'எனக்கு அது பெரும் உதவியாக இருந்தது' - நிவேதா பெத்துராஜ் பெருமிதம் 

நடிகை நிவேதா பெத்துராஜ் தற்போது பார்ட்டி, டிக் டிக் டிக், திமிருப்பிடிச்சவன், ஜெகஜால கில்லாடி ஆகிய படங்களில் பிசியாக நடித்து வருகிறார். இதில் பார்ட்டி, டிக் டிக் டிக் ஆகிய படங்கள் அடுத்தடுத்து வெளியாக இருக்கின்றது. இந்நிலையில் இவர் சமீபத்தில் தான் கற்ற தற்காப்பு கலையை பற்றி பேசும்போது...

"இதுநாள்வரைக்கும் எந்தத் தவறான வி‌ஷயங்களுக்காகவும் சினிமாவில் யாரும் என்னை அணுகியதில்லை. எனக்கு தற்காப்புக் கலை தெரியும். தாய்லாந்தில் இது தொடர்பாக இரண்டு ஆண்டுகள் படித்து இருக்கிறேன். குத்துச் சண்டை நன்றாக தெரியும். அதனால் என் உடல் எப்போதும் கட்டுக்கோப்பாக இருக்கும். தற்காப்புக் கலை, குத்துச்சண்டை. இதெல்லாம் கற்றுக்கொண்டதால் மனக்கட்டுப்பாடு எனக்கு அதிகமாக இருக்கும். நான் கற்றுக்கொண்ட தற்காப்புக் கலை 'டிக் டிக் டிக்' படத்தில் நடிக்கும்போது எனக்கு பெரும் உதவியாக இருந்தது" என்றார்.