ஆவணக் குறும்படத்துக்கான ஆஸ்கர் விருதை இந்தியாவின் தி எலிஃபெண்ட் விஸ்பெரர்ஸ் (The Elephant Whisperers) வென்றுள்ளது. தி எலிஃபெண்ட் விஸ்பெரர்ஸ் குறும்படம், தமிழ்நாட்டின் முதுமலையில் இரு யானைக்குட்டிகளைப் பராமரிக்கும் முதுமலை பாகன் தம்பதி குறித்த ஆவணப்படம் என்பது குறிப்பிடத்தக்கது. 

 

Nattu Nattu song won Oscar

 

இயக்குநர் ராஜமவுலி இயக்கத்தில் வெளியான ஆர்.ஆர்.ஆர். திரைப்படத்தின் இசை அமைப்பாளர் கீரவாணி இசையில் உருவான ‘நாட்டு நாட்டு’ பாடல் ஆஸ்கர் விருது நிகழ்ச்சியின் ஆரம்பத்தில் பாடப்பட்டது. இந்தப் பாட்டிற்கு கலைஞர்கள் நடனமாடினர். இந்தப் பாடலை பாடகர்கள் ராகுல் சிப்லிகுஞ்ச் மற்றும் கால பைரவா ஆகியோர் ஆஸ்கர் மேடையில் பாடினர்.

 

இந்நிலையில், நாட்டு நாட்டு பாடல் ஆஸ்கர் விருதை வென்றுள்ளது. இந்தப் பாடலுக்கு இசை அமைத்த கீரவாணிக்கு ஆஸ்கர் விருது வழங்கப்பட்டுள்ளது. பாடலுக்கான ஆஸ்கர் விருதை பாடலாசிரியர் சந்திரபோஸ் மற்றும் இசை அமைப்பாளர் கீரவாணி ஆகியோர் பெற்றனர். நாட்டு நாட்டு பாடல் ஏற்கனவே கோல்டன் குளோப் விருதை வென்றிருந்தது. ஏ.ஆர்.ரகுமானுக்கு பிறகு ஆஸ்கர் விருதைப் பெற்ற இரண்டாவது இந்திய இசையமைப்பாளர் கீரவாணி என்பது குறிப்பிடத்தக்கது.

 

 

Next Story

ஆஸ்கரில் இதுவரை நடக்காத ஒன்று!!! 2019 விருது பட்டியல்

Published on 25/02/2019 | Edited on 25/02/2019
oscar


2019 ஆண்டுக்கானஆஸ்கர் விருது வழங்கும் விழா இன்று காலை லாஸ் ஏஞ்சல்ஸ் நகரில் கோலாகலமாக தொடங்கி, நடைபெற்று முடிந்துள்ளது. உலகம் முழுவதும் இந்த விருது வழங்கும் விழாவுக்கு மக்களிடையே நல்ல வரவேற்பும், எதிர்ப்பார்பும் உள்ளது. இன்று நடைபெற்ற இந்த நிகழ்ச்சி லாஸ் ஏஞ்சல்ஸ் நகரிலுள்ள டால்பி  தியேட்டரில் நடைபெற்றது. ரோமா என்கிற மெக்சிக்கோ படமும், தி ஃபேவரைட் என்ற ஆங்கில படமும் தலா பத்து பரிந்துரைகளுக்கு தேர்வு செய்யப்பட்டுள்ளன. இந்த வருடம்தான் முதன் முறையாக நெட்பிளிக்ஸில் வெளியான ரோமா திரைப்படம் ஆஸ்கருக்காக பரிந்துரை செய்யப்பட்டுள்ளது என்பது குறிப்பிடத்தக்கது. உலகம் முழுவதும் பலரிடம் நல்ல வர்வேற்பை பெற்றுள்ளதால் இந்த படத்திற்கே இந்த வருட ஆஸ்கரில் நல்ல வரவெற்பும் இருக்கும் என்று சொல்லப்பட்டது.நிகழ்ச்சியை ஒருசேர நடத்தி செல்ல தொகுப்பாளர் இல்லாததால், பிரபலங்களே தொகுத்து வழங்கி விருதுகளை அறிவித்தனர். தொடக்கத்திலேயே சர்ச்சைகளுடன் தொடங்கிய ஆஸ்கர், நிகழ்ச்சியின்போது சர்ச்சைகளை கிளப்பாமல் பரிந்துரை செய்யப்பட்ட படங்களில் எது வெற்றிபெற்றதோ அதற்கு விருதுகளை வழங்கி சிறப்பித்துள்ளது. தற்போது எந்த எந்த பிரிவுகளில் யார், எந்த படம் வெற்றிபெற்றுள்ளது என்ற முழு பட்டியலை பார்ப்போம்....
 

சிறந்த படம் - கிரீன் புக் (Green Book)

சிறந்த இயக்குனர் - அல்ஃபோன்ஸா குரான், ரோமா (Alfonso Cuaron,Roma)

சிறந்த நடிகை - ஒலிவியா கோல்மன், தி ஃபேவரைட் ( Olivia Colman, The Favourite)

சிறந்த நடிகர் - ரமி மாலிக், போஹிமியன் ராப்சோடி ( Rami Malek, Bohemian Rhapsody)

சிறந்த துணை நடிகை - ரெஜினா கிங், இஃப் பீல் ஸ்ட்ரீட் குட் டால்க் (Regina King, If Beale Street Could Talk)

சிறந்த துணை நடிகர் - மஹர்ஷலா அலி, கிரீன் புக் (Mahershala Ali, Green Book)

சிறந்த வெளிநாட்டு படம் - ரோமா, மெக்சிகோ Roma (Mexico)

சிறந்த அனிமேஷன் படம் - ஸ்பைடர் மேன்: இண்டூ தி ஸ்பைடர் வெர்ஸ் (Spider-Man: Into The Spider-Verse)

சிறந்த திரைக்கதை - கிரீன் புக் (Green Book)

சிறந்த திரைக்கதை தழுவல் - பிளாக்-க்ளான்ஸ்மேன் (BlacKkKlansman)

சிறந்த பின்னணி இசை - பிளாக் பாந்தர் (Black Panther)

சிறந்த பாடல் - ஷாலவ், அ ஸ்டார் இஸ் பார்ன் (Shallow, A Star Is Born)

சிறந்த குறு ஆவணப் படம் - பிரியட். எண்ட் ஆஃப் செண்டன்ஸ் (Period. End Of Sentence)

சிறந்த ஆவணப் படம் - ஃபிரி சோலோ (Free Solo)

சிறந்த குறும்படம் - ஸ்கின் (Skin)

சிறந்த அனிமேஷன் குறும்படம் - பாவ் (Bao)

சிறந்த ஒளிப்பதிவாளர் - அல்ஃபோன்சோ குரான், ரோமா (Alfonso Cuaron,Roma)

சிறந்த தயாரிப்பு வடிவமைப்பு - பிளாக் பாந்தர் (Black Panther)

சிறந்த உடை வடிவமைப்பு - பிளாக் பாந்தர் (Black Panther)

சிறந்த ஒப்பனை & சிகை அழங்காரம் - வைஸ் (Vice)

சிறந்த ஒலி தொகுப்பு - போஹிமியன் ராப்சோடி (Bohemian Rhapsody)

சிறந்த ஒலி கலவை - போஹிமியன் ராப்சோடி (Bohemian Rhapsody) 

சிறந்த வி.எஃப்.எக்ஸ் - ஃபர்ஸ்ட் மேன் (First Man)

சிறந்த படத்தொகுப்பு - போஹிமியன் ராப்சோடி (Bohemian Rhapsody)

பத்து பிரிவுகளில் பரிந்துரையான ரோமா திரைப்படம் மூன்று விருதுகளை தட்டிச் சென்றுள்ளது. இந்த திரைப்படம் நெட்பிளிக்ஸ் தயாரிப்பில் வெளியானது. மேலும் அதிகபட்சமாக போஹிமியன் ராப்சோடி என்னும் திரைப்படம் நான்கு விருதுகளை பெற்றுள்ளது.