Skip to main content

முன்னணி நடிகரின் படத்திலிருந்து வெளியேறிய மஞ்சு வாரியர்

Published on 25/07/2022 | Edited on 25/07/2022

 

Manju Warrier left from prithiviraj film kaapa

 

மலையாள சினிமாவில் முன்னணி நடிகையாக இருக்கும் மஞ்சு வாரியர் தமிழில்  'அசுரன்' படத்தின் மூலம் தமிழ் ரசிகர்களிடையே பிரபலமானார். இதனை தொடர்ந்து எச். வினோத் இயக்கத்தில் அஜித் நடிக்கும் 'ஏகே 61' படத்தில் கதாநாயகியாக நடித்து வருகிறார். இப்படத்தின் படப்பிடிப்பு முழுவீச்சில் நடைபெற்று வருகிறது. இதனிடையே மலையாளத்தில் பிரித்திவிராஜ் நடிப்பில் உருவாகும் 'காப்பா' படத்தில் நடிக்க ஒப்பந்தமானார். இப்படத்தை முதலில் வேணு இயக்குவதாக அறிவிக்கப்பட்டு பின்பு சில காரணங்களால் அவர் வெளியேறி தற்போது ஷாஜி கைலாஷ் இயக்கி வருகிறார். 

 

ad

 

இந்நிலையில் 'காப்பா' படத்திலிருந்து மஞ்சு வாரியர் விலகியுள்ளதாக தகவல் வெளியாகியுள்ளது. ஏற்கனவே இப்படத்தின் இயக்குநர் மாறியுள்ளதால் படப்பிடிப்பு தேதியில் குழப்பம் ஏற்பட்டு தற்போது மஞ்சு வாரியருக்கு கால்ஷீட்டில் பிரச்சனை ஏற்பட்டுள்ளதாக கூறப்படுகிறது. விரைவில் மஞ்சு வாரியர் இதனை அதிகாரபூர்வமாக சொல்வார் என எதிர்பார்க்கப்படுகிறது.    

 

 

சார்ந்த செய்திகள்

Next Story

மோகன்லால் - பிரித்விராஜ் கூட்டணியின் லூசிஃபர் 2; புது அப்டேட் வெளியீடு

Published on 30/09/2023 | Edited on 30/09/2023

 

lucifer 2 shooting starts update

 

மலையாளத்தில் நடிகர் ப்ரித்விராஜ் இயக்கத்தில் மோகன்லால் நடிப்பில் கடந்த 2019 ஆம் ஆண்டு வெளியான படம் 'லூசிஃபர்'. ரசிகர்களிடம் பெரும் வரவேற்பைப் பெற்ற இப்படம் சிரஞ்சீவி நடிப்பில் 'காட்ஃபாதர்' என்ற தலைப்பில் கடந்த ஆண்டு ரீமேக் செய்து வெளியிடப்பட்டது. 

 

இந்த நிலையில் இப்படத்தின் இரண்டாம் பாகம் உருவாகவுள்ளதாகக் கடந்த ஆகஸ்டில் அறிவிப்பு வெளியானது. ஆண்டனி பெரும்பாவூர் இப்படத்தை தயாரிக்க முரளி கோபி கதை எழுதுகிறார். 'எம்புரான்' எனத் தலைப்பு வைக்கப்பட்டுள்ள இப்படத்தை ப்ரித்விராஜ் இயக்குகிறார். மேலும் முக்கிய கதாபாத்திரத்திலும் நடிக்கவுள்ளார். 

 

இந்த நிலையில் இந்த படத்தின் படப்பிடிப்பு அக்டோபர் 5 ஆம் தேதி தொடங்கவுள்ளதாகப் படக்குழு தற்போது தெரிவித்துள்ளது. மேலும் தயாரிப்பாளர் ஆண்டனி பெரும்பாவூருடன் லைகா நிறுவனமும் இணைந்து தயாரிக்கவுள்ளதாக அறிவிக்கப்பட்டுள்ளது. இதன் மூலம் முதல் முறையாக மலையாளத் திரையுலகில் காலடி வைக்கிறார் தயாரிப்பார் சுபாஸ்கரன். இப்படம் தமிழ், மலையாளம், தெலுங்கு உள்ளிட்ட 5 மொழிகளில் பான் இந்தியா படமாக வெளியாகவுள்ளது. 

 

 


 

Next Story

வெற்றிமாறனுடன் மீண்டும் இணைந்த மஞ்சு வாரியர்

Published on 22/09/2023 | Edited on 22/09/2023

 

manju warrier and attakathi dinesh joins viduthalai 2

 

வெற்றிமாறன் இயக்கத்தில் சூரி, விஜய் சேதுபதி உள்ளிட்ட பலர் நடிப்பில் கடந்த மார்ச் 31 ஆம் தேதி வெளியாகி பெரும் வரவேற்பைப் பெற்ற படம் 'விடுதலை பாகம் 1'. எல்ரெட் குமார் தயாரித்திருந்த இப்படத்திற்கு இளையராஜா இசையமைத்திருந்தார். காவல்துறைக்கும் போராட்டக் குழுவுக்கும் இடையே நடக்கும் பிரச்சனைகளை அழுத்தமாகப் பேசியிருந்த இப்படம் தமிழைத் தாண்டி தெலுங்கிலும் வெளியானது. படத்தைப் பார்த்த திருமாவளவன் எம்.பி, சீமான் உள்ளிட்ட அரசியல் தலைவர்கள் படக்குழுவினரைப் பாராட்டியிருந்தனர். மேலும் ரஜினிகாந்த் உள்ளிட்ட பல திரைப் பிரபலங்களும் பாராட்டினர். 

 

இப்படத்தின் இரண்டாம் பாகம் வெளியாகும் எனப் படக்குழு அறிவித்த நிலையில், படத்திற்கு எதிர்பார்ப்பைக் கூட்டும் வகையில் முதல் பாகத்தின் இறுதியில் இரண்டாம் பாகத்தில் நடக்கும் சில காட்சிகளை வைத்திருந்தார் வெற்றிமாறன். இதையடுத்து கடந்த ஜூலை மாதம் இரண்டாம் பாகத்திற்கான படப்பிடிப்பு தொடங்கிவிட்டதாக சூரி தெரிவித்தார். பின்பு இப்படத்தில் விஜய் சேதுபதிக்கு ஜோடியாக மஞ்சு வாரியர் நடிக்கவுள்ளதாகத் தகவல் வெளியானது. அண்மையில் விடுதலை இரண்டாம் பாகம் கிட்டத்தட்ட முடிந்துவிட்டதாகவும் அடுத்த ஆண்டு தொடக்கத்தில் வெளியாகும் எனவும் வெற்றிமாறன் செய்தியாளர்கள் முன்பு தெரிவித்திருந்தார். 

 

இந்த நிலையில் தற்போது வெற்றிமாறனுடன் நடிகை மஞ்சு வாரியர் இருக்கும் புகைப்படம் சமூக வலைத்தளங்களில் வெளியாகி வைரலாகி வருகிறது. அந்த புகைப்படத்தில் அட்டகத்தி தினேஷும் இடம்பெற்றிருக்கிறார். இதனால் விடுதலை 2வில் மஞ்சு வாரியர் நடிப்பது உறுதியாகிவிட்ட நிலையில் தினேஷும் முக்கிய கதாபாத்திரம் ஒன்றில் நடிப்பதாகக் கூறப்படுகிறது.