புகழ்பெற்ற மாஸ்கோ திரைப்பட விழாவில் ‘மாமனிதன்’

சீனு ராமசாமி, விஜய் சேதுபதி கூட்டணியில் மூன்றாவதாக வெளியான படம் 'மாமனிதன்'. இப்படத்திற்கு குடும்ப ரசிகர்கள் மத்தியில் நல்ல வரவேற்பு கிடைத்தது. ரஜினிகாந்த், ஷங்கர், பாரதிராஜா உள்ளிட்ட திரைப் பிரபலங்கள் மற்றும் அரசியல் தலைவர்கள் பலரும் மாமனிதன் படத்தைப் பாராட்டியிருந்தனர். மேலும் சர்வதேசத் திரைப்பட விழாக்களில் இந்தப் படம் பல விருதுகளைப் பெற்றது.

அந்த வகையில், புகழ்பெற்ற ரஷ்யாவின் மாஸ்கோ திரைப்பட விழாவில் மாமனிதன் படம் திரையிடத் தேர்வாகியுள்ளது. ஏப்ரல் 20 ஆம் தேதி முதல் 27 ஆம் தேதி வரை நடைபெறவுள்ள இந்த திரைப்பட விழாவில் இயக்குநர் சீனு ராமசாமி பங்கேற்பார் எனத் தெரிகிறது.