கமல்ஹாசனை இயக்கும் முத்தையா?

லோகேஷ் கனகராஜ் இயக்கும் 'விக்ரம்' படத்தில் நடிகர் கமல்ஹாசன் நடித்துள்ளார். இப்படத்தில் இவருடன்விஜய்சேதுபதி, ஃபகத் ஃபாசில்,அஞ்சாதே நரேன், காளிதாஸ் ஜெயராம் ஆகியோர் முக்கிய கதாபாத்திரங்களில் நடித்துள்ளனர். ராஜ்கமல் ஃபிலிம்ஸ் இன்டர்நேஷ்னல் நிறுவனம் தயாரிக்கும் இப்படத்திற்கு அனிருத் இசையமைக்கிறார். படப்பிடிப்பை நிறைவு செய்து படக்குழு இறுதிக்கட்ட பணியில்தீவிரம் காட்டி வருகிறது.

இந்நிலையில் நடிகர் கமல்ஹாசன் அடுத்ததாகஇயக்குநர்முத்தையா இயக்கத்தில் நடிக்கவுள்ளதாக தகவல் வெளியாகியுள்ளது. 'கொம்பன்', 'குட்டிப்புலி', 'புலிக்குத்தி பாண்'டி உள்ளிட்ட படங்களை இயக்கியமுத்தையா தற்போது கார்த்தி நடிக்கும் 'விருமன்' படத்தை இயக்கி வருகிறார். இப்படத்தை தொடர்ந்து கிராமப்புறகதையை மையமாக வைத்து கமல் நடிக்கும் படத்தை இயக்க உள்ளதாககூறப்படுகிறது. 'விக்ரம்' படமும், 'விருமன்' படமும் முடிந்த பிறகு கமல் மற்றும் முத்தையா படத்தின் பணிகள் தொடங்கும் என சினிமா வட்டாரங்கள் தெரிவித்துள்ளது.