‘தக் லைஃப்’ - களத்தில் இறங்கிய கமல்

கமல்ஹாசன் தற்போது ஷங்கர் இயக்கும் 'இந்தியன் 2' மற்றும் இந்தியன் 3 படத்தை கைவசம் வைத்துள்ளார். முழு படப்பிடிப்பும் முடிந்துள்ளதாகக்கூறப்படுகிறது. இப்படத்தை முடித்துவிட்டு அ. வினோத் இயக்கத்தில் ஒரு படம் நடிக்க கமிட்டானார். ஆனால் அது தற்காலிகமாக கைவிடப்பட்டுள்ளதாகச் சொல்லப்படுகிறது.

இந்த சூழலில் மணிரத்னத்துடன் அவர் கைகோர்த்துள்ள ‘தக் லைஃப்’ பட பூஜை கடந்த அக்டோபர் மாதம் போடப்பட்டது. ராஜ் கமல்மற்றும் மெட்ராஸ் டாக்கீஸ்நிறுவனங்கள் இணைந்து தயாரிக்கும் இப்படத்தை கமல்ஹாசனும், ரெட் ஜெயண்ட் நிறுவனம் இணைந்து வழங்க ஏ.ஆர். ரஹ்மான் இசையமைக்கிறார். இப்படத்தின் டைட்டில் அறிவிப்பு வீடியோ, கமல் பிறந்தநாளை முன்னிட்டு வெளியான நிலையில், ரசிகர்கள் மத்தியில் பெரும் எதிர்பார்ப்பை உருவாக்கியது.

இப்படத்தில் ஜெயம் ரவி, துல்கர் சல்மான், த்ரிஷா, கௌதம் கார்த்திக், மலையாள நடிகர் ஜோஜு ஜார்ஜ், ஐஸ்வர்யா லக்‌ஷ்மி, விருமாண்டி புகழ் அபிராமி, நாசர் உள்ளிட்டோர் நடிக்கின்றனர். இந்த நிலையில் இப்படத்தின் படப்பிடிப்பு தற்போது தொடங்கியுள்ளதாகப் படக்குழு தெரிவித்துள்ளது. சென்னையில் தொடங்கியுள்ளதாகக் கூறப்படுகிறது.

An epic tale of power, rebellion, and triumph.#ThugLife shooting starts today!#ThugLifeShootBegins@ikamalhaasan#ManiRatnam@arrahman#Mahendran@bagapath@actor_jayamravi@trishtrashers@dulQuer@abhiramiact#Nasser@C_I_N_E_M_A_A@Gautham_Karthik@AishuL_@MShenbagamoort3… pic.twitter.com/now70tsiFa

— Madras Talkies (@MadrasTalkies_) January 24, 2024