Skip to main content

“சமூகநீதி தளங்களிலும் பங்களிப்பு” - கமல்ஹாசனுக்கு அமைச்சர் உதயநிதி ஸ்டாலின் வாழ்த்து

Published on 07/11/2023 | Edited on 07/11/2023

 

Minister Udayanidhi Stalin congratulates Kamal Haasan

 

தமிழ் சினிமாவில் சிறந்த நடிகர், இயக்குநர், பாடகர், தயாரிப்பாளர் எனப் பல துறைகளிலும் வல்லவர் நடிகர் கமல்ஹாசன். திரைத்துறையையும் தாண்டி மக்கள் நீதி மய்யம் என்ற கட்சியினைத் தொடங்கி அரசியல் செயல்பாடுகளிலும் தொடர்ந்து இயங்கி வருகிறார். அவருக்கு இன்று பிறந்தநாள். அவரது பிறந்தநாளையொட்டி திரைப் பிரபலங்கள், அரசியல் ஆளுமைகள் அவருக்கு பிறந்தநாள் வாழ்த்துகளைத் தெரிவித்து வருகிறார்கள். அந்த வகையில் நடிகராகவும், தயாரிப்பாளராகவும் இருந்து சட்டமன்ற உறுப்பினராகி அமைச்சராகியுள்ள உதயநிதி ஸ்டாலின் வாழ்த்து தெரிவித்துள்ளார்.

 

அவரது எக்ஸ் பக்கத்தில் “திரையுலகக் கனவுகளோடு வருபவர்களுக்கு மட்டுமல்ல, எல்லாத் தரப்பினரையும் ரசிக்க செய்யும் உலக நாயகன் கமல்ஹாசன் சார் அவர்களுக்கு என் இனிய பிறந்தநாள் வாழ்த்துகள். முத்தமிழ் அறிஞர் கலைஞர் அவர்களால், கலைஞானி என்று போற்றப்பட்ட கமல் சார், இந்திய திரையுலகின் முக்கிய அடையாளம் என்பது நமக்கெல்லாம் பெருமை. கலைத்துறையின் முன்னேற்றத்திற்காக மட்டுமின்றி, அரசியல் - சமூகநீதி தளங்களிலும் அவரது பங்களிப்பு போற்றுதலுக்குரியவை” என்று வாழ்த்தி பதிவிட்டுள்ளார்.

 

 


 

சார்ந்த செய்திகள்

Next Story

உதயநிதி காரில் பறக்கும் படை சோதனை!

Published on 12/04/2024 | Edited on 12/04/2024
Udhayanidhi car flying force test

நாடாளுமன்ற மக்களவைத் தேர்தல் ஏழு கட்டங்களாக நடைபெற உள்ளது. அதன்படி, முதற்கட்டமாக ஏப்ரல் 19 ஆம் தேதி தமிழகத்தில் வாக்குப்பதிவு நடைபெற இருக்கிறது. இதற்கான வாக்கு எண்ணிக்கை ஜூன் 4 ஆம் தேதி நடைபெறவுள்ளது. ஏற்கெனவே அரசியல் கட்சிகள் தேர்தல் பணிகளில் தீவிரம் காட்டி வரும் நிலையில், தேர்தல் தேதி அறிவிக்கப்பட்டதால் தேர்தல் களம் அனல் பறக்க ஆரம்பித்து விட்டது. அதே சமயம் தமிழக அரசியல் கட்சிகள் வேட்பாளர்களை அறிவித்து பிரச்சாரங்களை தொடங்கியுள்ளன.

அரசியல் கட்சிகள் சார்பில் தேர்தல் பரப்புரைகள் தீவிரமாக நடைபெற்று வரும் நிலையில் மறுபுறம் தேர்தல் பறக்கும் படையினர் தீவிர சோதனையில் ஈடுபட்டு வருகின்றனர். தொடர்ந்து எம்பிக்கள் மற்றும் அமைச்சர்கள், வேட்பாளர்களின்  வாகனங்களில் பறக்கும் படையினர் தீவிரமாக சோதனை நடத்தியிருந்தனர். இந்நிலையில் சங்கரன்கோவில் பகுதியில் பரப்புரையை முடித்துவிட்டு தென்காசி கரட்டுமலை சோதனைச் சாவடி பகுதியில் சென்று கொண்டிருந்த பொழுது, உதயநிதியின் காரில் தேர்தல் பறக்கும் படையினர் சோதனையில் ஈடுபட்டனர்.

Next Story

உதயநிதி களமிறக்கிய பிரகாஷ்; அரசியலில் கவனம் பெற்ற ஈரோடு தொகுதி!

Published on 08/04/2024 | Edited on 08/04/2024
Prakash  fielded  Erode constituency on recommendation of Udayanidhi

2024 நாடாளுமன்றத் தேர்தல் வருகிற ஏப்ரல் 19 ஆம் தேதி தமிழகத்தில் நடைபெறுகிறது. இந்த முறை திமுக சார்பில் அறிவிக்கப்பட்டுள்ள வேட்பாளர்களில் ஈரோடு மக்களவைத் தொகுதி அரசியல் வட்டாரத்தில் அனைவரது கவனத்தையும் பெற்றுள்ளது. அதற்கு முக்கிய காரணம் 'இந்தியா' கூட்டணியில் திமுக போட்டியிடும் இடங்களில்  இளைஞரணி கைவசம் சென்ற ஒரே ஒரு தொகுதி  ஈரோடு தான். சேலத்தில் நடந்து முடிந்த இளைஞரணி மாநாட்டில் பேசிய உதயநிதி, வரும் நாடாளுமன்றத் தேர்தலில் இளைஞர்களுக்கு வாய்ப்பளிக்க வேண்டும் என முதல்வரிடம் கோரிக்கை வைத்தார்.  அதன் எதிரொலியாகவே  ஈரோடு மக்களவைத் தொகுதி இளைஞரணிக்கு சென்றுள்ளதாக அரசியல் வட்டாரத்தில்  தகவல் சொல்லப்படுகிறது. 

இந்த முறை இளைஞரணித் துணைச் செயலாளர் பிரகாஷ்-க்கு திமுக தலைமை ஈரோடு மக்களவைத் தொகுதியில் வாய்ப்பு வழங்கியுள்ளது. கொங்குப் பகுதியில் கட்சியைப் பலப்படுத்த நினைத்த திமுக தலைமை இந்த முறை கோவை, ஈரோட்டிலும் கூட்டணிக் கட்சிகளிடமிருந்து கேட்டு வாங்கி தங்களது வேட்பாளர்களை களம் நிறுத்தியுள்ளது. அதுவும், பல சீனியர்கள் போட்டியிருந்தும் இளைஞரணித் துணைச் செயலாளர் பிரகாஷ்-க்கு ஈரோடு மக்களவைத் தொகுதி சென்றதுக்கு முக்கிய காரணமாக சொல்லப்படுவது உதயநிதியின் சிபாரிசு தான். பிரகாஷ் இளைஞரணி மாநாடு வெற்றிகரமாக அமைய முக்கியப் பங்காற்றியவர், தொகுதிக்குள் நன்கு பரிச்சியமானவர் என்பதும் கூடுதல் பலமாக அவருக்கு அமைந்தது என்கின்றனர் அவரது ஆதரவாளர்கள். முன்னதாக ஈரோடு மக்களவை சீட் ரேஸில் மாவட்ட அமைச்சர் முத்துசாமியின் ஆதரவாளர் மற்றும் மாநில இளைஞரணி துணைச் செயலாளர் பிரகாஷ் பெயர்கள் இறுதி பட்டியலில் இருந்த நிலையில் உதயநிதியின் தீவிர ஆதரவாளரே ரேசில் வெற்றி பெற்றுள்ளார்.

48 வயதான  பிரகாஷ் திமுக குடும்ப பின்னணியைச் சேர்ந்தவர். இவரது தந்தை கே.எஸ்.ஈஸ்வரமூர்த்தி 1977 ஆம் ஆண்டு முதல் தற்போது வரை திமுகவில் காணியம்பாளையம் கிளைச் செயலாளராக பதவி வகித்து வருகிறார். இதனால் சிறுவயதிலேயே பிரகாஷ் திராவிட கொள்கையில் ஈர்ப்புக் கொண்டவர். பிரகாஷ் ஈரோடு மாவட்டம்  மொடக்குறிச்சி அடுத்துள்ள காணியம்பாளையம் கிராமத்தைச் சேர்ந்தவர். இளங்கலை பொருளாதாரம் படித்த பட்டதாரியான பிரகாஷின் மனைவி கோகிலா, மொடக்குறிச்சி ஒன்றிய திமுக கவுன்சிலராக கடந்த 2011 ஆம் ஆண்டு பதவி வகித்துள்ளார். இதனிடையே, ஈரோடு மாவட்டத்தில் களப்பணியில் தீவிரமாக செயல்பட்ட பிரகாஷ்-க்கு கடந்த 2012 ஆண்டு திமுக தலைமை இளைஞரணி அமைப்பாளர் பதிவி வழங்கியது. அதனை சரியாக பயன்படுத்திக் கொண்ட பிரகாஷ் கட்சி பணிகள் மூலம் அமைச்சர் அன்பில் மகேஸ் பொய்யாமொழியுடன் நல்ல தொடர்பில் இருந்து வந்தார். 

இதையடுத்து,  உதயநிதி திமுக இளைஞரணிச் செயலாளராக பொறுப்பேற்ற பிறகு கொங்கு பகுதியில் இளைஞரணியை வலுப்படுத்த சரியான நபராக பிரகாஷ் இருப்பார் என அமைச்சர் அன்பில் உதயநிதிக்கு அறிமுகம் செய்து வைத்ததாக தகவல் சொல்லப்படுகிறது. அதன்பிறகு உதயநிதிக்கும் பிரகாஷின் செயல்பாடுகள் பிடித்துப் போகவே, கடந்த 2022 ஆம் ஆண்டு மாநில இளைஞரணி துணைச் செயலாளர் பொறுப்பு பிரகாஷுக்கு வழங்கப்பட்டது. அத்துடன், ஈரோடு, நீலகிரி, திருப்பூர், மாவட்டங்களில் இளைஞரணி கவனிக்கும் பொறுப்பும் கூடுதலாக கொடுக்கப்பட்டது. அதிலும், பிரகாஷின் செயல்பாடுகள் திருப்திகரமாக உதயநிதிக்கு தெரிந்தது. அதனைத் தொடர்ந்து, மேற்கு மாவட்ட சுற்றுப் பயணங்களில்  உதயநிதி உடன் காரில் ஒன்றாக பயணிக்கும் அளவிற்கு நெருக்கமாக வளர்ந்தார் பிரகாஷ். இதையடுத்தே சீனியர்கள் தடை இருந்தும் கட்சியை அடுத்த தலைமுறையிடம் கொண்டு செல்லும் விதமாக உதயநிதி பரிந்துரையில் பிரகாஷ்-க்கு வாய்ப்பு வழங்கப்பட்டதாக அரசியல் வட்டாரத்தில் தகவல் சொல்லப்படுகிறது. 

அதிகாரப்பூர்வ அறிவிப்பு திமுக தலைமையிடம் வந்த பிறகு அவரது ஆதரவாளர்கள் தீவிரமாக தேர்தல் பணிகளில் ஈடுபட்டு வருகின்றனர். இந்த முறை இளைஞரணியே ஈரோட்டில் முழு வீச்சில் பிரகாஷ்-க்கு ஆதரவாக பரப்புரையில் ஈடுபட்டு வருகின்றனர். தமிழக முதல்வர் ஸ்டாலின் தொடங்கி, அமைச்சர் உதயநிதி, கனிமொழி, அன்பில் மகேஸ், மக்கள் நீதி மய்யம் கட்சித்தலைவர் கமல்ஹாசன் வரை பிரகாஷூக்கு அதரவாக ஈரோட்டில் தீவிர பிரச்சாரத்தில் ஈடுபட்டு வருகின்றனர். தமிழகத்தில் திமுக இளைஞரணி சார்பில் சீனியர்களுக்கு மத்தியில் முதல் ஆளாக களம் இறங்கியுள்ள ஈரோடு வேட்பாளர் பிரகாஷ் வெற்றி பெற திமுக இளைஞரணியே களத்தில் இறங்கி தீவிர பிரச்சாரத்தில் ஈடுபட்டு வருவது குறிப்பிடத்தக்கது.