கடந்த 2012ஆம் ஆண்டு வெளியாகி வெற்றிபெற்ற 'கழுகு' படத்தின் இரண்டாம் பாகம் தற்போது ஜி.கே.ஸ்டூடியோஸ் சார்பில் தயாராகிறது. முதல் பாகத்தில் நடித்த கிருஷ்ணா, பிந்து மாதவி ஆகியோர் இதிலும் நாயகன், நாயகியாக நடிக்கின்றனர். காளி வெங்கட் முக்கிய கதாபாத்திரத்தில் நடிக்கும் இப்படத்தை முதல் பாகத்தை இயக்கிய சத்யசிவாவே இயக்குகிறார். யுவன் ஷங்கர் ராஜா இப்படத்திற்கு இசையமைக்க, கோபி கிருஷ்ணா ஒளிப்பதிவு செய்கிறார். பெரும்பாலும் முதல் பாகத்தில் பணியாற்றிய கலைஞர்கள் பலரும் இந்த பாகத்திலும் இணைகின்றனர். இந்நிலையில் கழுகு-2 படத்தின் படப்பிடிப்பு பூஜையுடன் இன்று மூணாரில் துவங்கி அங்கேயே தொடர்ந்து நடைபெறுகிறது. மேலும் இப்படப்பிடிப்பில் நடிகர்கள் கிருஷ்ணா, பிந்துமாதவி, காளி வெங்கட் ஆகியோர் கலந்துகொண்டனர்.