கமல்ஹாசனுக்கு அமீரகம் அளித்த கௌரவம்

ஐக்கிய அரபு அமீரகத்தில் முதலீட்டாளர்கள், தொழில் முனைவோர், ஆராய்ச்சி மற்றும் அறிவியலில் சிறந்து விளங்கும் மாணவர்கள், விளையாட்டுத் துறையில் சாதித்தவர்களுக்கு அந்நாட்டு அரசாங்கம் 10 ஆண்டுகள் செல்லுபடியாகக் கூடிய கோல்டன் விசாவை வழங்கி வருகிறது. அதன்படி இந்தியாவில், ஷாருக்கான், அமிதாப்பச்சன், மோகன்லால், மம்மூட்டி, துல்கர் சல்மான், பார்த்திபன், நாசர், விஜய் சேதுபதி உள்ளிட்ட பலருக்கு கோல்டன் விசா வழங்கப்பட்டுள்ளது.

இந்நிலையில் ஐக்கிய அரபு அமீரகம் நடிகர் கமல்ஹாசனுக்கு கோல்டன் விசா வழங்கி கௌரவித்துள்ளது. இதனிடையே துபாய் வந்துள்ள ஒடிசா முதல்வர் நவீன் பட்நாயக்கை நேரில் சந்தித்து பேசியுள்ளார். இது தொடர்பான புகைப்படம் நேற்று சமூக வலைத்தளங்களில் வெளியாகி வைரலானது குறிப்பிடத்தக்கது.