Skip to main content

"சமரசமற்ற இயக்குநர் வெற்றிமாறன்" - குணச்சித்திர நடிகர் மூணார் ரமேஷ் புகழாரம்

Published on 07/04/2023 | Edited on 07/04/2023

 

Munnar Ramesh Interview

 

தனித்துவமான நடிப்பினை வெளிப்படுத்தி  குணச்சித்திர நடிகராக வலம் வரும் மூணார் ரமேஷ் அவர்களை நமது நக்கீரன் ஸ்டூடியோ சார்பாக சந்தித்தோம். அப்போது அவர் தன்னுடைய திரையுலக அனுபவங்கள் குறித்து நம்மோடு பகிர்ந்து கொண்டார்.

 

மூணார் ரமேஷ் பேசியதாவது “என்னுடைய சொந்த ஊர் மூணார் என்பதால் மூணார் ரமேஷ் என்கிற பெயர் வந்தது. சினிமாவில் ஒவ்வொரு நடிகருக்கும் அடுத்தடுத்த நிலைக்கு வளர வேண்டும் என்கிற ஆசை இருக்கும். வெற்றிமாறன் சாரோடு நீண்ட நாள் பழக்கம் உள்ளது. அந்த நட்பும், என்னுடைய கரியருக்கு உதவி செய்ய வேண்டும் என்கிற அவருடைய எண்ணமும் தான் அவர் தொடர்ந்து எனக்கு வாய்ப்புகள் வழங்குவதற்குக் காரணம் என்று நினைக்கிறேன். அவருடைய படைப்புகளின் மேல் அனைவருக்குமே ஒரு எதிர்பார்ப்பு இருக்கிறது”.

 

விடுதலை படத்தின் படப்பிடிப்பு மிகவும் சவாலானதாக இருந்தது. அனைத்தையும் ராவாக எடுக்க வேண்டும் என்று நினைப்பார் வெற்றிமாறன். இயற்கை உள்ளிட்ட பல்வேறு இடர்பாடுகள் எங்களுக்கு இருந்தன. எதிலும் சமரசம் செய்துகொள்ளாத இயக்குநராக வெற்றிமாறன் இருப்பதால் தான் அவர் படப்பிடிப்புக்கு நீண்ட காலத்தை எடுத்துக் கொள்கிறார். ஒரு படம் தொடங்கியதிலிருந்து முடியும் வரை அதுபற்றிய சிந்தனையிலேயே அவர் இருப்பார். படப்பிடிப்பு முடியும் வரை படம் பற்றிய பேச்சுக்களையே விரும்புவார். அந்த நேரங்களில் அவரை யாரும் டிஸ்டர்ப் பண்ணக்கூடாது.

 

அவருடைய படங்களில் எனக்குக் கிடைக்கும் நல்ல பெயர் அனைத்தும் வெற்றிமாறன் சாரையே சாரும். சூரி சாரிடம் வெற்றிமாறன் சார் சில புதிய விஷயங்களைக் கண்டுபிடித்தார். வெற்றிமாறன் சாருடைய அணுகுமுறைக்கு சூரி சார் விரைவில் பொருந்திப் போனார். தன்னுடைய நடிப்பு முறையையே மாற்றிக் கொண்டார். யாரையும் மாற்றுவதற்கான மந்திரம் வெற்றிமாறன் சாரிடம் இருக்கிறது. புதுப்பேட்டை படத்தில் நடிக்கும்போது என்னிடம் உருவம் மட்டும் தான் இருந்தது. என்னை நடிக்க வைத்தது முழுக்க முழுக்க செல்வராகவன் தான். 

 

புதுப்பேட்டை, வடசென்னை ஆகிய படங்களின் இரண்டாம் பாகங்களை மக்கள் எதிர்பார்க்கின்றனர். அது நடக்கும் என்று நம்புகிறேன். வடசென்னை 2 படம் நிச்சயம் வரும் என்று வெற்றிமாறன் சார் சொல்லியிருக்கிறார். அது போன்ற படங்களை அவரால் தான் சிறந்த முறையில் எடுக்க முடியும். லால் சலாம் படத்தின் படப்பிடிப்பும் தற்போது நடந்து வருகிறது. ஐஸ்வர்யா மேடம் மிகவும் வேகமாக வேலை செய்கிறார். ரஜினி சாரின் கேமியோவும் அதில் இருக்கிறது. ரஜினி சாரின் தீவிர ரசிகன் நான். அவருடைய பண்பும் ஆன்மீகமும் எனக்கு மிகவும் பிடிக்கும். அவரோடு இந்தப் படத்தில் நானும் ஒரு காட்சியில் நடிக்கும் வாய்ப்பு வருமா என்கிற எதிர்பார்ப்போடு இருக்கிறேன்.


 

சார்ந்த செய்திகள்

Next Story

“பெரிய இயக்குநர்கள் நேரடியாக அணுகுவார்கள்” - சரண்யா ரவிச்சந்திரன் பேட்டி!

Published on 18/07/2024 | Edited on 18/07/2024
 Saranya Ravichandran | Indian2 | Kamal Haasan | Shankar |

தமிழ்த் திரைப்படங்களில் குணச்சித்திர கதாபாத்திரத்தில் நடித்து வரும் சரண்யா ரவிச்சந்திரன் அண்மையில் வெளியான  இந்தியன் 2 படத்திலும் முக்கிய கதாபாத்திரத்தில் நடித்துள்ளார் . இந்நிலையில்  நக்கீரன் ஸ்டூடியோ வாயிலாக அவரை சந்தித்தபோது, அவரின் சினிமா வாழ்க்கை பற்றிய சுவாரசியமான தகவல்களையும் அனுபவங்களையும் பகிர்ந்துள்ளார். 

தொடக்கத்தில் வந்த பட வாய்ப்புகள் அணுகுமுறைகள் பற்றியும், தற்போது  வரும் பட வாய்ப்புகளின் அணுகுமுறையிலும் எந்த அளவிற்கு மாற்றம் உள்ளது என்ற கேள்வி குறித்து அவர் பதிலளிக்கையில் "மரியாதையில்தான் எல்லாம் உள்ளது, அவர்கள் மதிக்கவில்லை என்பதால்தான் நமக்கு திரைத்துறையில் நல்ல இடத்திற்குப் போக வேண்டும் என்ற வெறி வரும். அப்படிதான் அவர்கள் நம்மை புஷ் பண்ணிக் கொண்டு செல்வார்கள். சில சமயங்களில் இயக்குநர் அவரே வந்து அணுகாமல், ஏன்  உதவியாளரை அனுப்புகிறார் என்று தோன்றும், இயக்குநருக்குப் பல வழிகளில் அழுத்தம் இருக்கும், அடுத்த காட்சி குறித்த சிந்திப்பார்கள், ஆனால் சில பெரிய இயக்குநர் அவர்களாகவே வந்து நம்மிடம் அணுகுவார்கள், அது சில இயக்குநர்களின் ஸ்டைலாக இருக்கும் 

நான் முதல் படத்தில் நடிக்கும்போது படப்பிடிப்பில் என்னிடம் இயக்குநர் பேசவே இல்லை. நானே அவரை அழைத்து என்னுடைய சீன் எப்போது வரும், நான் இங்குதான் உட்கார்ந்திருப்பேன் என்னைத் தேடாதீர்கள் என்று சொல்லுவேன், ஆனால் நான் நடித்து முடித்தபோது  படப்பிடிப்பின் இடைவேளையில் அவரே என்னிடம் வந்து சாப்டிங்களா? என்றெல்லாம் பேசினார். நம்ம வேலையைச் சரியாக செய்யும்போது அவர்களே மரியாதை தருவார்கள்" என்று கூறினார்.

Next Story

“ஆம்ஸ்ட்ராங்கை ரோல் மாடலாக எடுத்திருந்த இளைஞர்களுக்கு பேரிழப்பு” - வெற்றிமாறன்

Published on 07/07/2024 | Edited on 07/07/2024
Vetimaaran said Disaster for the youth who had taken Armstrong as their role model

தமிழக பகுஜன் சமாஜ் கட்சியின் மாநில தலைவர் ஆம்ஸ்ட்ராங் நேற்று(5.7.2024) இரவு பெரம்பூரில் உள்ள அவரது வீட்டின் அருகே 6 பேர் கொண்ட மர்ம கும்பலால் வெட்டி படுகொலை செய்யப்பட்டார். இந்த சம்பவம் மாநிலம் முழுவதும் பெரும் பரபரப்பை ஏற்படுத்திய நிலையில், 10 தனிப்படைகள் அமைக்கப்பட்டு  தீவிர விசாரணை நடைபெற்று வருகிறது.

இதனைத் தொடர்ந்து ஆம்ஸ்ட்ராங்கின் உடல் அயனாவரத்தில் உள்ள அவரது இல்லத்திற்கு கொண்டுச் சென்று அஞ்சலி செலுத்துவதற்காக வைக்கப்பட்டது. இதனையடுத்து, பெரம்பூர் பந்தர் கார்டன் மாநகராட்சி பள்ளியில் ஆம்ஸ்ட்ராங்கினுடைய உடல் பொதுமக்கள் அஞ்சலிக்காக வைக்கப்பட்டுள்ளது. ஏராளமான பொதுமக்கள், கட்சி நிர்வாகிகள், ஆம்ஸ்ட்ராங் உடலுக்கு அஞ்சலி செலுத்தி வருகின்றனர். பொதுமக்கள் வருகையையொட்டி பெரம்பூர், செம்பியம் பகுதியில் 2,000 போலீசார் பாதுகாப்பு பணியில் ஈடுபட்டு வருகின்றனர். 

இந்த நிலையில், இயக்குநர் வெற்றிமாறன் ஆம்ஸ்ட்ராங் உடலுக்கு அஞ்சலி செலுத்திவிட்டு செய்தியாளர்களைச் சந்தித்து பேசினார். அப்போது அவர், “இளைஞர்களை ஒருங்கிணைத்து எல்லோரையும் படிக்க வைத்து அவர்களை நல்வழிப்படுத்தின பெரிய ஆளுமை. இந்த இழப்பு எல்லோருக்கும் ஈடு செய்ய முடியாத இழப்பு. குறிப்பாக, அவரால் ஈர்க்கப்பட்டு வெவ்வேறு இடங்களில் படித்து பெரிய இடங்களில் இருக்கிற இளைஞர்களுக்கும், அவரை ரோல் மாடலாக எடுத்து படித்துகொண்டு இருப்பவர்களுக்கும் ஈடு செய்ய முடியாத இழப்பு. ஆம்ஸ்ட்ராங் உடலை அடக்கம் செய்வதற்கான இடம் தொடர்பாக நீதிமன்றம் சரியான தீர்ப்பு அளிக்கும் என்று நம்புகிறேன். அவர்களின் விருப்பம் என்னவோ அதைச் செய்வதே சரியாக இருக்கும். இந்தப் படுகொலையை வன்மையாக கண்டிக்கத்தக்கது. ஒரு கட்சியினுடைய மாநிலத் தலைவருக்கு இப்படி நிகழ்வது வன்மையாக கண்டிக்கத்தக்கது” என்று கூறினார்.