Skip to main content

"காந்தியாக முயல்பவர்களில் நானும் ஒருவன்" - கமல்ஹாசன் 

Published on 30/01/2023 | Edited on 30/01/2023

 

kamalhaasan tweet about gandhi on martyrs day

 

மகாத்மா காந்தியின் 75வது நினைவு நாளான இன்று பலரும் அவருக்கு அஞ்சலி செலுத்தி வருகின்றனர். அந்த வகையில் பிரதமர் மோடி ட்விட்டரில் இரங்கல் பதிவைப் பகிர்ந்துள்ளார். அதில், "மகாத்மா காந்தியின் நினைவு நாளில், அவரை வணங்கி அவருடைய ஆழ்ந்த எண்ணங்களை நினைவு கூர்கிறேன். நமது தேசத்தின் சேவையில் தியாகம் செய்த அனைவருக்கும் நான் அஞ்சலி செலுத்துகிறேன். அவர்களின் தியாகங்கள் ஒருபோதும் மறக்க முடியாது, மேலும் வளர்ச்சியடைந்த இந்தியாவுக்காக உழைக்க வேண்டும் என்ற நமது உறுதியை வலுப்படுத்துவோம்" எனக் குறிப்பிட்டுள்ளார்.

 

மக்கள் நீதி மய்யத்தின் தலைவரும் நடிகருமான கமல்ஹாசன், "காந்தியை நினைக்காமல், அவரது பெயரை உச்சரிக்காமல் ஒருநாளும் என் வாழ்வில் கடந்ததில்லை. முயற்சித்தால் எவரும் காந்தியாக முடியும் என்பதன் சாட்சியாக எத்தனையோ காந்தியர்கள் இன்றைக்கும் இருக்கிறார்கள். காந்தியாக முயல்பவர்களில் நானும் ஒருவன். நினைவு நாளில் வணங்குகிறேன்" எனக் குறிப்பிட்டுள்ளார். 

 

சமீபத்தில் காங்கிரஸ் கட்சித் தலைவர் ராகுல் காந்தியுடன் உரையாடல் மேற்கொண்ட கமல்ஹாசன், "இளவயதில் என் சூழல் காரணமாக காந்தியை மிகவும் விமர்சித்திருக்கிறேன். பின்பு எனது 24, 25 வயதில் காந்தியைப் பற்றிப் படிக்க ஆரம்பித்தேன். அவரது மிகப்பெரிய ரசிகனாகவே மாறிவிட்டேன். காந்தியிடம் மன்னிப்பு கேட்கும் விதமாகத்தான் ஹே ராம் படத்தை உருவாக்கினேன்" என கூறியிருந்தார் என்பது நினைவுகூரத்தக்கது. 

 

 

 

சார்ந்த செய்திகள்

Next Story

சிக்கலில் இந்தியன் 2 - கொதித்தெழுந்த இ-சேவை மைய சங்கம்

Published on 18/07/2024 | Edited on 18/07/2024
shankar kamalhassan indian 2 E Service Center Owners issue

கமல் - ஷங்கர் கூட்டணியில் நீண்ட காலமாக உருவாகி வந்த இந்தியன் 2, கடந்த 12ஆம் தேதி பெரும் எதிர்பார்ப்புக்கு மத்தியில் வெளியானது. லைகா தயாரித்துள்ள இப்படத்தில் சித்தார்த், விவேக், பிரியா பவானி ஷங்கர், ரகுல் பிரீத் சிங் உள்ளிட்ட முன்னணி நடிகர்கள் நடித்திருந்தனர். தமிழ், தெலுங்கு, இந்தி உள்ளிட்ட மொழியில் உலகம் முழுவதும் வெளியான இப்படம் கலவையான விமர்சனங்களே பெற்று வந்தது. இருப்பினும் வசூல் ரீதியாக நல்ல வரவேற்பை பெற்று வருவதாக கூறப்படுகிறது. இதையடுத்து 12 நிமிடக் காட்சிகளை தற்போது நீக்கியுள்ளதாக படக்குழு அறிவித்திருந்தது. இந்தியன் 2 படத்தை தொடர்ந்து இந்தியன் 3 படமும் உருவாக்கப்பட்டு வருவது குறிப்பிடத்தக்கது.

இந்த நிலையில் இப்படத்தில் சில காட்சிகளை நீக்கச் சொல்லி திண்டுக்கல் மாவட்ட இ-சேவை மைய உரிமையாளர்கள் நலச்சங்கம் சார்பில் கோரிக்கை வைத்துள்ளனர். திண்டுக்கல்லில், அம்மாவட்ட இ-சேவை மைய உரிமையாளர்கள் நலச்சங்கம் சார்பில் ஆலோசனைக் கூட்டம், நடைபெற்றது. அதில், சங்கத்தின் மாவட்ட தலைவர் தனராஜ், “இந்தியன் 2 திரைப்படத்தில் மனோ பாலா வரும் காட்சியில் இ-சேவை மையத்தினர் 300 ரூபாய் கொடுத்தால் மட்டுமே சேவை செய்ய முடியும் எனத் தவறுதலாக சித்தரித்து எடுக்கப்பட்ட காட்சிகளை நீக்க வேண்டும். இந்த காட்சிகளினால் இ-சேவை மைய உரிமையாளர்களின் வாழ்வாதாரம் பாதிக்கப்படுகிறது. அதுமட்டுமல்லாமல் அவர்களின் வாழ்வாதாரம் கேள்விக்குறியாகியுள்ளது. இதனால் குறிப்பிட்ட அந்த காட்சியை நீக்க, தமிழ்நாடு மின் ஆளுமை முகமை, தகவல் தொழில் நுட்பத்துறை அமைச்சர் பழனிவேல் தியாகராஜன் மற்றும் திரைப்பட இயக்குநர் சங்கர் உள்ளிட்ட படக்குழுவினருக்கும் கோரிக்கை வைக்கிறோம். 

shankar kamalhassan indian 2 E Service Center Owners issue

இது தொடர்பாக அமைச்சர் பிடிஆர் பழனிவேல் ராஜன் நடவடிக்கை எடுக்காமல் இருந்தால், மாவட்ட ஆட்சியரிடம் இ-சேவை உரிமையாளர் நல சங்கம் சார்பாக இயக்குநர் ஷங்கர் மீது புகார் மனு அளிக்கப்பட்டு கண்டன ஆர்ப்பாட்டம் நடத்தப்படும். அதோடு நீதிமன்றத்திலும் வழக்கு தொடரப்படும்” என்றார்.

Next Story

தீபாவளியைக் குறிவைத்த சிவகார்த்திகேயன்

Published on 17/07/2024 | Edited on 17/07/2024
sivakarthikeyan amaran movie release update

கமல்ஹாசன் தயாரிப்பில் சிவகர்த்திகேயன் நடித்துள்ள படம் அமரன். ராஜ்குமார் பெரியசாமி இயக்கும் இப்படம் உண்மை சம்பவத்தை மையமாகக் கொண்டு உருவாகிறது. கடந்த 2014 ஆம் ஆண்டு காஷ்மீர் மாநிலத்தில் உள்ள சோபியான் பகுதியில் இந்திய ராணுவ வீரர்களுக்கும் பயங்கரவாதிகளுக்கும் துப்பாக்கிச் சண்டை நடைபெற்றது. அதில் தமிழகத்தைச் சேர்ந்த மேஜர் முகுந்த் வரதராஜன் பயங்கரவாதிகளால் சுட்டுக் கொல்லப்பட்டார். 

இந்தச் சம்பவத்தை அடிப்படையாகக் கொண்டு உருவாகும் இப்படத்தில் முகுந்த் வரதராஜன் கதாபாத்திரத்தில் சிவகார்த்திகேயன் நடித்துள்ளார். சாய் பல்லவி கதாநாயகியாக நடித்துள்ள இப்படத்திற்கு ஜி.வி.பிரகாஷ் இசையமைக்கிறார். இப்படத்தின் டீசர் கடந்த பிப்ரவரி மாதம் வெளியானது. இதில் இஸ்லாமியர்களைத் தீவிரவாதியாக சித்தரித்துள்ளதாக கூறி எதிர்ப்பும் கிளம்பியது. 

இந்த நிலையில் இப்படத்தின் ரிலீஸ் தேதி குறித்த அறிவிப்பு தற்போது வெளியாகியுள்ளது. அதன்படி இந்தாண்டு தீபாவளியான அக்டோபர் 31ஆம் தேதி வெளியாகும் எனத் தெரிவிக்கப்பட்டுள்ளது. பண்டிகை தினம் என்பதால் வரவேற்பு அதிகமாக இருக்கும் எனக் கூறப்படுகிறது.