"எங்களுக்கெல்லாம் சமகாலத்து சாக்லேட் கிருஷ்ணன்" - கமல்ஹாசன்

பிரபல நகைச்சுவை நடிகரும், கதை, திரைக்கதை ஆசிரியரும், வசனகர்த்தாவும், நாடகக்கலைஞருமான மறைந்த கிரேசி மோகனின் பிறந்தநாள் இன்று (16.10.2023). தமிழ் சினிமாவில் இவரது நகைச்சுவை வசனங்கள் இன்றளவும் கொண்டாடப்பட்டு வரும் நிலையில் இவரது பிறந்தநாளையொட்டி திரை பிரபலங்களும், ரசிகர்களும் அவர் சம்மந்தமான பதிவுகளை சமூக வலைத்தளங்களில் பகிர்ந்து வருகின்றனர்.

அந்த வகையில் கிரேசி மோகனின் நெருங்கிய நண்பரான கமல்ஹாசன், "என் அன்புக்குரிய நண்பர் கிரேசி மோகனின் பிறந்த நாள் இன்று. நகைச்சுவை உணர்வைத் தோலாகத் தகவமைத்துக் கொண்டிருந்த மனிதர். அந்தத் தோலுக்குள்ளே, ஆழ்ந்த மரபிலக்கியப் பயிற்சி, தொன்மம் தொடர்பான அகன்ற வாசிப்பு, தீவிர உணர்வுகளின் கனம் உணரும் திறன் அத்தனையும் கொண்டிருந்தவர். அதனாலேயே எங்களுக்கெல்லாம் சமகாலத்து சாக்லேட் கிருஷ்ணனாக இருந்தவர்" என அவரது எக்ஸ் பக்கத்தில் குறிப்பிட்டுள்ளார்.

கமல்ஹாசன் - கிரேசி மோகன் கூட்டணி, அபூர்வ சகோதரர்கள், மைக்கேல் மதன காம ராஜன், சதிலீலாவதி, அவ்வை சண்முகி, காதலா காதலா, தெனாலி, பஞ்சதந்திரம், வசூல் ராஜா எம்.பி.பி.எஸ், பம்பல் கே சம்பந்தம், மன்மதன் அம்பு உள்ளிட்ட படங்களை கொடுத்துள்ளது.

என் அன்புக்குரிய நண்பர் கிரேசி மோகனின் பிறந்த நாள் இன்று. நகைச்சுவை உணர்வைத் தோலாகத் தகவமைத்துக் கொண்டிருந்த மனிதர். அந்தத் தோலுக்குள்ளே, ஆழ்ந்த மரபிலக்கியப் பயிற்சி, தொன்மம் தொடர்பான அகன்ற வாசிப்பு, தீவிர உணர்வுகளின் கனம் உணரும் திறன் அத்தனையும் கொண்டிருந்தவர். அதனாலேயே… pic.twitter.com/NShQEw5LNy

— Kamal Haasan (@ikamalhaasan) October 16, 2023