''அவனுக்காக என் உள்ளங்கையில் முத்தம் கொடுத்தேன்'' - கங்கனா ரணாவத்

ஹிந்தியில் முன்னணி நடிகையாக இருக்கும் நடிகை கங்கனா ரணாவத் தற்போது ஏ.எல்.விஜய் இயக்கத்தில் ஜெயலலிதா வாழ்க்கை வரலாற்று படமான தலைவி படத்தில் நடித்து வரும் நிலையில் இவர் சமீபத்தில் அளித்த பேட்டி ஒன்றில் தன் காதல் அனுபவம் குறித்து பேசியபோது....

''என் 17 வயதில் எனது தோழி ஒரு பையனை விரும்பினாள். எனக்கு அந்த பையனுடைய நண்பனுடன் பழக்கம் ஏற்பட்டது. அப்போது அந்த நண்பனை நான் காதலிப்பதாக சொன்னேன். அவனோ என்னை பார்த்து நீ ரொம்ப சின்ன பொண்ணு என்று கூறினான். எனக்கு இதயமே நொறுங்கிவிட்டது. இருந்தும் எனக்கு ஒரு வாய்ப்பு கொடு நான் வளர்ந்த பிறகு வருகிறேன் என்றேன்.

அடிக்கடி செல்போனில் தகவலும் அனுப்பினேன். அதன்பிறகு நாங்கள் இருவரும் சில நாட்கள் சுற்றி திரிந்து விட்டு பிரிந்து விட்டோம். எனக்கு முத்தம் கொடுப்பது எப்படி என்பது கூட அப்போது சரியாக தெரியவில்லை. அவனுக்கு முத்தம் கொடுக்க நினைத்து எனது உள்ளங்கையில் முத்தம் கொடுத்து பயிற்சி எடுத்தேன். அப்போது வயது குறைவு என்பதால் காதலில் சரியான புரிதல் இல்லாமல் இருந்தது'' என்றார்.