Skip to main content

தொடர்ச்சியாக அதிகரிக்கும் தியேட்டர்கள்...! தீபாவளி ரேஸில் வசூல் குவிக்கும் கைதி!

Published on 12/11/2019 | Edited on 12/11/2019

கடந்த தீபாவளியன்று பிகில் படத்துடன் வெளியான கார்த்தியின் 'கைதி' படம் ரசிகர்கள் மத்தியில் பலத்த வரவேற்பு வெற்றி பெற்றுள்ளது. நரேன், தினா, ஜார்ஜ் மரியான், அர்ஜுன் தாஸ் உள்ளிட்ட பலர் முக்கிய கதாபாத்திரத்தில் நடித்துள்ள இப்படத்தை மாநகரம் புகழ் லோகேஷ் கனகராஜ் இயக்கியுள்ளார்.

 

kaithi

 

 

தெலுங்கு மற்றும் மலையாளத்திலும் டப்பிங் செய்து வெளியான இப்படத்தின் இதர மொழிகளின் ரீமேக் உரிமைக்கு கடும் போட்டி நிலவி வரும் நிலையில் 'கைதி' படத்தின் மொத்த வசூல் சுமார் 110 கோடி ரூபாயை தாண்டிவிட்டதாக தகவல் வெளியாகியுள்ளது. மேலும் பிகிலை காட்டிலும் குறைவாக 250 திரையரங்குகளில் மட்டும் வெளியான இப்படம் விமர்சன ரீதியாக நல்ல வரவேற்பு கிடைத்ததால், தொடர்ச்சியாக திரையரங்குகள் அதிகரிக்கப்பட்டு தற்போது 3 வாரங்களில் இந்தப் படம் 350 திரையரங்குகளில் திரையிடப்பட்டு வெற்றிகரமாக ஓடிக்கொண்டிருக்கிறது. மேலும் கைதி படம் இந்த ஆண்டின் நல்ல லாபம் கொடுத்த படங்கள் வரிசையில் இணைந்துள்ளது.
 

சார்ந்த செய்திகள்

Next Story

கைதியைக் கொன்ற அஜய் தேவ்கன் - வருத்தத்தில் ரசிகர்கள்

Published on 23/11/2022 | Edited on 23/11/2022

 

ajay devgan bhola teaser trolled by kaithi movie fans

 

லோகேஷ் கனகராஜ் இயக்கத்தில், கார்த்தி நடிப்பில் கடந்த 2019 ஆம் ஆண்டு வெளியாகி வசூல் ரீதியாகவும் விமர்சன ரீதியாகவும் வெற்றி பெற்ற படம் 'கைதி'. ஒரு நாள் இரவில் நடக்கும் சம்பவங்களை, சஸ்பென்ஸ் கலந்து த்ரில்லிங்குடன் சொல்லியிருக்கும் இப்படம் ரசிகர்கள் மத்தியில் பெரும் வரவேற்பைப் பெற்றது. மேலும், தமிழில் கிடைத்த வரவேற்பைத் தொடர்ந்து ஜப்பான் நாட்டிலும் மொழிமாற்றம் செய்யப்பட்டு ரிலீசானது.

 

இப்படத்தின் இந்தி ரீமேக் உரிமத்தை நடிகர் அஜய் தேவ்கன் வாங்கியிருந்தார். 'போலா' என்ற தலைப்பில் இப்படத்தில் நடித்து அதனை இயக்கியும் உள்ளார். பொதுவாக, இந்தி ரீமேக்கில் அவர்களுக்கு ஏற்றாற்போல் கதையில் மாற்றம் செய்து உருவாக்குவார்கள். அந்த மாற்றம் பல படங்களுக்கு ஒர்க்அவுட் ஆவதில்லை என்பது தான் பலரின் வருத்தம். இதற்கு உதாரணமாக 'போக்கிரி', 'காஞ்சனா', 'ராட்சசன்' என சொல்லிக்கொண்டே போகலாம். அந்த வரிசையில் இப்போது புதிதாக இணைந்துள்ளது கைதி படத்தின் இந்தி ரீமேக்கான 'போலா'. 

 

'போலா' படம் அடுத்த ஆண்டு மார்ச் 30 ஆம் தேதி திரைக்கு வரவுள்ள நிலையில் படத்தின் டீசர் வெளியாகியுள்ளது. இந்த டீசர் தான் தற்போது இணையவாசிகளின் ட்ரோல் மெட்டீரியல். 'கைதி' படத்தைப் பார்த்து ஃபயர் விட்ட ரசிகர்கள் எல்லாம் 'போலா' பட டீசரை பார்த்து, 'என்னடா பண்ணி வச்சிருக்கீங்க...', 'படத்தை கொலை செய்து விட்டார் அஜய் தேவ்கன்' என கமெண்ட்ஸ்களை பறக்க விட்டு வருகின்றனர். மேலும், கைதி பட ரசிகர்கள் 'இது கைதி படம் தானா...இல்ல வேறொரு படமா' என வருத்தத்தில் உள்ளனர். 

 

 


 

Next Story

ஹீரோயினே இல்லாத படத்தில் அமலா பால்; லோகேஷ் படத்துக்கு வந்த சோதனை

Published on 03/11/2022 | Edited on 03/11/2022

 

amala paul to joined in lokesh kaithi movie hindi remake bhola

 

தமிழ், மலையாளம் மற்றும் தெலுங்கு மொழிகளில் கவனம் செலுத்தி வரும் அமலா பால் கடைசியாக 'கடாவர்' படத்தில் நடித்திருந்தார். இப்படத்தில் முதன்மை கதாபாத்திரத்தில் நடித்து 'அமலா பால் புரொடக்ஷன்' என்ற தனது தயாரிப்பு நிறுவனத்தின் சார்பில் தயாரித்தும் இருந்தார். இப்படம் அமலா பாலின் தயாரிப்பு நிறுவனத்தின் முதல் படம் என்பது குறிப்பிடத்தக்கது. இதனை தொடர்ந்து மலையாளத்தில் 'டீச்சர்', 'கிறிஸ்டோபர்' உள்ளிட்ட படங்களில் நடிக்கிறார்.

 

ad

 

இந்நிலையில் அமலா பால் தற்போது பாலிவுட்டில் என்ட்ரி கொடுக்கவுள்ளதாக தகவல் வெளியாகியுள்ளது. லோகேஷ் கனகராஜ் இயக்கத்தில், கார்த்தி நடிப்பில் கடந்த 2019 ஆம் ஆண்டு வெளியாகி பெரும் வெற்றி பெற்ற படம் 'கைதி'. இப்படம் தற்போது இந்தியில் ரீமேக் ஆகி வருகிறது. இப்படத்தை 'போலா' என்ற தலைப்பில் அஜய் தேவ்கன் நடித்து அதை இயக்கியும் வருகிறார். இப்படத்தில் நடிகை தபு போலீஸ் கதாபாத்திரத்தில் நடித்து வருகிறார். இதனை தொடர்ந்து தற்போது அமலா பால் நடிக்கவுள்ளதாக கூறப்படுகிறது. 

 

'கைதி' படம் ஒரே நாள் இரவில் நடக்கும் சம்பவங்களை வைத்து உருவாகியிருந்தது. அதே சமயம் இந்த படத்தில் கதாநாயகியும் பாட்டும் இல்லாமல் காட்சிகள் அமைந்திருக்கும். இப்படத்தில் அமலா பால் நடிப்பது உறுதியாகும் பட்சத்தில் ஹீரோயினே இல்லாத இந்த படத்தில் அவர் எந்த கதாபாத்திரத்தில் நடிப்பார் என்ற கேள்வி ரசிகர்களின் மனதில் எழுந்து வருகிறது.

 

ஏற்கனவே தமிழில் இருந்து இந்தியில் ரீமேக்கான 'விண்ணைத்தாண்டி வருவாயா', 'காஞ்சனா', 'ராட்சசன்' உள்ளிட்ட பல படங்கள் தோல்வியடைந்து ரசிகர்களை சோதித்திருந்தது. அந்த வரிசையில் இப்போது லோகேஷ் படமும் வந்துவிடுமோ என்ற கவலையில் உள்ளனர் லோகேஷின் ரசிகர்கள். இதனிடையே லோகேஷின் முதல் படமான 'மாநகரம்' படமும் இந்தியில் 'மும்பைகார்' என்ற தலைப்பில் ரீமேக் ஆகி வருவது குறிப்பிடத்தக்கது.