Skip to main content

தன்னுடைய நடிப்பில் முதல் ஹிட்! கோடியில் காரை வாங்கிய பிரபல நடிகை...

Published on 07/01/2020 | Edited on 07/01/2020

இயக்குனர் லட்சுமண் இயக்கத்தில் ஜெயம் ரவி நடித்திருக்கும் படம் பூமி. இந்த படத்தில் ஜெயம் ரவிக்கு ஜோடியாக நித்தி அகர்வால் நடிக்கின்றார். இதுதான் தமிழில் அவருக்கு முதல் படம். இவர் ஏற்கனவே ஹிந்தி மற்றும் தெலுங்கு படங்களில் நடித்து பிரபலமடைந்தவர்.
 

nidhi agarwal

 

 

கடந்த 2017ஆம் ஆண்டு முன்னா மைக்கேல் என்கிற ஹிந்தி படத்தின் மூலம் சினிமாவில் அறிமுகமானார். இதன் பின் தெலுங்கில் சவ்யாசாச்சி, மிஸ்டர், மஜ்னு போன்ற படங்களில் அடுத்தடுத்து நடித்தார். ஆனால், இவர் நடிப்பில் வெளியான எந்த படமும் ஹிட் அடிக்கவில்லை. இதனால் இவருக்கு அடுத்தடுத்து படங்களில் நடிக்கும் வாய்ப்பு குறைந்தது.

இந்நிலையில் பூரி ஜெகன்னாத் இயக்கத்தில் இஸ்மார்ட் சங்கர் என்னும் படத்தில் நித்தி அகர்வாலை நடிக்க வைத்தார். இந்த படம் வேறு லெவலில் ஹிட் அடித்தது. ரசிகர்களுக்கும் நித்தி அகர்வால் மீது ஒரு ஈர்ப்பு வந்தது. நித்தி அகர்வாலுக்கும் பாராட்டுகளும் கிடைத்தன. இந்த படத்தின் வெற்றிதான் தமிழில் ஜெயம் ரவியுடன் அறிமுகமாகும் அளவிற்கு அவருக்கு வாய்ப்பு ஏற்படுத்தி தந்தது.

இந்நிலையில் வெற்றியை கொண்டாடும் விதமாக நிதி அகர்வால் சொந்தமாக ‘போர்ச்சே’ என்ற சொகுசு காரை வாங்கி உள்ளார். இதன் விலை ரூ.1 கோடி ஆகும். அந்த காரை ஓட்டி செல்லும் வீடியோவை சமூக வலைத்தளத்தில் வெளியிட்டுள்ளார். 

 

 

சார்ந்த செய்திகள்

Next Story

"கலகலப்பான தலைவன்" - உதயநிதிக்கு சீனு ராமசாமி வாழ்த்து

Published on 08/11/2022 | Edited on 08/11/2022

 

Kalaga Thalaivan release date announced

 

உதயநிதி தற்போது மாரி செல்வராஜ் இயக்கும் 'மாமன்னன்' படத்தில் நடித்து முடித்துள்ளார். இப்படத்தின் படப்பிடிப்பு நிறைவடைந்து அடுத்தகட்ட பணிகள் நடைபெற்று வருகிறது. இதனிடையே மகிழ் திருமேனி இயக்கத்தில் 'கலகத் தலைவன்' படத்தில் நடித்துள்ளார். இப்படத்தில் உதயநிதிக்கு ஜோடியாக நிதி அகர்வால் கதாநாயகியாக நடித்துள்ளார். மேலும் பிக்பாஸ் ஆரவ், கலையரசன் உள்ளிட்ட பலர் முக்கியக் கதாபாத்திரத்தில் நடித்துள்ளனர். இப்படத்தின் டீசர் சமீபத்தில் வெளியாகி நல்ல வரவேற்பைப் பெற்றது. 

 

இந்நிலையில் 'கலகத் தலைவன்' படத்தின் ரிலீஸ் தேதி வெளியாகியுள்ளது. அதன்படி வருகிற 18ஆம் தேதி திரையரங்குகளில் வெளியாகவுள்ளது. இதனை இயக்குநர் சீனு ராமசாமி தனது ட்விட்டர் பக்கத்தில் தெரிவித்து, "நவம்பர் 18ல் திரை தொடும் என் கலகலப்பான (கலகத்) தலைவனுக்கு  நெஞ்சம் நிறைந்த வாழ்த்துகள்" எனக் குறிப்பிட்டுள்ளார். மேலும் ரிலீஸ் தேதியுடன் கூடிய புதிய போஸ்டரையும் அவர் பகிர்ந்துள்ளார். 

 

 

Next Story

'கலகத் தலைவன்' ஆனார் உதயநிதி ஸ்டாலின்!

Published on 26/07/2022 | Edited on 26/07/2022

 

udhayanidhi stalin next movie Kalagathalaivan

 

நடிகரும், சட்டமன்ற உறுப்பினருமான உதயநிதி ஸ்டாலின் இயக்குநர் அருண்ராஜா காமராஜ் இயக்கத்தில் வெளியான நெஞ்சுக்கு நீதி படத்தில் நடித்திருந்தார். பெரும் எதிர்பார்ப்புக்கு மத்தியில் வெளியான இப்படம் ரசிகர்களிடையே நல்ல வரவேற்பை பெற்றதோடு, சினிமா விமர்சகர்கள் மத்தியில் பாராட்டுகளையும் பெற்றது. 

 

ad

 

இதையடுத்து தடம், மீகாமன் ஆகிய படங்களை இயக்கிய மகிழ் திருமேனி இயக்கத்தில் உதயநிதி ஸ்டாலின் ஒரு படத்தில் நடித்து வந்தார். இதை அவருக்கு ஜோடியாக நிதி அகர்வால் நடிக்கவுள்ளார். இப்படத்தின் படப்பிடிப்பு பணிகள் முடித்து அடுத்தக்கட்ட பணியில் படக்குழு தீவிரம் காட்டி வருகிறது. 

 

இந்நிலையில் இப்படத்தின் டைட்டில் மற்றும் ஃபர்ஸ்ட் லுக் போஸ்டரை படக்குழு வெளியிட்டுள்ளது. அதன்படி இப்படத்திற்கு 'கலகத் தலைவன்' என்று பெயரிடப்பட்டுள்ளது. இப்படம் மும்பையை கதைக்களமாக வைத்து உருவாக்கப்பட்டு வருவதாக கூறப்படுகிறது. 

 

இதனிடையே மாரி செல்வராஜ் இயக்கத்தில் உதயநிதி ஸ்டாலின் மாமன்னன் படத்தில் நடித்து வருகிறார். இப்படத்தில் கதாநாயகியாக கீர்த்தி சுரேஷ் நடிக்க, ஃபகத் பாசில், வடிவேலு முக்கிய கதாபாத்திரங்களில் நடித்து வருகின்றனர். இப்படத்தின் பணிகள் முழு வீச்சில் நடைபெற்று வருகிறது.