"மாமன்னனைப் பார்த்துக் கட்டித் தழுவிக் கொண்டாடிய முதல்வர்" - மாரி செல்வராஜ் பெருமிதம்

மாரி செல்வராஜ் இயக்கத்தில் ரெட் ஜெயண்ட் தயாரிப்பில் உதயநிதி, கீர்த்தி சுரேஷ், வடிவேலு, ஃபகத் பாசில் உள்ளிட்ட பலர் நடிப்பில் இன்று வெளியாகியுள்ளது 'மாமன்னன்' படம். உதயநிதி நடிப்பில் கடைசிப் படமாக வெளியாகிவுள்ள இப்படத்திற்கு எதிர்பார்ப்பு அதிகமாக இருக்கும் நிலையில் கமல், தனுஷ் உள்ளிட்ட பிரபலங்கள் படக்குழுவிற்கு பாராட்டு தெரிவித்து வாழ்த்தியிருந்தனர்.

கமல், தனது ட்விட்டர் பக்கத்தில் "மானுடர் அனைவரும் சமம் என்பது என் வாழ்க்கை முறை. என் கருத்திற்கு வலிமை சேர்க்கும் மாமன்னனுக்கு வாழ்த்துகள்" எனக் குறிப்பிட்டுள்ளார். தனுஷ், "இடைவெளி காட்சிக்கு தியேட்டர் தெறிக்கப் போகிறது" என ட்விட்டரில் குறிப்பிட்டிருந்தார்.

இந்நிலையில் முதல்வர் மு.க.ஸ்டாலின் படக்குழுவினரைப் பாராட்டியுள்ளதாக மாரி செல்வராஜ் தனது ட்விட்டர் பக்கத்தில் தெரிவித்துள்ளார். அந்த பதிவில், "மாமன்னனைப்பார்த்துக் கட்டித்தழுவிக் கொண்டாடிய முதல்வர் மு.க. ஸ்டாலின், எங்கள் பெரும் மரியாதை கலந்த நன்றியையும் ப்ரியத்தையும் சமர்ப்பிக்கிறோம்" எனக் குறிப்பிட்டுள்ளார்.

மாமன்னனை பார்த்து கட்டித்தழுவி கொண்டாடிய மாண்புமிகு முதல்வர் திரு . @mkstalin ஐயா அவர்களுக்கு எங்கள் பெரும் மரியாதை கலந்த நன்றியையும் ப்ரியத்தையும் சமர்பிக்கிறோம் ❤️❤️❤️ @Udhaystalin@arrahman@KeerthyOfficial@RedGiantMovies_#MAAMANNAN ? pic.twitter.com/1snE2uBQeF

— Mari Selvaraj (@mari_selvaraj) June 29, 2023