ரிலீஸுக்கு முன்பே விஜய் படத்தின் ஹிந்தி உரிமையை வாங்கிய பிரபல தயாரிப்பாளர்...

அர்ஜுன் ரெட்டி படத்தின் மூலம் தென்னிந்தியா முழுவதும் பிரபலமடைந்தவர் விஜய் தேவரகொண்டா. குறிப்பாக அவருடைய படங்களுக்கு தமிழ் மக்களிடமும் நல்ல வரவேற்பு இருக்கிறது. தற்போத் அவரது நடிப்பில் உருவாகி வரும் படம் டியர் காம்ரேட். இந்த படம் நான்கு தென்னிந்திய மொழிகளில் வெளியாகிறது.

பாரத் கம்மா இயக்கத்தில், விஜய் தேவரகொண்டாவுக்கு ஜோடியாக ராஷ்மிகா மந்தானா நடிக்கிறார். ஜஸ்டின் பிரபாகரன் இப்படத்திற்கு இசையமைகிறார். வருகிற 26ஆம் தேதி இப்படம் நான்கு மொழியில் உலகமெங்கும் வெளியாக இருக்கிறது.

தற்போது இந்த படத்திற்கான புரோமோஷன் நடைபெற்று வருகிறது. பெங்களூர், கொச்சின், சென்னை, ஹைதிராபாத் உள்ளிட்ட நகரங்களில் இப்படத்தின் இசை விழா நடைபெற்றது. இந்நிலையில் இப்படம் இன்னும் வெளியாகவில்லை ஆனால், இந்த படத்தின் ஹிந்தி ரீமேக் உரிமையை கரண் ஜோகர் வாங்கிவிட்டார். இதை அவரே தன்னுடைய ட்விட்டர் பக்கத்தில் தெரிவித்துள்ளார். மேலும் ஹிந்தி ரீமேக்கில் யார் நடிக்கப்போகிறார்கள் என்பது கூடிய விரைவில் வெளியாகும் என்று எதிர்பார்க்கப்படுகிறது.