சினிமாவில் இயக்குனராக அறிமுகமாகி பின்பு நடிகராக மாறிய மணிவண்ணன், மனோபாலா, சிங்கம்புலி வரிசையில் இப்போது  இயக்குனர் மற்றும் நடிகர் குட்டிப்புலி புகழ் சரவண சக்தியும் இணைந்துள்ளார்.

தண்டாயுதபாணி படத்தின் மூலம் இயக்குனராக அடியெடுத்த இவர் பின்பு ரித்தீஷ் உடன் இணைந்து இவர் இயக்கிய நாயகன் படம் ரசிகர்களிடையே போதிய வரவேற்பை பெற்று வசூல் செய்தது. இதையடுத்து அவர் சசிகுமாரின் நடிப்பில் வெளிவந்த குட்டிபுலி படம் மூலம் நடிகராக அறிமுகமாகி பின்னர் மருது, சண்டக்கோழி 2, கொடிவீரன், தர்மதுரை போன்ற படங்களில் நடித்து பிரபலமானார். இவர் தற்போது மாமனிதன், ரண சிங்கம், அடுத்த சாட்டை, வால்ட்டர் என 25 படங்களுக்கும் மேல் நடித்து வருகிறார். இதற்கிடையே இவர் சமீபத்தில் ஆர்.கே சுரேஷ் நடிப்பில் அஜித் ரசிகரை மையப்படுத்தி உருவான பில்லா பாண்டி படம் மூலம் மீண்டும் இயக்குனர் அவதாரம் எடுத்தார். இந்நிலையில் இவர் நடிப்பதற்கிடையில் விரைவில் தனது அடுத்த படத்தை இயக்கும் வேலையில் மும்பரமாக ஈடுபட்டுள்ளார். இதற்காக ஒரு முன்னணி கதாநாயகருடன் பேச்சுவார்த்தை நடைபெற்று வருகிறது. விரைவில் இதற்கான அதிகாரப்பூர்வ அறிவிப்பு வெளியாகவுள்ளது. 

நடிகை வரலட்சுமி நாயகியாக இல்லை என்றாலும் தற்போதுள்ள முன்னணி நடிகர்களின் படங்களில் முக்கிய கதாபாத்திரத்தில் நடித்து பிசி நாயகியாக வலம் வந்துகொண்டிருக்கிறார். அந்தவகையில் இவர் நடிப்பில் அடுத்ததாக சண்டக்கோழி 2, சர்கார் ஆகிய படங்கள் வெளியாகவுள்ள நிலையில் 'சண்டக்கோழி 2' படத்தில் தான் ஏற்ற வில்லி வேடம் குறித்து அவர் பேசியபோது... "சண்டக்கோழி 2 படத்தில் நடிகர் ராஜ்கிரணோடு நடித்தபோது அவர் என்னிடம், உன்னை பார்த்தால் வில்லி மாதிரியே தோன்றவில்லை. கல்லூரி மாணவி போல்  இருக்கிறாய் என்றார். இதை கேட்டதும் எனக்கு மிகுந்த அதிர்ச்சி ஆனது. இதனால் உடனே எனது எடையை கூட்டி பார்க்க பயங்கரமான தோற்றத்துக்கு மாறினேன்" என்றார்.