"குழந்தைக்கு ஆபத்துன்னா எந்த தாயும் சும்மா இருக்க மாட்டா" - நயன்தாராவின் போராட்டம்

'காத்துவாக்குல ரெண்டு காதல்' படத்தை தொடர்ந்து நடிகை நயன்தாரா தற்போது ஆக்சிஜன் (O2) படத்தில் நடித்துள்ளார். இப்படத்தை இயக்குநர்வெங்கட் பிரபுவிடம் உதவி இயக்குநராகப் பணியாற்றிய ஜி.கே. விக்னேஷ் இயக்கியுள்ளார்.ட்ரீம் வாரியார் பிக்சர்ஸ் நிறுவனம் தயாரிக்கும் இப்படத்தின் படப்பிடிப்பை நிறைவுசெய்த படக்குழு, இறுதிக்கட்ட பணியில்தீவிரம் காட்டிவருகிறது.

ஒரு முழு பேருந்தும் மண்ணுக்குள் புதைந்து விடுகிறது. அதனால் பேருந்தில் இருக்கும் பயணிகளுக்கு ஆக்சிஜன் தேவைப்படுவதால், சுவாசபிரச்சனைக்காகஎப்போது தன் மகனுடன் இருக்கும் ஆக்சிஜன் சிலிண்டரைபேருந்தில் இருக்கும் சக பயணிகள் குறிவைப்பதை அம்மாவான நயன்தாரா எப்படி போராடி சமாளிக்கிறார் என்பதேபடத்தின் கதை.

சமீபத்தில் வெளியான இப்படத்தின் முதல் பாடல் மற்றும் டீசர் ரசிகர்களிடையே நல்ல வரவேற்பை பெற்ற நிலையில் படக்குழு தற்போது ட்ரைலரை வெளியிட்டுள்ளது. விறுவிறுப்பான த்ரில்லர்திரைப்படமாக உருவாகியுள்ள இப்படத்தின் ட்ரைலர் தற்போது பலரின் கவனத்தை ஈர்த்து வருகிறது. மேலும் இப்படம் ஜூன் 17 ஆம் தேதி ஹாட்ஸ்டார் ஓடிடி தளத்தில் வெளியாகவுள்ளது குறிப்பிடத்தக்கது.